2 Korente 10:15 - Mbeti ti Nzapa - Tënë so amu fini

¹⁵ Kua so ambeni zo nde asara, e yeke gonda tere ti e ahon ndoni ndali ni pepe. Me ye so e zia be ti e daa ti ku ayeke so: tongana mabe ti ala akono, e yeke sara ande kota kua mingi na popo ti ala; me e yeke sara kua ni angba gi na ndo so Nzapa afa na e.

2 Korente 10:15 ပူးပေါင်းရင်းမြစ်များ

Awatokua 5:13

Mbeni zo nde ti bongbi na ala ayeke daa pepe, me azo ni ayeke tene nzoni tënë ti ala mingi.

Rome 15:20

Tënë so agbu be ti mbi si mbi ye mingi ti sara ni ayeke ti fa Nzoni Tënë ni gi na ndo so ambeni zo ade ti di iri ti Christ daa pepe. Mbi sara tongaso si mbi sara da pepe na ndö ti gere ti da so mbeni zo aleke kozoni awe.

2 Korente 10:13

Ti e, e yeke gonda tere ti e ahon ndoni pepe; e yeke gonda tere ti e asi na ndo so Nzapa afa na e ti sara kua ti lo daa, e yeke sara nga kua ni ngbii e si na ni na ndo ti ala.

2 Tesalonike 1:3

A-ita, alingbi e ngba ti mu singila lakue na Nzapa ndali ti ala. So ayeke na legeni, ngbanga ti so mabe ti ala ayeke gue lakue na nduzu si yengo so ala ye tere na popo ti ala ayeke mai lakue.