2 Korente 1:12 - Mbeti ti Nzapa - Tënë so amu fini

¹² Ye so e yeke gonda tere ti e daa ayeke so: be ti e afa na e atene, dutingo ti e na dunia so, e duti na vuru be nga na be so sioni oko ayeke daa pepe. E duti tongaso mbirimbiri na mbage ti ala na lege ti ndara ti azo pepe, me na lege ti nzoni be ti Nzapa.

2 Korente 1:12 ပူးပေါင်းရင်းမြစ်များ

2 Samuel 22:22

Biani, mbi ngba na lege ti KOTA GBIA, mbi sara mbeni ye ti ke Nzapa ti mbi pepe.

Mbeti ti Job 13:15

Biani, lo lingbi ti fâ mbi senge, nyen laa aso mbi, nyen? Me mbi ye ti fa na le ti lo so sarango ye ti mbi ayeke sioni pepe.

Ésaïe 38:3

lo tene: “Ae! KOTA GBIA, mbi gbu gere ti mo, mo dabe ti mo so mbi sara ye na le ti mo na lege ti taa-tënë si mbi sara ni na be ti mbirimbiri. Mbi sara nga ye so ayeke nzoni na le ti mo.” Na pekoni Ezekias atoto mingi.

Awatokua 23:1

Paul abaa ndo na le ti azo ti *Kota Bongbi ti Fango Ngbanga ni mbirimbiri si lo tene: “A-ita, na ngoi so mbi mu peko ti Nzapa ngbii asi laso, na be ti mbi, mbi baa mbeni sioni ye ayeke na li ti mbi oko pepe.”

Awatokua 24:16

Ndani laa, mbi nga, mbi yeke sara ngangu lakue titene mbeni sioni ye aduti na be ti mbi na le ti Nzapa pepe nga na le ti azo pepe.

Rome 9:1

Na lege ti gango so mbi ga oko na Christ, mbi yeke tene taa-tënë, mbi yeke tene mvene pepe. Yingo-Vuru ayeke fa lege na be ti mbi si be ti mbi ayeke fa so ye ni ayeke taa-tënë:

1 Korente 1:17

Christ atokua mbi ti batize azo pepe, me ti fa Nzoni Tënë ti lo na azo. Mbi fa Nzoni Tënë na lege ti ndara ti azo pepe, tongaso si kuâ ti Christ na ndö ti keke ti kroa aga ye senge pepe.

1 Korente 12:8

Yingo ayeke mu na mbeni zo tënë ti ndara si na mbeni zo, lo yeke mu tënë ti hingango ye;

1 Korente 15:10

Me ndali ti nzoni be ti Nzapa, mbi ga zo so ala yeke baa lo laso so; nzoni be so Nzapa asara na mbi, peko ni angba senge pepe. Mbi sara kua ahon atanga ti awatokua kue, andaa mbi laa mbi sara kua ni pepe, me Nzapa so ayeke na mbi laa asara kua ni na lege ti nzoni be ti lo.

1 Korente 2:13

Tongaso e yeke mu atënë ti ndara ti azo ti tene na tënë ni pepe, me e yeke tene tënë ni na lege ti atënë so Yingo ti Nzapa ayeke fa na e. Nilaa e yeke fa nda ti atënë ti Yingo ti Nzapa na azo so ayeke na Yingo so.

1 Korente 4:4

Na be ti mbi, mbi baa mbeni sioni ye ayeke na li ti mbi oko pepe, me so laa asara si mbi ga zo ti mbirimbiri pepe. *Kota Gbia laa ayeke fâ ngbanga ti mbi.

1 Korente 5:8

Tongaso, e sara matanga ti Pake ni na ngbene mama ti mapa pepe, so ti tene na asiokpari na aye ti sioni; me e sara matanga ni na mapa so asara na mama ni pepe, so ti tene na vurungo be nga na tenengo taa-tënë.

2 Korente 1:17

So mbi leke na be ti mbi tënë ti tambula so, mbi mu tënë ni tongana tënë ti ngia? Wala aye so mbi leke na be ti mbi ti sara so, mbi leke ni na lege ti anzara ti be ti mbi si gi mbi oko so, mbeni be ti mbi atene: “een” si mbeni be ti mbi atene: “ên-en”?

