2 Korente 10:4 - Mbeti ti Nzapa - Tënë so amu fini

⁴ Aye ti bira ti e alondo na zo ti sese so pepe, me ngangu ti aye ti bira ti e alondo na Nzapa si ayeke buba angangu gbagba ti bira. Atënë ti gbungo-li ti azo so ayeke na legeni pepe, e yeke buba ni.

2 Korente 10:4 ပူးပေါင်းရင်းမြစ်များ

Abia (Psaumes) 110:2

Fade KOTA GBIA ayeke sara titene ngangu komandema ti mo alondo na gbata ti *Sion si ague na ndo kue. Sara komandema na ndö ti awato so angoro mo!

Ésaïe 30:25

Na lango so a yeke fâ azo kue, na ndembe so ada so ayo na nduzu mingi ayeke tuku na sese, gba ti ngu ayeke sua na ndö ti akota hoto nga na ndö ti akete hoto kue.

Jérémie 1:10

Hinga, mo tene, laso mbi mu na mo kua ti sara ndali ti amara nga ndali ti akodro-gbia: mo yeke gboto aye si mo yeke de aye na sese; mo yeke buba aye si mo yeke kungbi aye na sese; mo yeke leke aye na nduzu si mo yeke lu aye.”

Jérémie 23:29

Tënë ti mbi ayeke tongana wâ; so tënë ti yanga ti KOTA GBIA laa; tënë ni ayeke tongana ngangu martoo so ayeke suru ya ti kota têne!”

Awatokua 7:22

Moïse amanda akode kue ti azo ti Ezipte. Lege ti tenengo tënë ti lo na sarango aye ti lo ayeke fa so lo yeke kpengba zo.

Rome 13:12

Ndo avuko aninga awe, ndo aga nduru ti han. Tongaso, e zia lege ti sarango aye ti vukongo ndo, e yu aye ti bira ti kota lâ.

Rome 6:13

Ala mu mbage ti tere ti ala oko pepe ti sara na siokpari si aga ye ti sarango na ye ti kirikiri. Me ala mu tere ti ala kue na Nzapa tongana azo so azingo na kuâ awe si ayeke na fini; ala mu tere ti ala kue ti sara na kua ti lo si tere ti ala ni aga ye ti sarango na ye ti mbirimbiri.

1 Korente 2:5

Tongaso, mabe ti ala aluti na ndö ti ndara ti azo pepe, me na ndö ti ngangu ti Nzapa.

1 Korente 9:7

Zo wa laa ali na kua ti turugu awe si ayeke te ye na nginza ti bozo ti lo wani? Zo wa laa ayeke fâ yaka ti *vinye si lo yeke te ale ti vinye ni pepe? Zo wa laa ayeke bata abagara si lo yeke nyon ngu ti me ti abagara ni pepe?

2 Korente 10:8

Ataa so mbi pika kate ti mbi ndali ti ngangu so *Kota Gbia amu na e, kamene asara mbi pepe. Nda ti ngangu ni ayeke ti sara si *Eglize ti ala akpengba, me ayeke ti sara si Eglize ni ati pepe.

2 Korente 13:10

Ndani laa, so mbi de yongoro na ala, mbi yeke su mbeti so ti tokua na ala. Tongaso, tongana mbi si na popo ti ala, mbi yeke so na ndö ti ala pepe. *Kota Gbia amu na mbi ngangu ti sara si *Eglize ti ala akpengba, me ti buba Eglize ni pepe.

2 Korente 3:5

E baa tere ti e pepe, e tene, e lingbi ti sara kua ni na ngangu ti e wani, me e lingbi ti sara kua ni na ngangu so alondo na Nzapa.

2 Korente 4:7

Ye so ayeke kota mosoro so alondo na Nzapa, me e so e yeke yo mosoro ni, e yeke tongana asenge ta ti sese. Tongaso si azo ahinga atene, kota ngangu so ahon angangu kue alondo na Nzapa, me na e pepe.

2 Korente 6:7

na lege ti taa-tënë so e yeke fa nga na lege ti ngangu ti Nzapa. Ye ti bira ti e na ye ti batango tere ti e ayeke sarango ye so ayeke mbirimbiri.

1 Tesalonike 5:8

Me e so e yeke azo ti kota lâ, alingbi e sara ye ahon ndoni pepe, me na legeni. Alingbi mabe na ndoye aga tongana kazaka ti wen so e yeke yu na kate ti e, ye so e zia be ti e ti ku ti soo kuâ aga tongana kpoto ti wen na li ti e.

1 Timothée 1:18

Timothée, molenge ti mbi, aye so mbi fa, mbi zia na maboko ti mo, alingbi na atënë ti peko ti yanga ti Nzapa so azo atene na ndö ti mo. Ayeke nzoni mo luti na ndö ti atënë ni ti tiri nzoni bira na legeni;

2 Timothée 2:3

Mo nga, mo yeda ti baa pasi tongana kpengba turugu ti Jésus Christ.

Ahebro 11:30

Na lege ti mabe, azo ti Israel atambula, angoro gbata ti Jéricho na ya ti lango mbarambara si na pekoni, gbagba ti gbata ni atuku na sese.

Josué 6:20

Awayango-sandaga ahuru didi; gi so azo ama hurungo didi ni, ala dekongo ngangu si gbagba ni akungbi. Gi hio tongaso, azo ni ali na ya ti gbata ni, zo oko oko gi na dawa ti lo si ala mu gbata ni.