2 Korente 12:4 - Mbeti ti Nzapa - Tënë so amu fini

⁴ Nzapa amu zo ni so ague na lo ngbii asi na lo na *paradi. Kâ, zo ni ama ambeni tënë so tenengo ni akara zo si a gbanzi lege na zo ti tene tënë ni.

2 Korente 12:4 ပူးပေါင်းရင်းမြစ်များ

Ezekiel 31:9

Mbi mu na lo gba ti amaboko so asara pendere ti lo; nilaa akeke kue ti Eden, yaka ti Nzapa asara kota be na tere ti lo.’ ”

Ezekiel 8:3

Lo yoro mbeni ye so akpa maboko si lo gbu mbi na kua ti li ti mbi. Tongaso, na ya ti mbeni ye tongana bango-li so alondo na Nzapa, yingo amu mbi ahon na mbi na nduzu na popo ti yayu na sese; na pekoni lo gue na mbi na Jérusalem. Mo ye ti baa, mbi yeke na yanga ti gbagba ti gbata ni, na mbage ti ya ni; yanga ti gbagba ni abaa ndo na mbage ti Banga, na ndo so a zia yanda daa; so asara si mbanda ti Nzapa alondo biani.

Nzoni Tënë so Luc asu na mbeti 23:43

Jésus atene na lo: “Mbi tene na mo taa-tënë: gi laso, laso, mo yeke duti legeoko na mbi na *paradi.”

Awatokua 8:39

So ala sigigi na ya ti ngu ni awe, Yingo ti Kota Gbia amu Philippe ahon na lo si mbaiwa ni akiri abaa lo pepe. Lo mu lege ti gue na ngia na be ti lo.

1 Korente 13:1

Tongana mbi tene ayanga ti kodro ti azo na ayanga ti *a-ange si mbi ye amba ti mbi pepe, andaa mbi yeke tongana gbagba ngo so ayeke toto wala mbeni wen so ayeke toto mingi.

2 Korente 12:2

Mbi hinga mbeni zo ti Christ; asara ngu baleoko na osio so Nzapa amu lo ague na lo na ota yayu. – Wala lo mu lo na ngbongboro tere ti lo kue, mbi hinga pepe; wala zo ni asigigi na ya ti tere ti lo si a hon na lo, mbi hinga pepe, Nzapa oko laa ahinga. –

1 Tesalonike 4:17

Na pekoni, e so e yeke ngba ande na fini, fade a yeke mu e na ala kue ti gue na e na ya ti ambinda titene e tengbi na Kota Gbia na nduzu kâ. Tongaso, e yeke duti na tere ti Kota Gbia lakue lakue.

Aye so Nzapa afa 12:5

Wali ni adu molenge-koli; molenge-koli so laa ayeke fa lege na amara kue na komandema ti ngangu. A mu molenge so wali ni adu so, a gue na lo na tere ti Nzapa, na tere ti mbata ti lo ti gbia.

Aye so Nzapa afa 2:7

“Zo so ayeke na mê ti mango ndo, ayeke nzoni lo ma tënë so Yingo ayeke tene na a-Eglize! “Zo so aso benda, fade mbi yeke mu na lo lege ti te le ti keke so ayeke mu fini na zo si ayeke na ya ti *paradi ti Nzapa.”