2 Korente 10:11 - Mbeti ti Nzapa - Tënë so amu fini

¹¹ Zo so atene mara ti tënë so, ayeke nzoni lo hinga lo tene: lani so e ngba yongoro si e tokua mbeti na ala, tënë ti yanga ti e aso; sarango ye ti e ayeke so ande nga gi tongaso, tongana e yeke si na ala kâ.

2 Korente 10:11 ပူးပေါင်းရင်းမြစ်များ

2 Korente 10:10

Biani, ambeni zo atene: “Atënë ti ya ti ambeti ti Paul ane mingi si ayeke nga ngangu mingi; me tongana Paul ayeke na popo ti e, lo yeke na ngangu pepe si tënë ti yanga ti lo ayeke ye oko pepe.”

2 Korente 10:12

Biani, ambeni zo abaa tere ti ala tongana akota zo, e kpa ti haka tere ti e na ala pepe, e lingbi na ala pepe. Na le ti ala wani, ala baa tere ti ala tongana azo so alingbi awe si ala mu lege ti dutingo ti ala ti haka na azo kue. Andaa, li ti ala ayeke daa pepe!

2 Korente 12:20

Mbeto asara mbi titene tongana mbi si na ala kâ, mbi baa dutingo ti ala ayeke nde na ti so be ti mbi aye si ala nga, ala baa dutingo ti mbi ayeke nde na ti so be ti ala aye. Mbeto asara mbi titene aye tongaso aduti na popo ti ala: papa, kota be, ngonzo, kangbingo tere, zongango zo na asioni tënë, fonongo na iri ti zo, baba, sarango aye ti wusuwusu.

2 Korente 13:10

Ndani laa, so mbi de yongoro na ala, mbi yeke su mbeti so ti tokua na ala. Tongaso, tongana mbi si na popo ti ala, mbi yeke so na ndö ti ala pepe. *Kota Gbia amu na mbi ngangu ti sara si *Eglize ti ala akpengba, me ti buba Eglize ni pepe.