2 Korente 12:10 - Mbeti ti Nzapa - Tënë so amu fini

¹⁰ Ndani laa mbi yeke duti na ngia na ndembe so mbi yeke na ngangu pepe, nga na ndembe so azo ayeke zonga mbi, wala aye ayeke gi mbi mbage na mbage, wala azo ayeke sara ngangu na mbi, wala mbi yeke na kpale mingi ndali ti Christ. Biani, na ndembe so mbi yeke na ngangu pepe, na ndembe so laa mbi yeke na ngangu.

2 Korente 12:10 ပူးပေါင်းရင်းမြစ်များ

Nzoni Tënë so Luc asu na mbeti 6:22

“Ti ala nzoni, ala so azo ake ala, atumba ala, azonga ala si ayeke diko asioni tënë na iri ti ala ndali ti *Molenge ti Zo!

Jean 15:21

Me fade azo ayeke sara ye so kue na ala ndali ti iri ti mbi, ngbanga ti so azo ni ahinga lo so atokua mbi pepe.

Awatokua 5:41

So awatokua ni asigigi na ya ti Kota Bongbi ti Fango Ngbanga ni, be ti ala asi na ngia, ngbanga ti so Nzapa abaa so ala lingbi na bango pasi ndali ti iri ti Jésus.

Rome 5:3

Na ndö ni kue, e yeke na ngia na ya ti aye ti pasi so ayeke si na e, ngbanga ti so pasi laa ayeke sara si zo akanga be ti lo,

1 Korente 4:10

Ndali ti Christ, e ga azo so li ti ala ayeke daa pepe, me ti ala, ala ga azo ti ndara na lege ti gango so ala ga oko na Christ. E yeke ti e na ngangu pepe, me ti ala, ala yeke na ngangu. Azo ayeke ne ala, me ti e, azo ayeke baa e tongana ambumbuse zo.

2 Korente 1:4

Lo yeke de be ti e na ya ti apasi so kue e yeke baa. Tongaso si e wani, e ga azo so alingbi ti de be ti azo so kue ayeke na ya ti pasi, e lingbi ti de be ti azo gi tongana ti so Nzapa ade be ti e so.

2 Korente 10:18

Taa nzoni zo ti kua ayeke zo so ayeke tene nzoni tënë na ndö ti lo wani pepe, me zo so Kota Gbia laa ayeke tene nzoni tënë na ndö ti lo.

2 Korente 12:9

Me lo tene na mbi: “Nzoni be so mbi sara na mo so alingbi awe. Na ndembe so zo ayeke na ngangu pepe, ngangu ti mbi alingbi ti sara ye kue.” Tongaso, mbi yeke gonda tere ti mbi, gi ngbanga ti so mbi yeke na ngangu pepe, tongaso si ngangu ti Christ aduti na ya ti tere ti mbi.

2 Korente 13:4

Biani, a fâ lo na ndö ti keke ti kroa ndali ti so lo yeke na ngangu pepe, me fadeso, lo yeke na fini na lege ti ngangu ti Nzapa. Ndali ti so e ga oko na lo, e nga, e yeke na ngangu pepe, me fade e yeke fa na ala so, e yeke na fini na lege ti ngangu ti Nzapa.

2 Korente 13:9

Lakue, be ti e ayeke na ngia tongana e yeke na ngangu pepe si ala yeke ti ala na ngangu. Ye so e yeke sambela ndali ni ayeke titene ala ga nzoni kue.

2 Korente 4:17

Pasi so e yeke baa fadeso ayeke gi ndali ti kete ngoi. Pasi ni ayeke leke e ndali ti kota gonda so ayeke ngba lakue lakue si ayeke kota ahon ndoni.

2 Korente 4:5

Biani, tënë so e yeke fa, e yeke fa ni na ndö ti e wani pepe, me na ndö ti Jésus Christ, lo so lo yeke *Kota Gbia. Ti e, e yeke fa na ala so, e yeke azo ti kua ti ala ndali ti Jésus.

2 Korente 5:15

Lo kui ndali ti azo kue titene azo so angba na fini, ala ngba na fini ndali ti ala wani pepe, me ndali ti lo so lo kui si lo zingo na kuâ ndali ti ala.

2 Korente 5:20

Tongaso, e yeke sara kua ti lembe na iri ti Christ; Nzapa wani laa airi ala na lege ti e: e voro ala na iri ti Christ, ala yeda titene songo akiri na popo ti ala na Nzapa.

2 Korente 6:4

Me na ya ti aye kue, e yeke fa so e yeke taa azo ti kua ti Nzapa. Tongaso, e yeke kanga be ti e ti sara kua na ya ti pasi, na ya ti aye ti ngangu, na ya ti aye ti dongo be;

2 Korente 7:4

Mbi zia be ti mbi kue na ndö ti ala, mbi yeke gonda tere ti mbi mingi ndali ti ala. Be ti mbi ade mingi; na ya ti pasi so kue e yeke baa, be ti mbi asi singo na ngia.

Efeze 6:10

Ti hunzi na ni, ala kpengba na lege ti kota ngangu ti *Kota Gbia, ngbanga ti so ala ga oko na lo.

Filipe 1:29

Nzapa asara nzoni be na ala gi titene ala ma na be na Christ pepe, me ti baa nga pasi ndali ti lo.

Kolose 1:24

A-ita, fadeso, mbi yeke na ngia ndali ti pasi so mbi yeke baa ndali ti ala, ngbanga ti so na lege ti pasi ni, mbi yeke hunzi tanga ti pasi ti Christ so lo baa ndali ti *Eglize so ayeke tere ti lo.

2 Tesalonike 1:4

Ndani laa, e yeke pika kate ti e ngbanga ti ala na ya ti *a-Eglize ti Nzapa, ngbanga ti so ala ngba ti kanga be ti ala si ala ngba ti bata mabe ti ala na ya ti pasi nga na ya ti aye ti ngangu so kue ayeke si na ala.

2 Timothée 3:11

nga na aye ti ngangu so ando asi na mbi. Mbi baa pasi mingi na Antioshe, na Ikoniom, na Listre. Aye ti ngangu ti nyen laa asi na mbi pepe? Me *Kota Gbia azi mbi na ya ni kue.

Jacques 1:2

A-ita ti mbi, ayeke nzoni be ti ala aduti na ngia na ya ti aye ti tarango be nde nde so ayeke si na ala.

Aye so Nzapa afa 2:3

Mo kanga be ti mo: mo baa pasi ndali ti mbi, be ti mo awoko pepe.