2 Korente 12:2 - Mbeti ti Nzapa - Tënë so amu fini

² Mbi hinga mbeni zo ti Christ; asara ngu baleoko na osio so Nzapa amu lo ague na lo na ota yayu. – Wala lo mu lo na ngbongboro tere ti lo kue, mbi hinga pepe; wala zo ni asigigi na ya ti tere ti lo si a hon na lo, mbi hinga pepe, Nzapa oko laa ahinga. –

2 Korente 12:2 ပူးပေါင်းရင်းမြစ်များ

1 Agbia 18:12

Me gi so mbi yeke zia mo ti hon, fade yingo ti KOTA GBIA ayeke mu mo ti hon na mo na mbeni ndo so mbi hinga pepe. Ti mbi, mbi yeke gue ti tene tënë ni na Akab; tongana lo wara mo pepe, fade lo yeke fâ mbi. Andaa ti londo na ngoi so mbi de molenge ngbii asi laso, mbi zo ti kua ti mo, mbi yeke kpe mbeto ti KOTA GBIA mingi.

1 Agbia 8:27

“Me Nzapa alingbi biani ti duti na ndö ti sese so? So yayu so akono ahon ndoni alingbi na konongo ti lo pepe si kota da so mbi sara ayeke kete mingi so!

2 Agbia 2:16

Ala tene na lo: “Na popo ti e, azo ti kua ti mo, angangu koli baleoku ayeke daa. Tongana mo ye, ala gue, agi kota zo ti mo. E hinga pepe, yingo ti KOTA GBIA amu lo, abi lo na li ti mbeni hoto wala abi lo na mbeni popo-hoto.” Me Élisée atene: “Ala tokua zo oko pepe.”

Abia (Psaumes) 148:4

Ala ayayu so ahon ayayu kue, ala angu so ayeke na ndö ti yayu, ala sepela lo!

Ésaïe 57:15

Nzapa so ayeke na nduzu mingi, yongoro kâ, lo so ndo ti lo ayeke kpu na kpu, lo so iri ti lo ayeke nde si ayeke nzoni kue, tënë so lo tene ayeke so: “Mbi Nzapa so mbi yeke nde si mbi yeke nzoni kue, mbi yeke na nduzu mingi. Me mbi yeke na azo so a nika ala awe nga na azo so asara tere ti ala kete. Mbi yeke mu ngangu na be ti azo so asara tere ti ala kete; mbi yeke kiri fini na azo so a nika ala awe.

Ezekiel 11:24

Gi na ya ti oko ye so mbi baa na ya ti mbeni ye tongana bango-li, yingo ti Nzapa amu mbi na nduzu; lo kiri na mbi na Babilone na tere ti azo ti Israel so a gbu ala si a gue na ala kâ so. Tongaso, ye so mbi baa na ya ti mbeni ye tongana bango-li so, alondo na ndö ti mbi ahon.

Ezekiel 43:5

Tongaso, yingo ti Nzapa ayo mbi, ague na mbi na ya ti gbagba ti kota da ni ti ya ni. Mbi baa gonda ti KOTA GBIA asi singo na ya ti kota da ni.

Nzoni Tënë so Luc asu na mbeti 24:51

So lo ngba ti sara tufa na ndö ti ala, lo londo na tere ti ala, lo hon si a mu lo, a gue na lo na yayu.

Jean 6:56

Zo so ate tere ti mbi si anyon mene ti mbi, zo so mbi na lo, e yeke duti oko laa.

Awatokua 14:6

So awatokua ni ahinga tënë ni, ala kpe ague na mbage ti Listre na Derbe, agbata ti sese ti Likaonii, nga na akodro so ayeke na tere ni.

Awatokua 22:17

“Na pekoni, mbi kiri na Jérusalem. Mbeni lâ, so mbi yeke sambela na ya ti kota da ti Nzapa, mbeni ye asi na mbi na ya ti mbeni ye tongana bango-li.

Rome 16:10

Ala bara na mbi Apeles so afa biani so lo yeke taa zo ti Christ. Ala bara na mbi azo ti da ti Aristobule.

Rome 16:3

Ala bara na mbi Priscille na Akilas, amba ti mbi so mbi na ala, e yeke sara kua ti Jésus Christ.

