2 Korente 1:4 - Mbeti ti Nzapa - Tënë so amu fini

⁴ Lo yeke de be ti e na ya ti apasi so kue e yeke baa. Tongaso si e wani, e ga azo so alingbi ti de be ti azo so kue ayeke na ya ti pasi, e lingbi ti de be ti azo gi tongana ti so Nzapa ade be ti e so.

2 Korente 1:4 ပူးပေါင်းရင်းမြစ်များ

Abia (Psaumes) 32:5

Me mbi fa na mo siokpari ti mbi, mbi honde sioni ti mbi pepe. Mbi tene: “Fade mbi yeke fa na KOTA GBIA asioni ti mbi.” Ti mo, mo zi na li ti mbi awe ngbanga ti siokpari ti mbi. Luti kete

Abia (Psaumes) 32:7

Mo yeke ndo so mbi yeke honde tere ti mbi daa, mo yeke bata mbi na ya ti ye ti ngangu. Ndali ti so mo zi mbi, mo sara si azo ahe bia angoro na mbi. Luti kete

Abia (Psaumes) 66:16

Ala so kue ayeke kpe mbeto ti Nzapa, ala ga, ama; fade mbi yeke fa na ala ye so lo sara ndali ti mbi.

Abia (Psaumes) 86:17

Sara mbeni ye so afa nzoni be ti mo ndali ti mbi! Tongaso, awato ti mbi abaa si kamene agbu le ti ala. KOTA GBIA, mo laa mo yeke mu na mbi maboko si mo yeke sara titene be ti mbi ade.

Ésaïe 12:1

Na lango ni so, fade mo yeke tene: “*KOTA GBIA, mbi mu na mo singila, ngbanga ti so mo sara lani ngonzo na tere ti mbi, me ngonzo ni ade awe, mo de be ti mbi awe.

Ésaïe 40:1

Nzapa ti ala atene: Ala de be ti azo ti mbi, ala de be ti azo ni.

Ésaïe 49:10

Nzara ti kobe na nzara ti ngu ayeke kiri ti sara ala pepe; pupu ti wâ ti benyama na sungo ti lâ ayeke zö ala pepe. Biani, mbi yeke baa mawa ti ala si mbi yeke fa lege na ala, mbi yeke gue na ala na ndo so li ti ngu ayeke daa.

Ésaïe 51:12

*KOTA GBIA atene: “Mbi, mbi laa mbi yeke de be ti ala. Azo ti mbi, ala yeke sara mbeto ti zo so ayeke kui kuingo so ngbanga ti nyen? Fini ti lo ayeke tongana pere.

Ésaïe 51:3

KOTA GBIA abaa mawa ti *Sion, lo baa mawa ti aye ti lo so kue abuba. Ndo ti lo so ayeke tongana benyama, lo yeke sara si aga tongana yaka ti Eden; ndo ti lo so ngu ayeke daa pepe, lo yeke sara si aga yaka ti KOTA GBIA. Na ya ti gbata ni, fade azo ayeke duti na ngia si ala yeke sara ngia, ala yeke he bia ti gondango Nzapa si ala yeke pika mozoko.

Ésaïe 52:9

Ando ti Jérusalem so abuba so, ala dekongo na ngia! KOTA GBIA ayeke de be ti azo ti lo, lo yeke zi Jérusalem na gbe ti ngbaa.

Jean 14:16

Fade mbi yeke hunda na Babâ ti tokua mbeni Wagbungo-koko na ala titene lo ngba na ala lakue lakue:

Jean 14:18

Fade mbi yeke zia ala anyindu pepe; mbi yeke kiri na tere ti ala.

Jean 14:26

Wagbungo-koko ayeke Yingo-Vuru so Babâ ayeke tokua lo na iri ti mbi. Lo laa lo yeke fa ande na ala nda ti aye kue, lo yeke dabe ti ala na tënë so kue mbi tene na ala.

2 Korente 7:13

So laa asara si be ti e ade. Be ti e akiri aduti na ngia mingi ngbanga ti so Tite awara ngia. Lo wara ngia mingi ndali ti so, ala kue asara si be ti lo aduti na siriri.

2 Korente 7:4

Mbi zia be ti mbi kue na ndö ti ala, mbi yeke gonda tere ti mbi mingi ndali ti ala. Be ti mbi ade mingi; na ya ti pasi so kue e yeke baa, be ti mbi asi singo na ngia.

Filipe 1:14

Mingi ti a-ita so abaa mbi na da ti kanga, be ti ala akiri awara ngangu ti zia be ti ala na ndö ti *Kota Gbia. Tongaso, ala yeke fa tënë ti Nzapa na mbeto pepe, ala kiri asara ni ahon ti kozoni.

1 Tesalonike 4:18

Tongaso, ala mu ngangu na be ti ala na popo ti ala na lege ti atënë so.

1 Tesalonike 5:11

Tongaso, ala mu ngangu na be ti ala na popo ti ala, ala sara si amba ti ala akpengba tongana ti so ala yeke sara ni so.

Ahebro 12:12

Ndani laa, ala yoro ya ti amaboko ti ala so awoko, ala sara si alikunu ti ala so awoko, akpengba!