2 Korente 11:7 - Mbeti ti Nzapa - Tënë so amu fini

⁷ So mbi sara tere ti mbi kete ti fa Nzoni Tënë ti Nzapa na ala gi senge senge ti sara si ala ga akota zo so, andaa sioni laa mbi sara so?

2 Korente 11:7 ပူးပေါင်းရင်းမြစ်များ

Awatokua 20:33

Mbi sara nzara ti nginza, wala nzara ti lôro wala nzara ti bongo ti mbeni zo oko pepe.

Awatokua 20:34

Ala wani ahinga atene, mbi sara kua na maboko ti mbi wani si mbi na amba ti mbi, e wara aye so atia e.

Rome 1:1

Mbi Paul, zo ti kua ti Jésus Christ, mbi yeke *watokua so Nzapa airi mbi si lo zia mbi nde titene mbi fa Nzoni Tënë ti lo na azo.

1 Korente 9:12

So ambeni zo alingbi ti hunda ye so na ala, ka ti e ni, e lingbi ti hunda ye ahon ti azo ni so pepe? Me e sara tongaso pepe. Ataa aye so kue ayeke si na e, e yeke kanga be ti e, ngbanga ti so e ke ti sara mbeni ye so alingbi ti kanga lege na Nzoni Tënë ti Christ.

1 Korente 9:6

Gi mbi na Barnabas laa e lingbi ti ngba ti sara kua ti wara na kobe ti yanga ti e?

2 Korente 10:1

Mbi Paul, mbi wani, mbi yeke hunda na ala mbeni ye na iri ti Christ, lo so lo yeke sara ye na nzoni be, me na ngangu pepe. Azo ayeke tene: tongana mbi yeke na popo ti ala, mbi yeke zo so ade mingi, me tongana mbi yeke yongoro na ala, mbi yeke so na ndö ti ala mingi.

2 Korente 10:16

Na pekoni, e yeke gue na Nzoni Tënë na ya ti ambeni kodro so ayeke na peko ti ala kâ. Tongaso si ndo so ambeni zo asara kua daa kozoni awe, e ye ti kiri ti sara kua na ndo so pepe; kua so ambeni zo asara ni, e ye nga ti gonda tere ti e ndali ni pepe.

2 Korente 12:13

Nyen laa ambeni *Eglize awara si ala wara ti ala pepe so? Gi ye so mbi sara na ala pepe, ayeke so mbi ga tongana kungba na ndö ti ala pepe. Ala zi tënë na li ti mbi ndali ti sioni so mbi sara so!

2 Korente 2:12

Mbi si na gbata ti Troas ti fa Nzoni Tënë ti Christ, me ataa so *Kota Gbia azi lege kota na mbi titene mbi sara kua,

1 Tesalonike 2:9

A-ita, ala dabe ti ala na akua so lani e sara nga na ngangu so ahunzi na e. Na ndembe so e fa Nzoni Tënë na ala, e sara kua bi na lâ titene e ga kungba na ndö ti mbeni zo na popo ti ala pepe.

2 Tesalonike 3:8

Kobe so e te, e hunda ni na mbeni zo pepe ti mu na e senge senge. Me bi na lâ, e sara kua ngangu, na gbiki ti li ti e si e ga kungba na ndö ti mbeni zo oko na popo ti ala pepe.