2 Korente 10:8 - Mbeti ti Nzapa - Tënë so amu fini

⁸ Ataa so mbi pika kate ti mbi ndali ti ngangu so *Kota Gbia amu na e, kamene asara mbi pepe. Nda ti ngangu ni ayeke ti sara si *Eglize ti ala akpengba, me ayeke ti sara si Eglize ni ati pepe.

2 Korente 10:8 ပူးပေါင်းရင်းမြစ်များ

2 Korente 1:24

E ye ti duti makonzi na ndö ti mabe ti ala pepe, ngbanga ti so ala kpengba na lege ti mabe awe, me e ye ti sara kua maboko na maboko titene ala duti na ngia.

2 Korente 10:4

Aye ti bira ti e alondo na zo ti sese so pepe, me ngangu ti aye ti bira ti e alondo na Nzapa si ayeke buba angangu gbagba ti bira. Atënë ti gbungo-li ti azo so ayeke na legeni pepe, e yeke buba ni.

2 Korente 10:9

Mbi ye titene ala baa mbi tongana zo so ayeke zia mbeto na be ti ala na lege ti ambeti ti lo pepe.

2 Korente 12:19

Aninga mingi, ala baa ti ala atene, e yeke gi ti ga mbirimbiri na le ti ala? Oko pepe. Ndali ti gango so e ga oko na Christ, e yeke tene tënë so na le ti Nzapa. A-ita ti mbi so mbi ye ala mingi, ye so kue mbi sara so, mbi sara ni titene Eglize ti ala akpengba.

2 Korente 12:6

Tongana mbi ye fade ti gonda tere ti mbi, ka mbi yeke pepe tongana zo so ye asara li ti lo, ka mbi tene gi taa-tënë. Me mbi ye ti gonda tere ti mbi pepe, ngbanga ti so mbi ye titene azo abaa mbi tongana kota zo ahon ndoni pepe, me ala baa mbi alingbi gi na ye so mbi yeke sara wala ye so ala yeke ma na ndö ti mbi.

2 Korente 13:10

Ndani laa, so mbi de yongoro na ala, mbi yeke su mbeti so ti tokua na ala. Tongaso, tongana mbi si na popo ti ala, mbi yeke so na ndö ti ala pepe. *Kota Gbia amu na mbi ngangu ti sara si *Eglize ti ala akpengba, me ti buba Eglize ni pepe.

2 Korente 13:8

Biani, e lingbi ti kanga lege na taa-tënë pepe, me kua ti e ayeke ti sara si azo ahinga taa-tënë.

2 Korente 7:14

Lani, mbi gonda tere ti mbi ndali ti ala na le ti lo, me kamene ni asara mbi pepe. Tongana ti so lakue e yeke tene na ala taa-tënë, gondango tere ti e ndali ti ala na le ti Tite aga nga taa-tënë awe.

2 Korente 7:4

Mbi zia be ti mbi kue na ndö ti ala, mbi yeke gonda tere ti mbi mingi ndali ti ala. Be ti mbi ade mingi; na ya ti pasi so kue e yeke baa, be ti mbi asi singo na ngia.

Galasii 1:1

Mbi Paul laa mbi tokua mbeti so; azo laa airi mbi ti ga *watokua pepe. So Nzapa airi mbi ti ga watokua, mbi ma tënë ni na yanga ti mbeni zo pepe, me na yanga ti Jésus Christ wani, lo na Nzapa Babâ so azingo lo na popo ti akuâ.

2 Timothée 1:12

Ndani laa, mbi yeke baa pasi so, me kamene ayeke sara mbi pepe, ngbanga ti so mbi hinga zo so mbi zia be ti mbi na ndö ti lo. Mbi hinga nga so, zo ni ayeke na ngangu ti bata ye so lo zia na maboko ti mbi so ngbii asi na lango ti ndani.