2 Korente 1:21 - Mbeti ti Nzapa - Tënë so amu fini

²¹ Nzapa laa ayeke sara titene mbi na ala kue, e kpengba na lege ti gango so e ga oko na Christ. Lo laa lo zia e nde ndali ti lo;

2 Korente 1:21 ပူးပေါင်းရင်းမြစ်များ

Abia (Psaumes) 45:7

Gbia, mbata ti mo ti gbia ayeke tongana ti Nzapa, ayeke ngba lakue lakue. Na ya ti kodro-gbia ti mo, mo yeke sara komandema na legeni.

Abia (Psaumes) 87:5

Me ti Sion, alingbi a tene: A du azo ti dunia kue kâ. Nzapa so ayeke na yayu kâ na ndö ti aye kue asara titene gbata ni akpengba.”

Abia (Psaumes) 89:4

Mo tene: “Zo so mbi soro lo, mbi na lo, e ga ambuki awe; mbi deba yanga na David, zo ti kua ti mbi, mbi tene:

Ésaïe 49:8

Tënë so KOTA GBIA atene ayeke so: “Na ndembe so alingbi, mbi kiri tënë na mo; na lango ti songo azo na kuâ, mbi mu na mo maboko. Mbi bata mo titene na lege ti mo, mbi na azo, e ga *ambuki. Mbi yeke yo kodro ti Israel na nduzu, mbi yeke kiri ti kangbi na azo sese so lani ayeke ti ala si abuba so.

Ésaïe 59:21

KOTA GBIA atene: “Tënë ti *mbuki so mbi na ala e yeke sara laa: yingo ti mbi ayeke duti na ndö ti ala, mbi yeke zia tënë ti mbi na yanga ti ala; tënë ni ayeke hon yongoro na yanga ti ala pepe, na yanga ti amolenge ti ala pepe, na yanga ti amolenge ti amolenge ti ala pepe, ti londo fadeso ti gue na ni, kpu na kpu. Tënë so mbi KOTA GBIA, mbi tene laa.”

Ésaïe 61:1

Yingo ti Kota Gbia NZAPA ayeke na ndö ti mbi. Biani, *KOTA GBIA atuku mafuta na li ti mbi, lo tokua mbi ti fa nzoni tënë na awayere, ti kanga ka ti be ti azo so be ti ala afâ, ti tene na azo so a gbu ala na ngbaa atene, a zi ala awe, ti tene na azo ti kanga atene, ala yeke sigigi na ya ti kanga!

Ésaïe 62:7

Ala zia nga lo ti wu tere ti lo pepe, ngbii lo kiri lo leke Jérusalem si, ngbii lo sara titene Jérusalem aga ye ti gonda na ndö ti sese kue.”

Ésaïe 9:7

*KOTA GBIA atokua mbeni tënë na tere ti azo ti Jacob, tënë ni ati na ndö ti Israel.

Awayango-sandaga 7:35

So ayeke ye so aga ti Aaron na amolenge ti lo so azo ti Israel azi na ndö ti sandaga so a gbi ni kue na wâ ndali ti KOTA GBIA laa. Ye ni aga ti ala, ti londo na lango so a zia ala ti sara kua ti wayango-sandaga na KOTA GBIA.

Habakuk 2:12

“Mawa na mo, mo so mo leke gbata na lege ti tukungo mene, mo zia gere ti gbata na lege ti sarango ye ti ngangu na azo!

Jean 3:34

Zo so Nzapa atokua lo, lo yeke tene gi atënë ti Nzapa, ngbanga ti so Nzapa amu Yingo ti lo ahon ndoni na zo ni.

Awatokua 10:38

Ala hinga tënë ti Jésus, zo ti Nazaret, ala hinga lege so Nzapa asoro lo si lo sara si Yingo-Vuru na ngangu aga na ndö ti lo. Nzapa ayeke na lo, nilaa lo tambula na ndo kue, lo sara aye ti nzoni si lo kai akobela na tere ti azo so kue ayeke na gbe ti Zabolo.

Rome 16:25

Ayeke nzoni e gonda Nzapa! Lo yeke na ngangu ti sara si ala kpengba na lege ti mabe so alingbi gi na Nzoni Tënë ti Jésus Christ so mbi yeke fa. Nzoni Tënë ni ayeke tënë so Nzapa ahonde ando ngu na ngu si lo fa ni na e fadeso.

