2 Korente 11:11 - Mbeti ti Nzapa - Tënë so amu fini

¹¹ Mbi tene tënë so ngbanga ti nyen? Mbi tene tënë so, ngbanga ti so mbi ye ala pepe? Nzapa ahinga so mbi ye ala!

2 Korente 11:11 ပူးပေါင်းရင်းမြစ်များ

Abia (Psaumes) 44:21

Tongana e girisa lani Nzapa ti e, tongana e sambela lani mbeni nzapa nde,

Jean 21:17

Jésus akiri ahunda lo ti fani ota ni, atene: “Simon, molenge ti Jean, mo ye mbi?” Vundu asara Pierre, ngbanga ti so Jésus ahunda lo fani ota, atene: “Mo ye mbi?” Tongaso lo tene na Jésus: “Kota Gbia, mo hinga ye kue, mo hinga so mbi ye mo!” Jésus atene na lo: “Bata ataba ti mbi.

Awatokua 15:8

Nzapa so ahinga be ti zo afa atene, lo ye azo ti amara nde; lo fa ni na lege so lo mu Yingo-Vuru na ala gi tongana ti so lo mu ni na e.

Rome 1:9

Nzapa so mbi mu be ti mbi kue ti sara kua ti lo na lege so mbi yeke fa Nzoni Tënë ti Molenge ti lo, lo hinga so mbi yeke tene taa-tënë: mbi yeke zia ala lakue

2 Korente 11:10

Na lege ti taa-tënë ti Christ so ayeke na yanga ti mbi, mbi tene: fade mbeni zo alingbi ti kanga lege na mbi pepe ti gonda tere ti mbi na sese ti Akayi kue.

2 Korente 11:31

Nzapa, Babâ ti Kota Gbia Jésus ahinga so, mbi yeke tene mvene pepe. Gonda ayeke ti lo kpu na kpu!

2 Korente 12:15

Ti mbi, fade mbi yeke buba aye ti mbi kue si mbi yeke ka fini ti mbi ndali ti ala. Tongana mbi ye ala ahon ndoni, fade ala yeke ye mbi gi kete?

2 Korente 2:17

Azo mingi ayeke mu tënë ti Nzapa ti de buze na ni; e yeke tongana ala pepe. Ti e, Nzapa laa atokua e, nilaa na lege ti gango so e ga oko na Christ, e yeke tene taa-tënë na le ti Nzapa.

2 Korente 7:3

Mbi yeke tene tënë so ti fâ ngbanga na li ti ala pepe. Biani, mbi tene na ala kozoni, mbi tene: ataa e ngba na fini wala e kui, e ye ala mingi.

Ahebro 4:13

Ye so kue Nzapa asara, mbeni oko so ahonde na le ti lo ayeke daa pepe. Ye kue ayeke na gbe ti le ti lo polele; ye so kue e yeke sara, fade e yeke fa peko ni na lo.

Josué 22:22

“Nzapa, Nzapa, KOTA GBIA! Nzapa, Nzapa, KOTA GBIA! Lo yeke Nzapa so ayeke na ndö ti anzapa kue. Lo hinga nda ti ye so e sara. Fade azo ti Israel kue ayeke hinga nda ti ye ni. Tongana e sara ngangu li wala e sara mbeni ye so ayeke sioni mingi ti ke KOTA GBIA, ayeke nzoni lo soo e na lango ni so pepe!

Aye so Nzapa afa 2:23

Fade mbi yeke fâ azo so kue ayeke mu peko ti wali ni. Na pekoni, a-Eglize kue ayeke hinga atene, mbi yeke lo so lo hinga tënë so ayeke na ya ti be ti zo nga na nzara ti be ti zo. Fade mbi yeke futa zo oko oko alingbi na ye so lo sara.