2 Korente 11:29 - Mbeti ti Nzapa - Tënë so amu fini

²⁹ Tongana mbeni zo ayeke na ngangu pepe, mbi nga, mbi yeke na ngangu pepe. Tongana mbeni zo asara si mba ti lo ati na ya ti siokpari, tënë ni aso be ti mbi mingi.

2 Korente 11:29 ပူးပေါင်းရင်းမြစ်များ

Matthieu 11:6

Ti lo nzoni, zo so azia lege ti mabe ti lo pepe ndali ti mbi!”

Jean 2:17

Adisiple ti lo adabe ti ala na tënë so Mbeti ti Nzapa atene: “Nzapa, fade nzara ti da ti mo ayeke gbi mbi tongana wâ.”

Rome 12:15

Ala sara ngia na azo so ayeke na ngia, ala toto na azo so ayeke toto.

Rome 15:1

E so e yeke na ngangu, alingbi tënë ti azo so ayeke na ngangu pepe agbu be ti e si e sara na ala na ndo so ala yeke gi be ti ala daa. Alingbi e gi pepe gi ye so anzere na e wani.

1 Korente 11:22

Ala yeke na ada ti ala titene ala te si ala nyon na ya ni pepe? Wala ala baa *Eglize ti Nzapa na le ti ala tongana buba ye? Ala ye ti zia kamene na le ti azo so ayeke na ye pepe so? Fade mbi yeke tene na ala nyen? Mbi gonda ala? Oko pepe! Mbi yeke gonda ala na ndö ti tënë so pepe.

1 Korente 12:26

Tongana mbeni mbage ti tere oko ayeke baa pasi, atanga ni kue ayeke baa pasi legeoko na lo. Tongana a ne mbeni mbage ti tere oko, fade ayeke ne nga atanga ni kue.

1 Korente 15:36

Zo ti buba, gbu li ti mo kete si! Le ti kobe so mo yeke lu, tongana akui si fini ni asigigi na peko ni.

1 Korente 8:13

Ndani laa, tongana tengo mbeni kobe laa asara si ita ti mbi ati, fade mbi yeke zia lege ti tengo nyama biani biani, tongaso si ita ti mbi ati pepe.

1 Korente 8:9

A mu lege na ala ti sara ye kue, me ala sara hange si ndali ti sarango ye ti ala ni, mbeni zo so mabe ti lo akpengba pepe so ati pepe.

1 Korente 9:22

Tongana mbi yeke na popo ti azo so mabe ti ala akpengba pepe, mbi yeke sara ye tongana zo so mabe ti lo akpengba pepe. Mbi sara tongaso ti wara azo so mabe ti ala akpengba pepe. Tongana mbi yeke na popo ti azo kue, mbi yeke sara ye tongana azo kue titene mbi sara kue ti soo ambeni na popo ti ala.

2 Korente 13:9

Lakue, be ti e ayeke na ngia tongana e yeke na ngangu pepe si ala yeke ti ala na ngangu. Ye so e yeke sambela ndali ni ayeke titene ala ga nzoni kue.

Galasii 2:14

So mbi baa ala yeke sara ye mbirimbiri alingbi na Nzoni Tënë pepe, mbi tene na Pierre na le ti azo kue, mbi tene: “Mo so mo yeke zuife, mo yeke sara ye tongana azo ti amara nde, mo yeke sara ye tongana zuife pepe. Asara tongana nyen si mo yeke gbu azo ti amara nde na ngangu titene ala sara ye tongana azuife so?”

Galasii 6:2

Ala yo kungba ti amba ti ala na popo ti ala: so lege ti sarango ye alingbi na ndia ti Christ laa.

Aye so Nzapa afa 2:2

Mbi hinga aye so mo yeke sara, na pasi so mo yeke baa na sarango kua ti mo, na kangango be ti mo. Mbi hinga so mo lingbi pepe ti kanga be ti mo na azo ti sioni. Azo so ayeke tene, ani yeke *awatokua, andaa ala yeke awatokua biani pepe so, mo tara ala si mo baa so ala yeke azo ti mvene.

Aye so Nzapa afa 2:20

Me ye so mbi ke na mo ayeke so: mo zia lege na Yezabel, wali so, ti sara si azo ti kua ti mbi agirisa lege. Lo yeke tene na azo atene, ni yeke wayanga-Nzapa, lo yeke fa lege na azo ti mbi ti sara aye ti ndumba si ala yeke te akobe so a mu na *sandaga na ayanda.