2 Korente 10:1 - Mbeti ti Nzapa - Tënë so amu fini

¹ Mbi Paul, mbi wani, mbi yeke hunda na ala mbeni ye na iri ti Christ, lo so lo yeke sara ye na nzoni be, me na ngangu pepe. Azo ayeke tene: tongana mbi yeke na popo ti ala, mbi yeke zo so ade mingi, me tongana mbi yeke yongoro na ala, mbi yeke so na ndö ti ala mingi.

2 Korente 10:1 ပူးပေါင်းရင်းမြစ်များ

Abia (Psaumes) 45:4

Mo, ngangu zo ti bira, kanga yongoro zeme ti mo na ngbonda ti mo; so laa afa gonda ti mo na nengo ti mo ti gbia.

Zakarii 9:9

Dodo na ngia, mo gbata ti *Sion! Dekongo na ngia, mo gbata ti Jérusalem! Baa, gbia ti mo ayeke ga na mbage ti mo; lo yeke mbirimbiri, lo so benda, lo sara tere ti lo tongana senge zo, lo duti na ndö ti lele, lo duti na ndö ti molenge ti lele.

Matthieu 11:29

Ala yeda ti yo *zuge ti mbi, ala manda ye so mbi fa na ala, ngbanga ti so mbi yeke zo so mbi yeke sara ngangu na zo pepe si mbi yeke gi kota ndo pepe. Fade ala yeke wara lege ti wu tere ti ala.

Matthieu 21:5

“Ala tene na gbata ti *Sion, atene: Baa, gbia ti mo ayeke ga na mo, lo sara tere ti lo tongana senge zo. Lo duti na ndö ti mama ti lele nga na ndö ti molenge ti lele so ayeke nyama ti sarango na kua.”

Awatokua 8:32

Kamba ti tënë so lo yeke diko so atene: “A gue na lo tongana mbeni taba so azo ayeke gue na lo na ndo ti fango anyama; a gue na lo tongana molenge ti taba so ayeke buburu na gbe ti zo so ayeke fâ kua ti tere ti lo. Lo zi yanga ti lo oko pepe.

Rome 10:20

Ésaïe atene tënë ni na mbeto pepe, lo tene: “Azo so agi mbi pepe, ala laa awara mbi; azo so ahunda ye na mbi pepe, ala laa mbi fa tere ti mbi na ala.”

Rome 12:1

A-ita, so Nzapa abaa mawa ti e ahon ndoni awe so, mbi hunda na ala mingi titene ala mu tere ti ala kue na Nzapa tongana *sandaga so ayeke na fini, sandaga so ayeke nde, ayeke nzoni kue si anzere na lo. So mbirimbiri lege ti vorongo Nzapa laa.

Rome 15:15

Me na ya ti mbeti so mbi su si mbi tokua na ala, ambeni tënë ayeke daa so mbi tene na ala na kamene pepe; mbi tene tënë ni na ala ti dabe ti ala na aye so a fa na ala awe. Mbi sara tongaso ndali ti so Nzapa asara nzoni be na mbi

1 Korente 2:3

Ndani laa, so lani mbi yeke na popo ti ala, ngangu atia mbi, mbeto asara mbi si tere ti mbi ado mingi.

1 Korente 4:10

Ndali ti Christ, e ga azo so li ti ala ayeke daa pepe, me ti ala, ala ga azo ti ndara na lege ti gango so ala ga oko na Christ. E yeke ti e na ngangu pepe, me ti ala, ala yeke na ngangu. Azo ayeke ne ala, me ti e, azo ayeke baa e tongana ambumbuse zo.

1 Korente 4:21

Ala ye nyen? Ala ye mbi mu fimbo si mbi ga na ni na tere ti ala? Wala ala ye mbi sara ngangu na ala pepe, ti fa na ala so mbi ye ala?

2 Korente 10:10

Biani, ambeni zo atene: “Atënë ti ya ti ambeti ti Paul ane mingi si ayeke nga ngangu mingi; me tongana Paul ayeke na popo ti e, lo yeke na ngangu pepe si tënë ti yanga ti lo ayeke ye oko pepe.”

2 Korente 10:2

Mbi voro ala, mbi tene: ala pusu mbi pepe titene mbi so na ndö ti ala tongana mbi si na popo ti ala kâ! Ambeni zo abaa ti ala atene, mbi yeke sara ye gi tongana ti azo ti dunia so. Biani, mbi leke na be ti mbi ti so ngangu na ndö ti azo ni.

2 Korente 10:7

Ala yeke baa aye na le ti ala gi tongana ti so zo ayeke baa na ye. Tongana mbeni zo abaa atene, ni yeke zo ti Christ, ayeke nzoni lo hinga tënë so laso biani: tongana lo yeke zo ti Christ, e nga, e yeke azo ti Christ.

