2 Korente 1:20 - Mbeti ti Nzapa - Tënë so amu fini

²⁰ Na lege ti lo laa Nzapa atene “een” ti mu na e aye so kue lo mu ando zendo ni. Na lege ti lo nga laa e yeke tene “amen” ti gonda Nzapa.

2 Korente 1:20 ပူးပေါင်းရင်းမြစ်များ

Tongo nda ti aye 22:18

A yeke sara tufa na ndö ti azo ti amara ti ndö ti sese kue na lege ti ahale ti mo, ngbanga ti so mo ma yanga ti mbi.”

Tongo nda ti aye 3:15

Mbi yeke zia kangbi na popo ti mo na wali, na popo ti *ahale ti mo, na ala ti wali. Fade ahale ti wali ayeke zia ka na li ti mo si mo, mo yeke zia ka na ngbonda ti gere ti ala.”

Tongo nda ti aye 49:10

Mbata ti gbia ayeke ngba lakue na ya ti sewa ti Juda. *Ahale ti lo ayeke ngba lakue na komandema, ngbii taa wa ti komandema ni asi. Lo laa azo ti mara kue ayeke ma yanga ti lo.

Abia (Psaumes) 102:16

Fade amara nde ayeke kpe mbeto ti KOTA GBIA, agbia ti sese kue ayeke kpe mbeto ti gonda ti mo.

Abia (Psaumes) 72:17

Ayeke nzoni iri ti gbia ni angba lakue lakue, ague na nduzu na ngoi so kue lâ angba ti su. Ayeke nzoni azo asara tufa na ndö ti amba ti ala na iri ti lo si azo ti amara kue atene: “Ti lo nzoni!”

Ésaïe 65:16

Na ya ti kodro, zo so aye ti sara tufa na ndö ti mbeni zo, lo yeke sara ni na iri ti Nzapa so ayeke bata tënë ti yanga ti lo. Zo so aye ti deba yanga ti lo, lo yeke deba yanga ti lo ni na iri ti Nzapa so ayeke bata tënë ti yanga ti lo.” *KOTA GBIA atene: “Aye ti vundu so ahon awe, fade azo ayeke girisa ni; aye ti vundu ni ayeke hon yongoro na le ti mbi.

Ésaïe 7:14

Tongaso, fade KOTA GBIA wani ayeke fa na ala mbeni ye: maseka-wali ayeke mu ngo, lo yeke du molenge-koli, lo yeke di iri ti lo Emmanuel.

Matthieu 6:13

Sara si e ti na ya ti ye ti tarango be pepe, me mo zi e na maboko ti Sioni wato. [Mo yeke Gbia, mo yeke na ngangu si gonda ayeke ti mo kpu na kpu! Amen.’]

Nzoni Tënë so Luc asu na mbeti 2:14

“E gonda Nzapa so ayeke na yayu kâ na ndö ti aye kue, siriri na ndö ti sese na popo ti azo so lo ye ala!”

Jean 1:17

Nzapa amu ando *Ndia na e na lege ti Moïse, me nzoni be na taa-tënë aga na lege ti Jésus Christ.

Jean 14:6

Jésus akiri tënë na lo: “Mbi yeke lege ni, taa-tënë na fini. Zo oko alingbi ti gue na Babâ na mbeni lege nde pepe, gi na lege ti mbi.

Jean 3:5

Jésus akiri tënë na lo: “Biani, mbi tene na mo taa-tënë: tongana a du zo na ngu na Yingo pepe, zo ni alingbi ti li na Kodro-gbia ti Nzapa pepe.

Rome 11:36

Biani, ye kue alondo na Nzapa, ye kue ayeke duti na lege ti lo, ye kue ayeke ndali ti lo. Gonda ayeke ti lo kpu na kpu! Amen.

Rome 6:23

Biani, futa ti siokpari ayeke kuâ; me nzoni ye so Nzapa ayeke mu na zo senge senge ayeke fini so angba lakue lakue, na lege ti gango so e ga oko na Jésus Christ, *Kota Gbia ti e.

