2 Korente 11:6 - Mbeti ti Nzapa - Tënë so amu fini

⁶ Mbi hinga ti tene tënë nzoni pepe, so mbi hinga; me tongana ayeke tënë ti hingango ndo, so ayeke mbeni tënë nde: e fa ni na ala polele na ya ti aye kue.

2 Korente 11:6 ပူးပေါင်းရင်းမြစ်များ

1 Korente 1:17

Christ atokua mbi ti batize azo pepe, me ti fa Nzoni Tënë ti lo na azo. Mbi fa Nzoni Tënë na lege ti ndara ti azo pepe, tongaso si kuâ ti Christ na ndö ti keke ti kroa aga ye senge pepe.

1 Korente 1:21

Biani, azo ti dunia so, na ndara ti ala wani alingbi ti hinga Nzapa pepe, ataa na ndo so lo fa ndara ti lo daa. Ndani laa, lo leke na be ti lo ti soo azo so ama na be gi na lege ti tënë so e yeke fa si akpa buba tënë so.

1 Korente 12:8

Yingo ayeke mu na mbeni zo tënë ti ndara si na mbeni zo, lo yeke mu tënë ti hingango ye;

1 Korente 2:13

Tongaso e yeke mu atënë ti ndara ti azo ti tene na tënë ni pepe, me e yeke tene tënë ni na lege ti atënë so Yingo ti Nzapa ayeke fa na e. Nilaa e yeke fa nda ti atënë ti Yingo ti Nzapa na azo so ayeke na Yingo so.

2 Korente 10:10

Biani, ambeni zo atene: “Atënë ti ya ti ambeti ti Paul ane mingi si ayeke nga ngangu mingi; me tongana Paul ayeke na popo ti e, lo yeke na ngangu pepe si tënë ti yanga ti lo ayeke ye oko pepe.”

2 Korente 12:12

Aye so afa atene, mbi yeke watokua ti Christ, ala baa ni na popo ti ala kâ awe: mbi kanga be ti mbi na ya ti aye kue; ala baa aye ti kpene, aye ti dongo be na aye so Nzapa asara ti fa ngangu ti lo.

2 Korente 4:2

E ke tënë ti aye ti kamene so azo ayeke sara na gbe mingo; e yeke sara ye ti handa na azo pepe, e yeke buba ya ti tënë ti Nzapa pepe. Me e yeke fa taa-tënë na azo, tongaso si na le ti Nzapa, azo kue azia be ti ala na ndö ti e.

2 Korente 5:11

E hinga lege ti kpengo mbeto ti *Kota Gbia awe, nilaa e yeke gi lege ti sara kue titene azo ayeda na tënë ti lo. Nzapa ahinga e nzoni mingi, mbi hinga, mbi tene, gbaa na be ti ala kâ, ala nga ahinga mbi nzoni mingi.

2 Korente 6:6

E fa nga so e yeke azo ti kua ti Nzapa na lege ti dutingo ti e na vuru be, na lege ti hingango ndo ti e, na lege ti kangango be ti e, na lege ti nzoni be ti e, na lege ti Yingo-Vuru, na lege ti taa yengo tere na popo ti e,

2 Korente 7:2

Ala leke ndo na be ti ala ndali ti e! E sara sioni na zo oko pepe, e buba lege ti dutingo ti zo oko pepe, e mu ye ti zo oko na mbana pepe.

Efeze 3:4

Tongana ala diko mbeti so, fade ala lingbi ti hinga biani atene, mbi hinga nda ti tënë ti Christ so angba na hondengo ni.