2 Korente 11:12 - Mbeti ti Nzapa - Tënë so amu fini

¹² Ye so mbi yeke sara laso so, fade mbi yeke ngba lakue ti sara ni, tongaso si azo so aye ti wara mbeni ye ti luti na ndö ni ti gonda tere ti ala tongana ti so e yeke gonda tere ti e, fade ala wara ye ni pepe.

2 Korente 11:12 ပူးပေါင်းရင်းမြစ်များ

Mbeti ti Job 23:13

Me tënë ti be ti lo ayeke gi oko. Zo wa laa alingbi ti sara si lo sanze? Ye so anzere na lo ti sara, lo yeke sara ni.

Matthieu 26:16

Ti londo na ndembe ni so, Judas ato nda ti gi nzoni lege ti ka Jésus na ala.

1 Korente 5:6

Ye so ala yeke pika kate ti ala daa so, anzere oko pepe! Ala hinga pepe atene, gi kete mama ti mapa laa ayeke sara titene mapa ni kue alondo?

1 Korente 9:12

So ambeni zo alingbi ti hunda ye so na ala, ka ti e ni, e lingbi ti hunda ye ahon ti azo ni so pepe? Me e sara tongaso pepe. Ataa aye so kue ayeke si na e, e yeke kanga be ti e, ngbanga ti so e ke ti sara mbeni ye so alingbi ti kanga lege na Nzoni Tënë ti Christ.

2 Korente 1:17

So mbi leke na be ti mbi tënë ti tambula so, mbi mu tënë ni tongana tënë ti ngia? Wala aye so mbi leke na be ti mbi ti sara so, mbi leke ni na lege ti anzara ti be ti mbi si gi mbi oko so, mbeni be ti mbi atene: “een” si mbeni be ti mbi atene: “ên-en”?

2 Korente 10:17

Mbeti ti Nzapa atene: “Zo so aye ti gonda tere ti lo, ayeke nzoni lo gonda tere ti lo ndali ti ye so Kota Gbia asara.”

2 Korente 11:18

So azo mingi ayeke gonda tere ti ala ndali ti ye so ayeke ti zo, mbi nga, mbi ye ti gonda tere ti mbi.

2 Korente 11:9

Na ngoi so mbi yeke lani na popo ti ala kâ, tongana mbeni ye atia mbi, mbi te ye ti mbeni zo senge senge pepe. A-ita so alondo na Masedoane si aga, ala mu na mbi aye so kue alingbi na mbi. Na ya ti aye kue, mbi bata tere ti mbi titene mbi ga tongana kungba na ndö ti zo oko pepe, mbi yeke ngba ti bata tere ti mbi lakue tongaso.

2 Korente 5:12

E yeke kiri ti tene nzoni tënë na ndö ti e wani na ala pepe, me e ye ti mu na ala lege titene ala gonda tere ti ala ndali ti e. Tongaso, fade ala yeke wara tënë ti kiri na ni na azo so ayeke gonda tere ti ala ndali ti ye so le ti zo ayeke baa; me ye so ayeke na be ti zo, ni laa ala yeke gonda tere ti ala daa pepe.

Galasii 1:7

Ti tene taa-tënë, mbeni nzoni tënë nde ayeke daa pepe! Mbi tene tënë so, ngbanga ti so ambeni zo ayeke sara titene li ti ala aga kirikiri, ala ye ti buba ya ti Nzoni Tënë ti Christ.

1 Timothée 5:14

Ndani laa, mbi ye si awali-mua so angba maseka akiri amu koli, ala du amolenge, ala fa lege na azo ti da ti ala. Ala sara tongaso si awato ti e awara lege ti tene sioni tënë na tere ti e pepe.