1 Korente 14:16

Tongana mo yeke sambela ti mu singila na Nzapa gi na lege ti yingo ti mo, fade senge zo ti ya ti bongbi ni ayeke wara lege ti tene “Amen” na peko ti sambela ti mo ni tongana nyen, so lo ma ya ti tënë ti mo ni pepe so?

2 Korente 4:15

Aye so kue ayeke si na e ndali ti ala titene azo so Nzapa asara nzoni be na ala, wungo ti ala ayeke gue gi na nduzu, tongaso si gba ti azo amu singila na lo si ala gonda lo.

2 Korente 4:6

Nzapa so atene ando, atene: “Ayeke nzoni lumiere aza na ya ti vukongo ndo”, lo wani laa lo za na be ti e titene le ti e azi si e hinga gonda ti lo so ayeke za na ndö ti le ti Christ.

Galasii 3:22

Me Mbeti ti Nzapa atene, azo kue ayeke na gbe ti ngangu ti siokpari. Ndani laa, ye so Nzapa amu zendo ni, lo yeke mu ni na azo so ama na be na Jésus Christ, lo mu ni na ala ndali ti mabe ti ala.

Efeze 1:6

Ayeke nzoni e sepela gonda ti Nzapa ndali ti anzoni ye so lo mu na e gbani gbani na nzoni be na lege ti molenge ti lo so lo ye lo mingi.

Efeze 2:7

Lo sara nzoni ye so na e na lege ti Jésus Christ titene na ya ti angoi so kue ayeke ga, azo alingbi ti baa so nzoni be ti lo ahon ndoni.

Kolose 1:27

Nzapa aye si ala hinga mosoro na gonda so lo leke na hondengo ni ndali ti azo so ayeke azuife pepe. Ye so lo leke ayeke so: Christ ayeke na be ti ala si ala zia be ti ala ti ku titene ala duti ande na ya ti gonda ti lo.

2 Tesalonike 1:10

na ndembe so lo yeke ga. Fade azo ti lo ayeke gonda lo, azo so kue ama na be ayeke baa lo na ngia. Ala nga, a-ita, fade ala yeke duti na popo ti azo ni, ngbanga ti so ala ma na be na tënë so e fa.

Ahebro 11:13

Azo so kue angba na lege ti mabe si ala kui. Aye so Nzapa amu zendo ni, ala wara ni pepe, me ala ngba yongoro, ala baa ni bango si ala bara ni. Ala hinga biani atene, ala yeke awande, azo ti lege senge na ndö ti sese so.

Ahebro 13:8

Jésus Christ angba tongana ti biri, ti laso na kpu na kpu.

Ahebro 7:6

Melkisedeke ayeke zo ti mara ti Lévi pepe, me Abraham amu na lo dime ti aye so lo wara. Na ndoni, Melkisedeke asara tufa na ndö ti Abraham, lo so Nzapa amu zendo na lo so.

1 Pierre 1:12

Nzapa afa na ala atene, tënë ni ayeke ndali ti ala wani pepe, me ayeke ndali ti ala, a-ita. Tënë ni laa azo ti fango Nzoni Tënë ayeke fa ni na ala, na lege ti Yingo-Vuru so alondo na yayu si aga. Tënë ni, *a-ange wani ayeke na nzara ti hinga ni.

1 Jean 5:11

Tënë so Nzapa atene ayeke so: Nzapa amu na e fini so angba lakue lakue, lo mu ni na e na lege ti Molenge ti lo.

Aye so Nzapa afa 3:14

“Su mbeti so, mo tokua na *ange so ayeke na li ti *Eglize ti gbata ti Laodise: “Lo so iri ti lo ayeke Amen, lo so lo yeke taa zo ti fango peko ti tënë na legeni mbirimbiri si lo yeke na tongo nda ti ye so kue Nzapa asara, lo tene:

Aye so Nzapa afa 7:12

Ala tene: “Amen! Sepelango, gonda, ndara, singila, nengo, komandema na ngangu ayeke ti Nzapa ti e, kpu na kpu! Amen.”