2 Korente 1:10 - Mbeti ti Nzapa - Tënë so amu fini

¹⁰ Lo laa lo zi e na ya ti kuâ, fade lo yeke kiri ti zi e na ya ni. Biani, e zia be ti e ti ku lo, fade lo yeke kiri ti zi e.

2 Korente 1:10 ပူးပေါင်းရင်းမြစ်များ

Abia (Psaumes) 34:19

KOTA GBIA ayeke nduru na azo so be ti ala afâ, lo yeke soo ala so be ti ala awoko.

Ésaïe 46:3

Azo ti Jacob, ala ma mbi, ala, atanga ti azo ti Israel so angba na fini so! Gi so ala de na ya ti mama ti ala, mbi bata ala, gi so a du ala, mbi yo ala.

Daniel 3:17

Me ayeke nzoni mo hinga, mo tene, Nzapa ti e so e yeke sara na lo, tongana lo lingbi ti zi e na ya ti kota wâ ni nga na maboko ti mo, fade lo yeke zi e senge.

Daniel 6:16

Me awato ti Daniel akiri aga na loro na ndo ti gbia si ala tene na lo, atene: “Gbia, ayeke nzoni mo hinga, mo tene, na lege ti ndia ti azo ti Medii na ti Perse, tongana gbia asu maboko na gbe ti mbela wala na gbe ti ndia awe, zo alingbi ti mingo ngangu ni pepe.”

Awatokua 26:21

Ndani laa azuife agbu mbi lani na ya ti kota da ti Nzapa si ala gi lege ti fâ mbi.

Rome 15:31

Ala sambela si azuife so ayeke na Judée so ake tënë ti Nzapa asara sioni na mbi pepe. Ala sambela nga si ye so mbi yeke gue na ni na Jérusalem, azo ti Nzapa so ayeke kâ alingbi ti yamba ni na ngia.

2 Korente 1:9

E baa ti e, e tene, a fâ ngbanga ti kuâ na li ti e awe. Me ye ni asara si e kiri e zia be ti e na ndö ti ngangu ti e wani pepe, me e zia be ti e na ndö ti Nzapa so ayeke zingo azo na kuâ.

2 Korente 6:9

azo abaa e tongana azo so ala hinga ala pepe, andaa ala hinga e kue; azo abaa e tongana azo so ayeke kui kuingo, andaa e ngba na fini; ala pika e, me ala fâ e pepe.

1 Timothée 4:10

Biani, pasi so e yeke baa wala bira so e yeke tiri ayeke ndali ti so e zia be ti e ti ku Nzapa so ayeke na fini. Lo yeke Wasongo azo kue, mbirimbiri azo so ama na be.

2 Timothée 4:17

Kota Gbia, lo wani ayeke lani na mbi, lo mu ngangu na mbi. Tongaso, mbi fa tënë ti lo kue si azo kue ti amara nde ama ni. Kota Gbia azi mbi na yanga ti bamara awe!

2 Pierre 2:9

so ti tene, *Kota Gbia alingbi ti zi azo so amu tere ti ala kue na lo na ya ti ye ti tarango be si lo yeke bata azo ti kirikiri ti fâ ngbanga na li ti ala na lango ti fango ngbanga.

1 Samuel 17:37

David akiri atene: “*KOTA GBIA so azi mbi na maboko ti bamara nga na maboko ti urse so, fade lo yeke zi mbi na maboko ti zo ti Filistii so.” Tongaso, Saul atene na David: “Mo gue, fade KOTA GBIA aduti na mo.”

1 Samuel 7:12

Samuel amu mbeni têne si lo zia ni na popo ti Mispa na ndo so a iri ni Pembe. Lo di iri ti têne ni Eben-Ezer si lo tene: “KOTA GBIA amu maboko na e ngbii asi na ndo so.”