2 Korente 11:21

Kamene ahon ndö ti mbi ti tene tënë so-een: mo baa mo tene, e sara ye tongana akoli pepe! Tongana mbeni zo akpa ti gonda tere ti lo ndali ti mbeni ye, mbi nga, mbi kpa ti gonda tere ti mbi. – Mbi yeke tene tënë so tongana zo so mbeni ye asara li ti lo –.

2 Korente 11:30

Tongana ayeke tënë ti gondango tere, mbi yeke gonda tere ti mbi, ngbanga ti so mbi yeke na ngangu pepe.

2 Korente 12:5

Fade mbi yeke gonda tere ti mbi ndali ti zo so; me ti mbi, fade mbi yeke gonda tere ti mbi, ngbanga ti so mbi yeke na ngangu pepe.

2 Korente 3:12

So e zia be ti e kue ti ku nzoni ye tongaso, mbeto ti ye oko asara e pepe.

2 Korente 5:20

Tongaso, e yeke sara kua ti lembe na iri ti Christ; Nzapa wani laa airi ala na lege ti e: e voro ala na iri ti Christ, ala yeda titene songo akiri na popo ti ala na Nzapa.

2 Korente 6:1

So e na Nzapa e yeke sara kua oko so, e voro ala, e tene: “Nzoni be so Nzapa asara na ala, ala zia ni angba senge pepe.”

2 Korente 7:4

Mbi zia be ti mbi kue na ndö ti ala, mbi yeke gonda tere ti mbi mingi ndali ti ala. Be ti mbi ade mingi; na ya ti pasi so kue e yeke baa, be ti mbi asi singo na ngia.

Galasii 4:13

Ala hinga kue: ndali ti songo tere ti mbi laa mbi wara lege ti fa Nzoni Tënë na ala ti kozo ni.

Galasii 5:2

Mbi Paul, mbi yeke tene na ala, mbi tene: tongana ala yeda titene zo afâ ala na *ganza, andaa ye so Christ asara ndali ti ala aga senge senge.

Efeze 3:1

Ndani laa mbi Paul, mbi yeke sambela Nzapa ngbanga ti ala. Mbi yeke na da ti kanga ndali ti Jésus Christ ngbanga ti ala, azo ti amara nde.

Efeze 4:1

Tongaso, mbi so mbi yeke na da ti kanga ndali ti kua ti *Kota Gbia, mbi hunda na ala mingi titene sarango ye ti ala alingbi na iringo so lani Nzapa airi ala.

Filipe 4:5

Ala sara titene azo kue abaa so ala yeke azo ti nzoni be. Kota Gbia aga nduru ti si awe.

Kolose 1:23

Me alingbi ala ngba na lege ti mabe, ala luti ngangu na ndö ni si ala kpengba. Na ndembe so ala ma Nzoni Tënë, ala wara lege ti zia be ti ala ti ku, ala zia lege ni, ala hon nde pepe. A fa Nzoni Tënë so na azo ti dunia kue si mbi Paul, mbi ga zo ti kua ti fango Nzoni Tënë ni.

2 Tesalonike 3:17

Mbi Paul, mbi wani, mbi su atënë so: mbi bara ala. Lege so mbi yeke su maboko na gbe ti ambeti ni oko oko kue laa; lege ti sungo mbeti ti mbi laa.

Philémon 1:19

Mbi Paul laa mbi yeke su tënë so na maboko ti mbi wani: fade mbi yeke futa yongo ni na mo. – Mbi ye ti dabe ti mo na ndö ti mbeni ye: yongo ti mbi ayeke na li ti mo, yongo ni ayeke fini ti mo wani. –

Philémon 1:9

Mbi ye fade ti mu yanga na mo pepe, me ndali ti so mbi na mo, e ye tere, mbi ye mingi ti hunda mbeni ye na mo. Mbi Paul, mbakoro zo, mbi yeke fadeso na da ti kanga ndali ti Jésus Christ.

1 Pierre 2:11

A-ita ti mbi so mbi ye ala mingi, ala yeke tongana agene, tongana awande na ndö ti sese so. Ndani laa mbi hunda na ala titene ala ke asioni nzara ti be so ayeke sara bira na ala.

Aye so Nzapa afa 1:9

Mbi Jean, ita ti ala, mbi na ala kue, e yeke na ya ti ye ti ngangu. Na lege ti gango so e ga oko na Jésus, e yeke kanga be ti e na ya ti ye ti ngangu ni si mbi na ala, e yeke azo ti *Kodro-gbia ti Nzapa. A bi mbi na ya ti zoa ti Patmos ndali ti tënë ti Nzapa so mbi fa nga ndali ti taa-tënë so Jésus afa.