Rome 8:9

Ti ala, ala yeke sara ye alingbi na asioni nzara ti be ti ala pepe, me ala yeke sara ye alingbi na ye so Yingo aye, ngbanga ti so Yingo ti Nzapa ayeke duti na be ti ala. Tongana zo ayeke na Yingo ti Christ pepe, lo yeke zo ti Christ pepe.

1 Korente 1:8

Lo laa lo yeke sara titene ala kpengba ngbii asi na ndani si na lango ti gango ti Jésus Christ, Kota Gbia ti e, ala duti azo so tënë ayeke na li ti ala pepe.

2 Korente 5:5

Nzapa wani laa asara e ndali ti fini so; lo mu nga na e Yingo ti lo ti fa atene, anzoni ye so lo bata ndali ti e, fade lo yeke mu ni kue na e.

Kolose 2:7

Tongana ti so gere ti keke ali na ya ti sese wala da aluti ngangu na ndö ti gere ni, ala luti ngangu na ndö ti Christ. Ala kpengba na lege ti mabe alingbi na ye so a fa na ala, ala mu singila mingi na Nzapa.

1 Tesalonike 3:13

Ayeke nzoni lo mu ngangu na be ti ala, tongaso si, na lango so Kota Gbia ti e Jésus ayeke kiri ti ga na azo ti lo kue, fade ala duti azo so tënë ayeke na li ti ala pepe, azo so ayeke nde si ayeke nzoni kue na le ti Nzapa, Babâ ti e. [Amen.]

2 Tesalonike 2:17

ti mu ngangu na be ti ala, ti sara si ala kpengba na ya ti aye so kue ala yeke sara, nga na lege ti atënë so ala yeke tene ti sara nzoni na azo!

2 Tesalonike 2:8

Fade Zo ti sioni ayeke si, Kota Gbia Jésus ayeke fâ lo biani biani na pupu ti yanga ti lo. Lo yeke mingo lo biani biani na lege ti zango ndo ti gango ti lo.

2 Tesalonike 3:3

Me Kota Gbia ayeke sara ye alingbi na tënë ti yanga ti lo: fade lo yeke sara titene ala kpengba, lo yeke bata ala si Sioni wato asara sioni na ala pepe.

Ahebro 13:9

Ala zia lege na ambeni zo pepe ti handa ala na lege ti afango ye ti kirikiri nde nde. Titene be ti zo awara ngangu na lege ti nzoni ye so Nzapa asara, so laa ayeke nzoni, me na lege ti kobe pepe; azo so ayeke bata andia ti kobe, ala wara nzoni ye na peko ni pepe.

1 Pierre 5:10

Pasi so ala yeke baa so ayeke ndali ti kete ngoi. Me Nzapa so ayeke sara nzoni be mingi na azo, lo iri ala titene ala li na ya ti gonda ti lo so ayeke ngba lakue lakue, ngbanga ti so ala ga oko na Christ awe. Tongaso, lo yeke sara titene ala ga nzoni kue, ala kpengba, ala wara ngangu si mbeni ye ayingi ala pepe.

1 Jean 2:20

Ti ala, a-ita, ala wara Yingo-Vuru so Christ amu na ala si ala kue ahinga taa-tënë awe.

1 Jean 2:27

Me ti ala, a-ita, Yingo so Christ amu na ala angba na ya ti ala. Akpa titene mbeni zo akiri afa ye fango na ala pepe, ngbanga ti so Yingo ni ayeke fa na ala ye kue: ye so lo yeke fa ayeke taa-tënë, lo yeke tene mvene pepe. Ndani laa, ayeke nzoni ala ngba ti duti oko na Christ tongana ti so Yingo afa na ala.

Aye so Nzapa afa 1:6

Lo sara si e ga azo ti Kodro-gbia ti Nzapa, awayango-sandaga ti sara kua ndali ti Nzapa Babâ ti lo. Gonda na ngangu ayeke ti Christ kpu na kpu! Amen.

Aye so Nzapa afa 3:18

Ndani laa mbi yeke mu wango na mo titene mo vo lôro so a kporo ni na wâ si a zi asioni ye kue daa so; vo ni na maboko ti mbi si mo ga zo ti mosoro. Vo nga abongo na maboko ti mbi titene mo yu si azo abaa tere ti mo so ayeke senge so pepe. Vo yoro ti le na maboko ti mbi, mo zia na le ti mo si mo kiri mo baa ndo nzoni.