2 Korente 11:22 - Mbeti ti Nzapa - Tënë so amu fini

²² Azo ni ayeke azo ti mara ti Hebro? Mbi nga! Ala yeke azo ti mara ti Israel? Mbi nga! Ala yeke *ahale ti Abraham? Mbi nga!

2 Korente 11:22 ပူးပေါင်းရင်းမြစ်များ

2 Mbai 20:7

Mo laa mo yeke Nzapa ti e so mo tumba ando azo ti kodro so na dawa ti azo ti Israel, azo ti mo; mo mu kodro ni na *ahale ti Abraham so aye mo mingi; mo mu kodro ni na ala titene aga ti ala biani biani!

Sigingo 10:3

Moïse na Aaron ague na ndo ti Faraon si ala tene na lo: “Tënë so KOTA GBIA, Nzapa ti ahebro atene ayeke so: ‘Mo yeke ke ti sara tere ti mo kete na dawa ti mbi ngbii asi lawa? Zia lege na azo ti mbi titene ala gue, avoro mbi.

Sigingo 3:18

“Azo ti Israel ayeke ma ande mo; tongaso mo na akangba, ala yeke gue na ndo ti gbia ti Ezipte si ala yeke tene na lo: ‘KOTA GBIA, Nzapa ti ahebro afa tere ti lo na e. Fadeso, mu na e lango ota, e gue na benyama, e mu *sandaga na KOTA GBIA, Nzapa ti e.’

Sigingo 5:3

Moïse na Aaron atene: “Nzapa ti ahebro asi na e. Zia lege na e titene e tambula na ya ti lango ota, e gue na benyama ti mu *sandaga na KOTA GBIA, Nzapa ti e. Tongaso pepe, fade lo yeke fâ e na lege ti sioni kobela ti bubango kodro wala na lege ti bira.”

Sigingo 7:16

Mo tene na Faraon, mo tene: ‘KOTA GBIA, Nzapa ti ahebro atokua mbi ti tene na mo, atene: Zia lege na azo ti mbi titene ala gue, avoro mbi na benyama.’ Me mo ye ti ma pepe ngbii asi laso.

Sigingo 9:1

KOTA GBIA atene na Moïse: “Gue na ndo ti Faraon si mo tene na lo, mo tene: ‘Tënë so KOTA GBIA, Nzapa ti ahebro atene ayeke so: Zia lege na azo ti mbi titene ala gue, avoro mbi.

Sigingo 9:13

KOTA GBIA atene na Moïse: “Kekereke na kota ndaperere, mo londo mo gue, mo luti na dawa ti Faraon. Fade mo tene na lo: ‘Tënë so KOTA GBIA, Nzapa ti ahebro atene ayeke so: Zia lege na azo ti mbi titene ala gue, avoro mbi.

Matthieu 3:9

Ala tene na be ti ala pepe, atene: ‘Abraham ayeke kotara ti e.’ Biani, mbi tene na ala: Nzapa alingbi ti mu atêne so ti sara si aga amolenge ti Abraham!

Awatokua 22:3

“Mbi yeke zuife, a du mbi na Tarse, na sese ti Silisii, me mbi kono ge na Jérusalem na gbe ti wafango-ye Gamaliel. Mbi manda ti bata lege ti ndia ti akotara ti e mbirimbiri si nzara ti mbi kue ayeke ti sara kua ti Nzapa tongana ti so ala kue ayeke sara ni laso.

Awatokua 6:1

Na ya ti alango ni so, wungo ti adisiple ayeke gue na nduzu. Azuife so ayeke tene yanga ti greke ayeke pa ala so ayeke tene yanga ti hebro, ngbanga ti so azuife so ayeke tene yanga ti hebro ayeke girisa awali-mua ti azuife so atene yanga ti greke na ndembe ti kangbingo ye ti lango oko oko.

Rome 11:1

Mbi hunda ndo, mbi tene: Nzapa ake azo ti lo awe? Oko pepe! Mbi wani, mbi yeke nga zo ti Israel, mbi yeke *hale ti Abraham, zo ti mara ti Benjamin.

Rome 9:4

A-ita ti mbi ni ayeke azo ti Israel: Nzapa asara si ala ga amolenge ti lo, lo fa gonda ti lo na ala, lo leke *mbuki ndali ti ala, lo fa *Ndia ti lo na ala, lo fa lege ti vorongo lo na ala, lo mu azendo na ala,

Galasii 3:16

Legeoko nga, Nzapa amu azendo na Abraham na *hale ti lo. Mbeti ti Nzapa atene tënë ti “ahale ti lo” pepe; a tene tënë ti azo mingi pepe, gi tënë ti zo oko: “na hale ti mo”, so ti tene Christ.

Filipe 3:5

Mbi yeke taa zo ti mara ti Israel, zo ti mara ti Benjamin, akotara ti mbi kue ayeke azuife. Lango miombe na peko ti so a du mbi, a fâ mbi na ganza. Na lege ti batango ndia, mbi yeke taa *farizien.