2 Korente 11:3

Me ala dabe ti ala na ye so: ngbo ahanda ando Eve na lege ti mayere ti lo si Eve agirisa lege. Mbeto asara mbi titene be ti ala ague kirikiri si ala zia peko ti Christ so ala mu lani tere ti ala kue na lo na vurungo be so.

2 Korente 2:17

Azo mingi ayeke mu tënë ti Nzapa ti de buze na ni; e yeke tongana ala pepe. Ti e, Nzapa laa atokua e, nilaa na lege ti gango so e ga oko na Christ, e yeke tene taa-tënë na le ti Nzapa.

2 Korente 4:2

E ke tënë ti aye ti kamene so azo ayeke sara na gbe mingo; e yeke sara ye ti handa na azo pepe, e yeke buba ya ti tënë ti Nzapa pepe. Me e yeke fa taa-tënë na azo, tongaso si na le ti Nzapa, azo kue azia be ti ala na ndö ti e.

2 Korente 8:8

Mbi yeke tene tënë so ti mu yanga na ala pepe; me mbi yeke tene na ala tënë ti azo ti ambeni Eglize so nzara ti kua ayeke na be ti ala. Mbi yeke sara so ti baa wala ala azo ti Korente, ala ye amba ti ala biani.

Galasii 6:4

Ayeke nzoni zo oko oko agbu li ti lo na ndö ti sarango ye ti lo wani. Titene lo gonda tere ti lo ndali ti mbeni ye, ayeke nzoni lo wara ye ni na ya ti fini ti lo wani, me lo haka sarango ye ti lo na ti mbeni zo pepe.

Efeze 6:14

Ala luti na nduzu! Ala kanga taa-tënë tongana kamba ti ndö ti bongo ti ala; ala yu sarango ye ti mbirimbiri tongana kazaka ti wen;

Filipe 1:10

tongaso si ala hinga ye so ayeke nzoni ahon atanga ni. Tongaso, fade ala yeke ga nzoni kue si na lango ti kiringo ti Christ, mbeni tënë ayeke na li ti ala pepe.

1 Tesalonike 2:10

Ye so e sara, ala hinga ni awe, Nzapa nga ahinga ni awe: dutingo ti e na popo ti ala so ama na be ayeke nzoni kue, ayeke mbirimbiri, tënë oko ayeke na li ti e pepe.

1 Timothée 1:5

Nda ti yanga so mbi mu ayeke titene mo sara si ndoye akono, ndoye so aga na lege ti vurungo be, be so sioni ye oko ayeke daa pepe nga na taa mabe.

Tite 2:7

ala sara tongaso na ya ti aye kue. Mo nga, mo duti tapande na lege ti sarango anzoni ye: mo fa ye na azo na legeni mbirimbiri, mo ne tere ti mo.

Ahebro 13:18

Ala sambela ndali ti e. E hinga biani na be ti e, e tene, mbeni ye ti sioni ayeke na be ti e pepe; e ye si sarango ye ti e ayeke nzoni na ya ti aye kue.

Jacques 4:6

Me Nzapa akiri asara na e nzoni be mingi ahon ti so. Biani, Mbeti ti Nzapa atene: “Nzapa ake tënë ti azo ti baba, me lo yeke sara nzoni be na azo so asara tere ti ala kete.”

Josué 24:14

Josué akiri atene: “Fadeso, ala kpe mbeto ti KOTA GBIA, ala sara kua na lo na legeni nga na be ti ala kue! Anzapa so akotara ti ala asara ando kua na ala na mbage ti ngu ti Efrate nga na ti Ezipte so, ala zi anzapa ni yamba si ala sara kua gi na KOTA GBIA.

1 Pierre 3:16

Ala kiri tënë na azo ni na ngangu pepe, ala ne azo ni. Alingbi mbeni sioni ye oko aduti na be ti ala pepe. Tongaso, taa ye so azo ayeke bi tënë na li ti ala senge senge ndali ni, kamene ayeke gbu azo so atene sioni tënë na tere ti ala ndali ti nzoni dutingo ti ala oko na Christ.

1 Pierre 3:21

So ayeke limo ti bateme so ayeke soo ala fadeso. Bateme ni ayeke ye ti sukulango zende na tere ti zo pepe, me ayeke ti hunda na Nzapa titene mbeni ye ti sioni aduti na be ti zo ni pepe. Bateme ni ayeke soo ala na kuâ, ngbanga ti so Jésus Christ azingo na kuâ awe.