2 Korente 10:2 - Mbeti ti Nzapa - Tënë so amu fini

² Mbi voro ala, mbi tene: ala pusu mbi pepe titene mbi so na ndö ti ala tongana mbi si na popo ti ala kâ! Ambeni zo abaa ti ala atene, mbi yeke sara ye gi tongana ti azo ti dunia so. Biani, mbi leke na be ti mbi ti so ngangu na ndö ti azo ni.

2 Korente 10:2 ပူးပေါင်းရင်းမြစ်များ

Rome 8:1

Fadeso, azo so aga oko na Jésus Christ awe, ngbanga ayeke na li ti ala mbeni pepe.

Rome 8:4

Nzapa asara ye so titene e sara ye ti mbirimbiri so Ndia ahunda na e na ngangu ti sara; e so e yeke sara ye alingbi na asioni nzara ti be ti e mbeni pepe, me alingbi na ye so Yingo aye.

Rome 8:5

Biani, azo so ayeke sara ye alingbi na asioni nzara ti be ti ala, be ti ala kue ayeke gi na ndö ni; me ala so ayeke sara ye alingbi na ye so Yingo aye, be ti ala kue ayeke gi na ndö ti aye ti Yingo.

2 Korente 1:17

So mbi leke na be ti mbi tënë ti tambula so, mbi mu tënë ni tongana tënë ti ngia? Wala aye so mbi leke na be ti mbi ti sara so, mbi leke ni na lege ti anzara ti be ti mbi si gi mbi oko so, mbeni be ti mbi atene: “een” si mbeni be ti mbi atene: “ên-en”?

2 Korente 11:21

Kamene ahon ndö ti mbi ti tene tënë so-een: mo baa mo tene, e sara ye tongana akoli pepe! Tongana mbeni zo akpa ti gonda tere ti lo ndali ti mbeni ye, mbi nga, mbi kpa ti gonda tere ti mbi. – Mbi yeke tene tënë so tongana zo so mbeni ye asara li ti lo –.

2 Korente 13:10

Ndani laa, so mbi de yongoro na ala, mbi yeke su mbeti so ti tokua na ala. Tongaso, tongana mbi si na popo ti ala, mbi yeke so na ndö ti ala pepe. *Kota Gbia amu na mbi ngangu ti sara si *Eglize ti ala akpengba, me ti buba Eglize ni pepe.

2 Korente 13:2

Mbi yeke tene tënë so na azo so asara siokpari kozo so, ala na atanga ni kue; fadeso mbi yeke na popo ti ala pepe, me mbi kiri ti tene gi tënë so mbi tene lani na ala na ndembe so mbi gue na ndo ti ala ti fani use ni: tongana mbi kiri ande ti gue, fade mbi yeke zia zo oko senge pepe,