2 Korente 1:1 - Mbeti ti Nzapa - Tënë so amu fini

¹ Mbi Paul, mbi yeke *watokua ti Jésus Christ na lege so be ti Nzapa aye. Mbi na ita Timothée laa e tokua mbeti so. E tokua mbeti ni na *Eglize ti Nzapa so ayeke na gbata ti Korente nga na azo ti Nzapa so ayeke na sese ti Akayi kue.

2 Korente 1:1 ပူးပေါင်းရင်းမြစ်များ

Awatokua 16:1

Paul asi na gbata ti Derbe nga na Listre. Mbeni disiple so iri ti lo Timothée ayeke kâ; mama ti lo ayeke mbeni zuife so ama na be, me babâ ti lo ayeke greke.

Rome 15:26

Biani, azo ti Christ ti Masedoane na ala ti Akayi aleke na be ti ala ti bi nginza ti tokua na azo ti Nzapa so ayeke na ya ti mawa.

Rome 16:21

Timothée, mba ti mbi so mbi na lo, e yeke sara kua abara ala. Lusius, Yason na Sosipater, azo ti sewa ti mbi nga abara ala.

Rome 16:5

Ala bara na mbi azo ti Eglize so ayeke bongbi na da ti Priscille na Akilas. Ala bara na mbi Epainete so mbi ye lo mingi; lo yeke kozo zo ti sese ti Azii so ama na be na Christ.

1 Korente 10:32

Na lege ti sarango ye ti ala, ala sara si mbeni zuife, wala mbeni zo ti mbeni mara nde, wala mbeni zo ti *Eglize ti Nzapa ati pepe.

1 Korente 16:10

Tongana Timothée asi na ala kâ, ayeke nzoni ala sara titene lo duti na popo ti ala na mbeto pepe, ngbanga ti so lo yeke sara nga kua ti Kota Gbia tongana mbi.

1 Korente 16:15

A-ita, ala hinga atene, Stefanas na azo ti sewa ti lo ayeke akozo zo ti Akayi so ama na be si ala mu tere ti ala kue ti sara nzoni na azo ti Nzapa. Mbi hunda na ala mingi, a-ita,

1 Korente 16:24

Na lege ti gango so e ga oko na Jésus Christ, mbi ye ala kue.

1 Korente 6:11

Ambeni zo na popo ti ala ayeke ando tongaso. Me Nzapa *asukula asioni ti ala awe, lo sara si ala ga nzoni kue si lo zia ala nde; lo sara si ala ga mbirimbiri na le ti lo na iri ti *Kota Gbia Jésus Christ nga na lege ti Yingo ti Nzapa ti e.

2 Korente 1:19

Jésus Christ, Molenge ti Nzapa, so mbi, Silas na Timothée, e fa tënë ti lo na popo ti ala, lo ga ti tene “een” si na mbage lo tene “ên-en” pepe; me tënë ti lo ayeke gi “een”.

2 Korente 1:23

Mbi tene taa-tënë, Nzapa ayeke ma mbi. Tongana mbi tene mvene, ayeke nzoni Nzapa afâ mbi! Mbi zia lege ti kiringo na Korente, ngbanga ti so mbi ye ti sara pasi na ala pepe.

2 Korente 11:10

Na lege ti taa-tënë ti Christ so ayeke na yanga ti mbi, mbi tene: fade mbeni zo alingbi ti kanga lege na mbi pepe ti gonda tere ti mbi na sese ti Akayi kue.

2 Korente 9:2

Mbi hinga nzara ti be ti ala si mbi gonda tere ti mbi ndali ti ala na le ti azo ti Masedoane, mbi tene: “Azo ti Akayi aleke ye ti ala kue na ngu so ahon so awe.” Nilaa nzara ti sarango nzoni ye ti ala azia nga nzara na be ti azo ti ambeni *Eglize mingi.

Galasii 1:1

Mbi Paul laa mbi tokua mbeti so; azo laa airi mbi ti ga *watokua pepe. So Nzapa airi mbi ti ga watokua, mbi ma tënë ni na yanga ti mbeni zo pepe, me na yanga ti Jésus Christ wani, lo na Nzapa Babâ so azingo lo na popo ti akuâ.

Galasii 3:26

Biani, ala kue aga amolenge ti Nzapa na lege so ala ma na be na Jésus Christ.

Efeze 1:1

Mbi Paul, mbi yeke *watokua ti Jésus Christ na lege so be ti Nzapa aye; mbi tokua mbeti so na azo ti Nzapa so ayeke na gbata ti Efeze, ala so ama na be na Jésus Christ si ala ga oko na lo.

Filipe 1:1

Mbi Paul, mbi na Timothée, so e yeke azo ti kua ti Jésus Christ laa e tokua mbeti so na azo ti Nzapa so aga oko na Jésus Christ si ala yeke na gbata ti Filipe. E tokua nga mbeti so na azo so ayeke na li ti *Eglize, ala na *adiakre.

1 Tesalonike 1:1

Mbi Paul, mbi na Silas na Timothée laa e tokua mbeti so na azo ti *Eglize so ayeke na gbata ti Tesalonike. Ala yeke azo ti Nzapa Babâ na ti *Kota Gbia Jésus Christ. Ayeke nzoni Nzapa asara nzoni be na ala si lo mu na ala siriri!

1 Tesalonike 3:2

Nilaa e tokua ita ti e Timothée na ala; lo na Nzapa laa ayeke sara kua ti fa Nzoni Tënë ti Christ. E tokua lo na ala ti sara si ala kpengba, ti mu wango na ala si ala gbu ngangu na lege ti mabe ti ala.

2 Tesalonike 1:1

Mbi Paul, mbi na Silas na Timothée si e tokua mbeti so na azo ti *Eglize so ayeke na gbata ti Tesalonike. Ala yeke azo ti Nzapa Babâ ti e na ti *Kota Gbia Jésus Christ.

1 Timothée 1:1

Mbi Paul, mbi yeke *watokua ti Jésus Christ na peko ti yanga ti Nzapa, Wasongo e, lo na Jésus Christ so e zia be ti e kue na ndö ti lo.

2 Timothée 1:1

Mbi Paul, so Nzapa ayeda ti mu mbi tongana *watokua ti Jésus Christ titene mbi fa tënë ti fini so Nzapa amu zendo ni na e si e wara ni na lege so e ga oko na Jésus Christ.

Tite 1:1

Mbi Paul, mbi yeke zo ti kua ti Nzapa si mbi yeke nga *watokua ti Jésus Christ. Nzapa atokua mbi ti sara si azo so lo soro ala ama na be si ala hinga taa-tënë so alingbi gi na lege ti vorongo Nzapa,

Philémon 1:1

Mbi Paul, so mbi yeke na da ti kanga ndali ti Jésus Christ, mbi na ita ti e Timothée laa e tokua mbeti so na mo Philémon, mba ti e, zo ti kua so e ye mo mingi.

Ahebro 13:23

Ayeke nzoni ala hinga so, ita ti e Timothée asigigi na da ti kanga awe. Tongana lo si na mbi ge hio, fade mbi na lo, e yeke gue ti baa ala.