2 Korente 11:26 - Mbeti ti Nzapa - Tënë so amu fini

²⁶ Mbi tambula na gere mingi, aye ti sioni ahara mbi lege mingi: *abale asuku amu ndo kue, asioni zo, azo ti mara ti mbi na azo ti amara nde aye ti sara sioni na mbi; na ya ti agbata, na ya ti abenyama nga na le ti kota ngu-ingo, aye ti sioni aye ti si na mbi, a-ita ti mvene aye ti sara sioni na mbi.

2 Korente 11:26 ပူးပေါင်းရင်းမြစ်များ

Awatokua 13:45

So azuife abaa gba ti azo ni, kota be asara ala; ala yeke tene tënë ti buba ya ti atënë ti Paul si ala yeke zonga lo.

Awatokua 13:50

Me azuife apusu awali so ayeke na kota ndo si ala yeke voro Nzapa, ala na akota zo ti gbata ni titene ala sara ngangu na Paul na Barnabas si atumba ala na sese ti ala.

Awatokua 14:19

Ambeni zuife alondo na Antioshe, na sese ti Pisidii, ambeni alondo na Ikoniom si aga; ala sara si gba ti azo ni aye peko ti tënë ti ala. Tongaso ala bo Paul na têne, ala gboto lo asigigi na lo na ya ti gbata ni, ala baa ti ala atene, lo kui awe.

Awatokua 14:5

Azo ti amara nde na azuife, ala na amakonzi ti ala ama tere ti sara pasi na awatokua ni, ti bo ala na têne.

Awatokua 15:40

Paul asoro ti lo Silas. Na peko ti so a-ita, azo ti Christ, asambela Kota Gbia ti sara nzoni be na lo, ala hon.

Awatokua 17:13

Me so azuife ti Tesalonike ama a tene, Paul ayeke fa nga tënë ti Nzapa na Bere, ala ga na ya ti gbata ni ti bi tomboka na li ti gba ti azo ni titene ala sara wusuwusu.

Awatokua 17:5

Me kota be asara azuife; ala mu ambeni godobe na tere ti ala, ala bi tomboka na li ti gba ti azo si ala bi wusuwusu na ya ti gbata ni. Ala gue na da ti Yason ti gbu Paul na Silas ti ga na ala na gbe ti azo ni.

Awatokua 18:12

Na ngoi so Galion ayeke govoronere ti sese ti Akayi, be ti azuife kue ake Paul. Ala gbu lo si ala gue na lo na ngbanga,

Awatokua 19:1

Na ndembe so Apolos ade na Korente, Paul ahon na ndo so ahoto ayeke daa si lo si na Efeze. Kâ, lo wara ambeni disiple,

Awatokua 19:23

Na ndembe ni so, kota wusuwusu alondo na Efeze ndali ti lege ti *Kota Gbia.

Awatokua 20:19

Mbi sara kua ti *Kota Gbia na be ti molenge, na ngu ti le, na ya ti apasi so kue mbi baa, ngbanga ti so azuife aleke tënë ti sara sioni na mbi.

Awatokua 20:3

Lo sara kâ nze ota. Na ndembe so lo ye ti mu mangboko ti gue na sese ti Sirii, lo ma so azuife aleke tënë ti sara sioni na lo. Tongaso lo leke na be ti lo ti kiri ti hon na ya ti Masedoane.

Awatokua 23:10

So papa ni aga ngangu, mbeto asara kota komanda ti aturugu ni ngbanga ti ala suru ya ti Paul. Tongaso lo mu yanga na aturugu ti mu Paul na popo ti azo ni ti sigigi na lo ti gue na lo na ya ti gbagba ti aturugu.

Awatokua 25:3

titene lo sara nzoni be na ala: lo mu Paul lo kiri na lo na Jérusalem. Andaa ala ye titene ambeni zo ahonde tere ti ala ti ku Paul ti fâ lo na lege.

Awatokua 27:42

Aturugu aye ti fâ azo ti kanga ni kue si mbeni oko afâ ngu akpe pepe.

Rome 15:19

na lege ti aye ti kpene nga na lege ti aye ti dongo be so Yingo-Vuru asara. Tongaso, ti londo na Jérusalem ngbii asi na sese ti Ilirii, mbi tambula ti fa Nzoni Tënë kue ti Christ na azo.

Rome 8:35

Zo wa laa alingbi ti kangbi e na ndoye ti Christ? Pasi, wala mbeto, wala aye ti ngangu, wala nzara, wala dutingo na ye pepe, wala ye ti sioni so ayeke hara e wala kuâ?

1 Korente 15:30

Me ti e, ngbanga ti nyen laa na ngoi kue, e yeke gue na le ti kuâ so?

1 Korente 15:32

Tongana mbi zia be ti mbi gi na ndö ti tënë ti azo, nda ti tiri so mbi tiri na azo so ayeke tongana asioni nyama ti ngonda na gbata ti Efeze so ayeke nyen? Tongana akuâ ayeke zingo pepe, tongana ti so ambeni zo ayeke tene: “E te, e nyon, ngbanga ti so kekereke, e yeke kui ti e kuingo.”

2 Korente 11:32

Na ngoi so mbi yeke ando na Damas, govoronere so ayeke sara kua ndali ti gbia Aretas azia aturugu na ayanga ti gbata ni kue titene ala gbu mbi.

Galasii 2:4

Me ambeni ita ti mvene ali na popo ti e tongana azo ti nzi, ala ye titene a fâ Tite na ganza. Ala ga ti gi ti hinga lege ti dutingo ti e na peko ti so e sigigi na gbe ti ngbaa si e ga oko na Christ. Ala ye ti kiri ti sara e na ngbaa.