2 Korente 11:1 - Mbeti ti Nzapa - Tënë so amu fini

¹ Ala kanga be ti ala na mbi tongana mbi ga tongana zo so mbeni ye asara li ti lo! Biani, ala kanga be ti ala na mbi ma!

2 Korente 11:1 ပူးပေါင်းရင်းမြစ်များ

2 Agbia 5:3

Molenge-wali ni atene na wa ti lo: “Ae! Tongana kota zo ti mbi ague fade na mbeni wayanga-Nzapa so ayeke na Samarii, ka wayanga-Nzapa ni asara si buruma ti lo ahunzi!”

Wungo ti azo 11:29

Moïse akiri tënë na lo: “Mo sara mbanda ndali ti mbi? Tongana KOTA GBIA akangbi yingo ti lo na azo ti Israel kue titene ala ga awayanga-Nzapa, ka ayeke nzoni mingi!”

Matthieu 17:17

Jésus akiri tënë: “Ala azo ti fadeso, ala yeke na mabe pepe, ala yeke azo ti kirikiri! Mbi yeke ngba ti duti na tere ti ala ngbii asi lawa? Mbi yeke ngba ti kanga be ti mbi na ala ngbii asi lawa? Ala ga na mbi molenge ni ge!”

Awatokua 18:14

Paul aye ti zi yanga ti tene tënë, me Galion akiri tënë na azuife, atene: “Tongana ayeke fade tënë ti mbeni ye ti sioni wala ye ti kirikiri so lo sara, ka mbi lingbi ti duti kpoo ti ma ala azuife senge.

Awatokua 26:29

Paul akiri tënë, atene: “Ataa hio wala mbeni lâ, mbi yeke sambela Nzapa titene mo na ala so kue ayeke ma mbi laso, ala ga tongana mbi; me mbi ye titene a kanga ala na zingiri tongana mbi pepe!”

1 Korente 1:21

Biani, azo ti dunia so, na ndara ti ala wani alingbi ti hinga Nzapa pepe, ataa na ndo so lo fa ndara ti lo daa. Ndani laa, lo leke na be ti lo ti soo azo so ama na be gi na lege ti tënë so e yeke fa si akpa buba tënë so.

1 Korente 3:18

Ayeke nzoni mbeni zo ahanda tere ti lo wani pepe: tongana mbeni zo na popo ti ala abaa ti lo atene, ni yeke na ndara tongana ti azo ti dunia so, ayeke nzoni lo ga zo ti gbogbolinda, tongaso si lo ga taa zo ti ndara.

1 Korente 4:10

Ndali ti Christ, e ga azo so li ti ala ayeke daa pepe, me ti ala, ala ga azo ti ndara na lege ti gango so ala ga oko na Christ. E yeke ti e na ngangu pepe, me ti ala, ala yeke na ngangu. Azo ayeke ne ala, me ti e, azo ayeke baa e tongana ambumbuse zo.

1 Korente 4:8

Ka so ala wara aye so kue ala ye ni awe so! Ka so ala ga azo ti mosoro awe so! Ala ga agbia awe si e ngba ti e asenge zo so ma? Ti be ti mbi, mbi ye titene ala ga agbia biani si e na ala kue, e le-gbia!

2 Korente 11:19

Ala azo ti Korente, ala yeke azo so li ti ala ayeke daa. Ataa so kue, ala yeda ti kanga be ti ala ti ma azo so mbeni ye asara li ti ala!

2 Korente 11:21

Kamene ahon ndö ti mbi ti tene tënë so-een: mo baa mo tene, e sara ye tongana akoli pepe! Tongana mbeni zo akpa ti gonda tere ti lo ndali ti mbeni ye, mbi nga, mbi kpa ti gonda tere ti mbi. – Mbi yeke tene tënë so tongana zo so mbeni ye asara li ti lo –.

2 Korente 11:4

Biani, ala yeke kanga be ti ala titene mbeni zo ti kirikiri aga afa na ala mbeni Jésus nde na Jésus so e fa tënë ti lo na ala. Ala yeke lakue nduru ti yamba mbeni yingo nde na Yingo so ala wara kozoni, ala yeke yeda nga na mbeni nzoni tënë nde na Nzoni Tënë so ala ma kozoni!

2 Korente 12:11

Mbi ga tongana zo so mbeni ye asara li ti lo awe! Ala laa asara si mbi ga tongaso. Ala laa alingbi fade ti tene nzoni tënë na ndö ti mbi. Ataa mbi yeke ye pepe, akota kota *watokua ti ala so ahon mbi na ye oko pepe.

2 Korente 5:13

Tongana e yeke azo so li ti ala ayeke daa pepe, e yeke tongaso ndali ti Nzapa. Tongana e yeke azo so li ti ala ayeke daa, e yeke tongaso ndali ti ala, a-ita.

Ahebro 5:2

Na lege ti sarango ye ti lo, ambeni ye mingi atia kota wayango-sandaga ni. Nilaa lo lingbi ti baa mawa ti azo so agirisa lege nga na ala so ahinga atene, sioni ye laa ala sara pepe.

Josué 7:7

Na pekoni, Josué atene: “Ae Kota Gbia NZAPA! Mo sara si azo so afâ ngu ti Jourdain ngbanga ti nyen? Mo sara tongaso titene mo zia e na maboko ti azo ti mara ti Amori titene ala hunzi e biani biani? Tongana e ngba fade ti sara kodro na mbage ti ngu ti Jourdain kâ, ka ayeke nzoni mingi!