2 Korente 11:20 - Mbeti ti Nzapa - Tënë so amu fini

²⁰ Azo ayeke sara ala na ngbaa, azo ayeke te ye ti ala, azo ayeke nzi ala, azo ayeke baa ala tongana ambumbuse zo, azo ayeke pika le ti ala, me ala yeke kanga be ti ala na ya ti aye so kue!

2 Korente 11:20 ပူးပေါင်းရင်းမြစ်များ

Ésaïe 50:6

Mbi zia peko ti mbi na azo so ayeke pika mbi, mbi yoro ngbangba ti mbi na azo so ayeke gboto kua ti yanga ti mbi. Azo so ayeke zonga mbi si ala yeke tuku ngu ti yanga na le ti mbi, mbi honde le ti mbi na ala pepe.

Abia ti demango tere 3:30

Ayeke nzoni lo yoro ngbangba ti lo na zo so aye ti pika ni, lo yeda na gba ti zonga ti azo.

Marc 12:40

Ala yeke ro aye kue ti ya ti da ti awali-mua si ala yeke sara ayongoro sambela titene azo abaa ala. Fade Nzapa ayeke fâ ngbanga na li ti ala ngangu ahon ti azo kue.”

Nzoni Tënë so Luc asu na mbeti 6:29

Tongana mbeni zo apika ngbangba ti mo, yoro nga na lo mbage ni lo pika. Tongana mbeni zo amu kota bongo ti mo, zia lo mu nga nduzu bongo ti mo.

1 Korente 4:11

Nzara ti kobe ayeke sara e, nzara ti ngu ayeke sara e, e yeke na bongo pepe, azo ayeke sara sioni na e, e yeke tambula gi na nduzu na nduzu, ngbii asi fadeso.

2 Korente 1:24

E ye ti duti makonzi na ndö ti mabe ti ala pepe, ngbanga ti so ala kpengba na lege ti mabe awe, me e ye ti sara kua maboko na maboko titene ala duti na ngia.

2 Korente 10:5

E yeke buba nga aye so kue azo ti baba ayeke mu ti kanga lege na amba ti ala ti hinga Nzapa. E yeke kanga lege na atënë ti be ti azo kue ti sara si atënë ti be ti ala aga ngbaa si ala ma yanga ti Christ.

2 Korente 11:3

Me ala dabe ti ala na ye so: ngbo ahanda ando Eve na lege ti mayere ti lo si Eve agirisa lege. Mbeto asara mbi titene be ti ala ague kirikiri si ala zia peko ti Christ so ala mu lani tere ti ala kue na lo na vurungo be so.

2 Korente 12:16

Taa-tënë, mbi ga tongana kungba na ndö ti ala pepe. Me ambeni zo atene, mbi yeke zo ti handango zo si mbi mu ala na lege ti poroso.

Galasii 2:4

Me ambeni ita ti mvene ali na popo ti e tongana azo ti nzi, ala ye titene a fâ Tite na ganza. Ala ga ti gi ti hinga lege ti dutingo ti e na peko ti so e sigigi na gbe ti ngbaa si e ga oko na Christ. Ala ye ti kiri ti sara e na ngbaa.

Galasii 4:25

Agar ayeke hoto ti Sinai so ayeke na sese ti Arabii. Lo yeke tapande ti Jérusalem ti laso, ndali ti so lo na amolenge ti lo kue ayeke angbaa.

Galasii 4:3

E nga, e yeke ando tongaso: e yeke tongana amolenge, e yeke na gbe ti ngbaa ti ayingo so ayeke na ngangu na ndö ti dunia so.

Galasii 4:9

Me fadeso ala hinga Nzapa awe – ti tene taa-tënë, Nzapa laa ahinga ala –. Ayingo so ayeke na ngangu pepe si ala yeke nga ye oko pepe so, ala ye ti kiri ti mu peko ti ayingo ni so tongana nyen? Ngbanga ti nyen si ala azo ti Nzapa, ala ye ti kiri ti ga angbaa ti ala?

Galasii 5:1

Christ azi e awe titene e sigigi na gbe ti ngbaa biani. Tongaso, ala luti ngangu! Ala yeda titene a kiri na ala na gbe ti ngbaa pepe!

Galasii 5:10

Ti mbi, mbi zia be ti mbi na ndö ti ala: na lege ti gango so e ga oko na Christ, mbi hinga so ala yeke mu ande mbeni lege nde pepe. Me zo so ayeke buba li ti ala, ataa lo yeke zo wa, fade Nzapa ayeke fâ ngbanga na li ti lo.

Galasii 6:12

Azo so ayeke gbu ala na ngangu titene ala fâ *ganza so, aye gi titene a gonda ala ndali ti ye so zo ayeke baa tongana kota ye. Azo ni aye gi ye oko: ala yeke kpe titene azo asara ngangu na ala ndali ti keke ti kroa ti Christ.

Filipe 3:19

Lege ti kuâ laa ala yeke gue daa so. Nzapa ti ala ayeke gi ya ti ala, ye so ayeke zia kamene na le ti azo ni so, ala yeke wara ti ala gonda daa. Ala zia be ti ala kue gi na ndö ti aye ti dunia so.

1 Tesalonike 2:5

Ala hinga kue: laoko e tene mbeni tënë ti handango na zo pepe; laoko e honde nzara ti warango aye na peko ti fango tënë ti e pepe, Nzapa ahinga ni!