2 Korente 12:18 - Mbeti ti Nzapa - Tënë so amu fini

¹⁸ Mbi tene tënë mingi na Tite si mbi tokua lo, lo na mbeni ita [so mbi tene tënë ti lo] so. So Tite ague so, lo te mbeni ye ti ala? E na lo kue, be ti e ayeke gi oko pepe? E na lo kue, sarango ye ti e ayeke gi oko pepe?

2 Korente 12:18 ပူးပေါင်းရင်းမြစ်များ

Néhémie 5:14

A mu mbi ti duti govoronere ti sese ti Juda na ngoi so Artakzerses ayeke gbia, ti londo na ngu baleuse ni ngbii asi na ngu baleota na use ni. Na ya ti ngu baleoko na use so, ataa mbi, ataa a-ita ti mbi, laoko e mu nginza ti lapo ti govoronere ti te na kobe pepe.

Wungo ti azo 16:15

Ngonzo agbu Moïse ngangu mingi si lo tene na KOTA GBIA: “Yeda na *sandaga ti ala pepe! Laoko mbi mu ye ti ala pepe, ataa mbeni lele ti ala. Mbi sara mbana na zo oko na popo ti ala pepe!”

Rome 4:12

Lo yeke nga babâ ti azo so kue afâ ganza awe, so ti tene ala so azia be ti ala gi na ndö ti fango ganza pepe, me ala yeke sara ye na lege ti mabe tongana babâ ti e Abraham: lo ma na be na Nzapa kozoni si lo fâ ganza.

1 Korente 4:21

Ala ye nyen? Ala ye mbi mu fimbo si mbi ga na ni na tere ti ala? Wala ala ye mbi sara ngangu na ala pepe, ti fa na ala so mbi ye ala?

2 Korente 7:2

Ala leke ndo na be ti ala ndali ti e! E sara sioni na zo oko pepe, e buba lege ti dutingo ti zo oko pepe, e mu ye ti zo oko na mbana pepe.

2 Korente 7:6

Me Nzapa so ayeke de be ti azo so be ti ala awoko kue, lo sara si gango ti Tite ade be ti e.

2 Korente 8:6

Ndani laa e mu wango mingi na Tite titene lo hunzi kua ti nzoni be so lo to nda ni na ndo ti ala, azo ti Eglize ti Korente.

1 Pierre 2:21

Ye so Nzapa airi ala ndali ni laa, ngbanga ti so Christ nga abaa ando pasi ndali ti ala; lo sara tongaso ti fa lege na ala si ala mu tapande ti lo.