Rome 16:7

Ala bara na mbi Andronikus na Yunias; ala yeke azo ti sewa ti mbi so lani mbi na ala e yeke na da ti kanga; ala yeke *awatokua ti Christ so azo ahinga ala nzoni mingi, ala yeke azo so amu tere ti ala na Christ kozo ti mbi.

Rome 16:9

Ala bara na mbi Urben, mba ti e so e na lo, e yeke sara kua ti Christ; lo na Stakis, ita so mbi ye lo mingi.

Rome 8:1

Fadeso, azo so aga oko na Jésus Christ awe, ngbanga ayeke na li ti ala mbeni pepe.

1 Korente 1:30

Me Nzapa asara si ala, a-ita, ala ga oko na Jésus Christ si lo sara titene Christ aga ndara ti e. Na lege ti Christ, Nzapa asara si e ga mbirimbiri na le ti lo, e ga azo so ayeke duti nde ndali ti so lo laa lo zi e na ya ti siokpari.

2 Korente 11:11

Mbi tene tënë so ngbanga ti nyen? Mbi tene tënë so, ngbanga ti so mbi ye ala pepe? Nzapa ahinga so mbi ye ala!

2 Korente 13:5

Ala wani abaa be ti ala nzoni, ala gi ti hinga biani wala ala yeke duti na lege ti mabe. Ala hinga pepe atene, Jésus Christ ayeke na be ti ala? Tongana ye ni ayeke tongaso, ye so afa atene, ala yeke na mabe ayeke daa pepe.

2 Korente 5:17

Tongaso, tongana mbeni zo aga oko na Christ, lo ga fini zo awe; ngbene ye ahon awe, fini ye asi.

2 Korente 5:21

Christ asara siokpari oko pepe, me Nzapa asara si siokpari ti e akiri na li ti lo. Tongaso na lege ti Christ, Nzapa asara si e ga mbirimbiri.

Galasii 1:22

Na ndembe ni so, azo ti a-Eglize ti Christ so ayeke na Judée ade ti baa le ti mbi laoko pepe.

Galasii 5:6

Biani, tongana zo aga oko na Jésus Christ, ataa zo ni afâ ganza wala lo fâ ganza pepe, so kota ye ni laa pepe! Kota ye ni ayeke titene zo aduti na mabe so ayeke sara titene lo ye amba ti lo.

Efeze 4:10

Lo so lo zu na sese, gi lo laa lo ma yongoro na peko ti anduzu kâ titene lo mu ya ti dunia kue.

Ndia ti fani use ni 10:14

Yayu so akono ahon ndoni, sese na aye so kue ayeke na ndö ni ayeke ti KOTA GBIA Nzapa ti ala.

1 Tesalonike 4:17

Na pekoni, e so e yeke ngba ande na fini, fade a yeke mu e na ala kue ti gue na e na ya ti ambinda titene e tengbi na Kota Gbia na nduzu kâ. Tongaso, e yeke duti na tere ti Kota Gbia lakue lakue.

Ahebro 4:14

E yeke na kota wayango-sandaga so ahon atanga ni kue, lo gue ngbii lo si na le ti Nzapa kâ na yayu: ayeke Jésus, Molenge ti Nzapa. Nilaa, ayeke nzoni e gbu mabe ti e ngangu, mabe so e yeke fa tënë ni.

Ahebro 9:24

Da ti Nzapa so azo aleke ni lani na maboko ti ala so, ayeke gi limo ti taa ndo ti nzoni kue. Da so azo aleke ni, ni laa Christ ali lani na ya ni pepe, me lo li na yayu si lo luti na le ti Nzapa ndali ti nzoni ti e.

Aye so Nzapa afa 1:10

Na lango ti *Kota Gbia, Yingo ti Nzapa agbu mbi. Na peko ti mbi, mbi ma mbeni go so atoto ngangu tongana tatalita.

Aye so Nzapa afa 12:5

Wali ni adu molenge-koli; molenge-koli so laa ayeke fa lege na amara kue na komandema ti ngangu. A mu molenge so wali ni adu so, a gue na lo na tere ti Nzapa, na tere ti mbata ti lo ti gbia.

Aye so Nzapa afa 4:2

Gi hio tongaso, Yingo-Vuru agbu mbi si mbi baa mbeni mbata ti gbia na yayu, mbeni zo ayeke duti na ndö ni.