2 Korente 11:10 - Mbeti ti Nzapa - Tënë so amu fini

¹⁰ Na lege ti taa-tënë ti Christ so ayeke na yanga ti mbi, mbi tene: fade mbeni zo alingbi ti kanga lege na mbi pepe ti gonda tere ti mbi na sese ti Akayi kue.

2 Korente 11:10 ပူးပေါင်းရင်းမြစ်များ

Awatokua 18:12

Na ngoi so Galion ayeke govoronere ti sese ti Akayi, be ti azuife kue ake Paul. Ala gbu lo si ala gue na lo na ngbanga,

Awatokua 18:27

Lo leke be ti lo ti gue na Akayi, nilaa a-ita, azo ti Christ ti Efeze ayeda si ala sara mbeti na adisiple titene ala yamba lo nzoni. So lo si kâ, na lege ti nzoni be ti Nzapa, lo mu maboko mingi na azo so ama na be.

Rome 1:9

Nzapa so mbi mu be ti mbi kue ti sara kua ti lo na lege so mbi yeke fa Nzoni Tënë ti Molenge ti lo, lo hinga so mbi yeke tene taa-tënë: mbi yeke zia ala lakue

Rome 16:5

Ala bara na mbi azo ti Eglize so ayeke bongbi na da ti Priscille na Akilas. Ala bara na mbi Epainete so mbi ye lo mingi; lo yeke kozo zo ti sese ti Azii so ama na be na Christ.

Rome 9:1

Na lege ti gango so mbi ga oko na Christ, mbi yeke tene taa-tënë, mbi yeke tene mvene pepe. Yingo-Vuru ayeke fa lege na be ti mbi si be ti mbi ayeke fa so ye ni ayeke taa-tënë:

1 Korente 16:15

A-ita, ala hinga atene, Stefanas na azo ti sewa ti lo ayeke akozo zo ti Akayi so ama na be si ala mu tere ti ala kue ti sara nzoni na azo ti Nzapa. Mbi hunda na ala mingi, a-ita,

2 Korente 1:1

Mbi Paul, mbi yeke *watokua ti Jésus Christ na lege so be ti Nzapa aye. Mbi na ita Timothée laa e tokua mbeti so. E tokua mbeti ni na *Eglize ti Nzapa so ayeke na gbata ti Korente nga na azo ti Nzapa so ayeke na sese ti Akayi kue.

2 Korente 1:23

Mbi tene taa-tënë, Nzapa ayeke ma mbi. Tongana mbi tene mvene, ayeke nzoni Nzapa afâ mbi! Mbi zia lege ti kiringo na Korente, ngbanga ti so mbi ye ti sara pasi na ala pepe.

2 Korente 10:15

Kua so ambeni zo nde asara, e yeke gonda tere ti e ahon ndoni ndali ni pepe. Me ye so e zia be ti e daa ti ku ayeke so: tongana mabe ti ala akono, e yeke sara ande kota kua mingi na popo ti ala; me e yeke sara kua ni angba gi na ndo so Nzapa afa na e.

2 Korente 11:12

Ye so mbi yeke sara laso so, fade mbi yeke ngba lakue ti sara ni, tongaso si azo so aye ti wara mbeni ye ti luti na ndö ni ti gonda tere ti ala tongana ti so e yeke gonda tere ti e, fade ala wara ye ni pepe.

2 Korente 11:31

Nzapa, Babâ ti Kota Gbia Jésus ahinga so, mbi yeke tene mvene pepe. Gonda ayeke ti lo kpu na kpu!

2 Korente 12:19

Aninga mingi, ala baa ti ala atene, e yeke gi ti ga mbirimbiri na le ti ala? Oko pepe. Ndali ti gango so e ga oko na Christ, e yeke tene tënë so na le ti Nzapa. A-ita ti mbi so mbi ye ala mingi, ye so kue mbi sara so, mbi sara ni titene Eglize ti ala akpengba.

2 Korente 9:2

Mbi hinga nzara ti be ti ala si mbi gonda tere ti mbi ndali ti ala na le ti azo ti Masedoane, mbi tene: “Azo ti Akayi aleke ye ti ala kue na ngu so ahon so awe.” Nilaa nzara ti sarango nzoni ye ti ala azia nga nzara na be ti azo ti ambeni *Eglize mingi.

Galasii 1:20

Tënë so mbi su na mbeti na ala so ayeke taa-tënë: na le ti Nzapa, mbi yeke tene mvene pepe.

Galasii 2:20

Nilaa, mbi laa mbi yeke na fini mbeni pepe, me Christ laa ayeke na fini na ya ti mbi. Na dutingo ti mbi ti zo, mbi yeke duti fadeso na fini gi na lege ti mabe so mbi yeke na ni na Molenge ti Nzapa, lo ye mbi si lo ka tere ti lo na kuâ ndali ti mbi.

1 Tesalonike 2:10

Ye so e sara, ala hinga ni awe, Nzapa nga ahinga ni awe: dutingo ti e na popo ti ala so ama na be ayeke nzoni kue, ayeke mbirimbiri, tënë oko ayeke na li ti e pepe.

1 Tesalonike 2:5

Ala hinga kue: laoko e tene mbeni tënë ti handango na zo pepe; laoko e honde nzara ti warango aye na peko ti fango tënë ti e pepe, Nzapa ahinga ni!

1 Timothée 2:7

Ndali ti tënë so, Nzapa azia mbi zo ti fango tënë nga *watokua ti lo. Mbi yeke nga zo ti fango nda ti tënë ti mabe na azo ti amara nde si mbi yeke fa nga nda ti taa-tënë. Mbi yeke tene taa-tënë, mbi yeke tene mvene pepe.