2 Korente 12:15 - Mbeti ti Nzapa - Tënë so amu fini

¹⁵ Ti mbi, fade mbi yeke buba aye ti mbi kue si mbi yeke ka fini ti mbi ndali ti ala. Tongana mbi ye ala ahon ndoni, fade ala yeke ye mbi gi kete?

2 Korente 12:15 ပူးပေါင်းရင်းမြစ်များ

2 Samuel 13:39

Na pekoni, gbia David azia lege ti ngonzo so lo sara na tere ti Absalom, ngbanga ti so be ti lo ade awe ndali ti kuâ ti Amnon.

Rome 9:3

Ti be ti mbi, mbi ye fade titene Nzapa adeba mbi si mbi wani, mbi kangbi na Christ ndali ti a-ita ti mbi so ayeke azo ti mara ti mbi.

2 Korente 1:14

Andaa ti fadeso, ala de ti ma ya ti atënë ti e ni kue pepe. Ye so ala lingbi ti ma ya ni ayeke so: na lango ti kiringo ti *Kota Gbia ti e Jésus, fade ala yeke gonda tere ti ala ndali ti e si e nga, e yeke gonda tere ti e ndali ti ala.

2 Korente 1:6

Tongana e yeke baa pasi, so ayeke sara si be ti ala ade si ala soo kuâ. Tongana be ti e ade, so ayeke sara si be ti ala ade si ala kanga be ti ala na ya ti amara ti pasi so e nga, e yeke baa so.

2 Korente 11:11

Mbi tene tënë so ngbanga ti nyen? Mbi tene tënë so, ngbanga ti so mbi ye ala pepe? Nzapa ahinga so mbi ye ala!

2 Korente 12:14

Fadeso, mbi leke tere ti mbi ti gue na ndo ti ala kâ ti fani ota ni. Mbi yeke ga ande tongana kungba na ndö ti ala pepe, ngbanga ti so mbi yeke gi anzoni ye ti ala pepe, me ala wani laa mbi yeke gi ala. Kua ti amolenge ayeke ti gi ye pepe ti bata na babâ na mama ti ala, me babâ na mama laa ayeke gi ye ti bata na amolenge ti ala.

2 Korente 12:9

Me lo tene na mbi: “Nzoni be so mbi sara na mo so alingbi awe. Na ndembe so zo ayeke na ngangu pepe, ngangu ti mbi alingbi ti sara ye kue.” Tongaso, mbi yeke gonda tere ti mbi, gi ngbanga ti so mbi yeke na ngangu pepe, tongaso si ngangu ti Christ aduti na ya ti tere ti mbi.

2 Korente 2:3

Nda ti mbeni mbeti so mbi tokua na ala so ayeke so: na singo ti mbi na popo ti ala, mbi ye titene azo so alingbi fade ti zia ngia na be ti mbi, ala ga azo ti zia vundu na be ti mbi pepe. Ti ala, mbi hinga na be ti mbi, mbi tene, ngia so ayeke na be ti mbi so ayeke nga na be ti ala kue.

2 Korente 4:12

Tongaso, kuâ ayeke sara kua na ya ti tere ti e, fini ayeke sara kua na ya ti tere ti ala.

2 Korente 7:2

Ala leke ndo na be ti ala ndali ti e! E sara sioni na zo oko pepe, e buba lege ti dutingo ti zo oko pepe, e mu ye ti zo oko na mbana pepe.

2 Korente 7:3

Mbi yeke tene tënë so ti fâ ngbanga na li ti ala pepe. Biani, mbi tene na ala kozoni, mbi tene: ataa e ngba na fini wala e kui, e ye ala mingi.

Galasii 4:10

Ala yeke mu ambeni lango, ambeni nze, ambeni ngoi nga na ambeni ngu tongana kota ye mingi na le ti ala!

Filipe 2:17

Mabe ti ala asara si ala yeke mu *sandaga na Nzapa. Mbi hinga pepe, tongana a fâ mbi si mene ti mbi atuku, fade ayeke ga tongana sandaga na ndö ti so ala yeke mu. Tongana ye ni ayeke tongaso, be ti mbi ayeke nzere si mbi na ala kue, e yeke na ngia.

Kolose 1:24

A-ita, fadeso, mbi yeke na ngia ndali ti pasi so mbi yeke baa ndali ti ala, ngbanga ti so na lege ti pasi ni, mbi yeke hunzi tanga ti pasi ti Christ so lo baa ndali ti *Eglize so ayeke tere ti lo.

1 Tesalonike 2:8

Ndali ti yengo so e ye ala, e ye lani ti fa na ala gi Nzoni Tënë pepe, me e ye nga ti ka tere ti e na kuâ ndali ti ala, ngbanga ti so tënë ti ala agbu be ti e mingi!

2 Timothée 2:10

Ndani laa mbi yeke kanga be ti mbi na ya ti aye so kue ngbanga ti azo so Nzapa asoro ala. Tongaso, ala nga, fade ala yeke wara lege ti soo kuâ na lege ti gango so ala ga oko na Jésus Christ si ala yeke wara gonda so ayeke ngba lakue lakue.

Ahebro 13:17

Ala ma yanga ti azo ti li ti Eglize, ala sara ye so azo ni ahunda na ala. Azo ni ayeke baa ndo na ndö ti ala, ngbanga ti so fade Nzapa ayeke hunda ala ndali ni. Tongana ala yeke ma yanga ti azo ti li ti Eglize, fade azo ni ayeke sara kua ti Nzapa na nzerengo be si ala dema tere ti ala pepe. Me tongana azo ni adema tere, fade ala a-ita, ala yeke baa nzoni pepe.