2 Korente 12:6 - Mbeti ti Nzapa - Tënë so amu fini

⁶ Tongana mbi ye fade ti gonda tere ti mbi, ka mbi yeke pepe tongana zo so ye asara li ti lo, ka mbi tene gi taa-tënë. Me mbi ye ti gonda tere ti mbi pepe, ngbanga ti so mbi ye titene azo abaa mbi tongana kota zo ahon ndoni pepe, me ala baa mbi alingbi gi na ye so mbi yeke sara wala ye so ala yeke ma na ndö ti mbi.

2 Korente 12:6 ပူးပေါင်းရင်းမြစ်များ

Mbeti ti Job 24:25

Ye ni ayeke tongaso pepe? Zo wa laa alingbi ti tene, mbi tene mvene, zo wa? Zo wa laa alingbi ti bere tënë ti mbi, zo wa?

Rome 9:1

Na lege ti gango so mbi ga oko na Christ, mbi yeke tene taa-tënë, mbi yeke tene mvene pepe. Yingo-Vuru ayeke fa lege na be ti mbi si be ti mbi ayeke fa so ye ni ayeke taa-tënë:

1 Korente 3:5

Apolos ayeke zo wa? Paul ayeke zo wa? Ala yeke gi azo ti kua so Nzapa amu ala ti sara si ala, azo ti Korente ama na be. Zo oko oko na popo ti azo ti kua ni asara gi ye so *Kota Gbia amu na lo ti sarango ni.

2 Korente 1:18

Na le ti Nzapa, tënë so mbi tene na ala, mbi tene ge “een” si mbi tene kâ “ên-en” pepe.

2 Korente 11:16

Mbi kiri mbi tene: ayeke nzoni mbeni zo abaa mbi pepe tongana zo so mbeni ye asara li ti lo. Wala, tongana ala baa mbi tongaso, ayeke nzoni ala yeda si mbi nga, mbi gonda tere ti mbi kete.

2 Korente 11:31

Nzapa, Babâ ti Kota Gbia Jésus ahinga so, mbi yeke tene mvene pepe. Gonda ayeke ti lo kpu na kpu!

2 Korente 12:11

Mbi ga tongana zo so mbeni ye asara li ti lo awe! Ala laa asara si mbi ga tongaso. Ala laa alingbi fade ti tene nzoni tënë na ndö ti mbi. Ataa mbi yeke ye pepe, akota kota *watokua ti ala so ahon mbi na ye oko pepe.

2 Korente 12:7

Aye so Nzapa afa na mbi si mbi baa ni so ayeke aye ti ndima. Titene mbi gonda tere ti mbi ndali ti aye ni pepe, Nzapa azia mbeni ye tongana ki na ya ti tere ti mbi: ki ni ayeke tongana mbeni zo so Satan atokua lo ti pika mbi si mbi gonda tere ti mbi pepe.

2 Korente 5:13

Tongana e yeke azo so li ti ala ayeke daa pepe, e yeke tongaso ndali ti Nzapa. Tongana e yeke azo so li ti ala ayeke daa, e yeke tongaso ndali ti ala, a-ita.

2 Korente 7:14

Lani, mbi gonda tere ti mbi ndali ti ala na le ti lo, me kamene ni asara mbi pepe. Tongana ti so lakue e yeke tene na ala taa-tënë, gondango tere ti e ndali ti ala na le ti Tite aga nga taa-tënë awe.