2 Jean 1:9 - Mbeti ti Nzapa - Tënë so amu fini

⁹ Zo so kue azia mbeni tënë nde na ndö ti tënë so Christ afa si lo ngba na lege ti tënë ni pepe, andaa lo ke Nzapa awe. Zo so angba na lege ti tënë so Christ afa, andaa lo yamba Babâ na Molenge ti lo awe.

2 Jean 1:9 ပူးပေါင်းရင်းမြစ်များ

Matthieu 11:27

“Babâ ti mbi azia ye kue na maboko ti mbi. Zo oko ahinga Molenge ni pepe, gi Babâ oko; zo oko ahinga Babâ ni pepe, gi Molenge ni oko nga na azo so Molenge ni aye ti fa Babâ ni na ala titene ala hinga lo.

Nzoni Tënë so Luc asu na mbeti 10:22

“Babâ ti mbi azia ye kue na maboko ti mbi. Zo oko ahinga Molenge ni pepe, gi Babâ oko; zo oko ahinga Babâ ni pepe, gi Molenge ni oko nga na azo so Molenge ni aye ti fa Babâ ni na ala titene ala hinga lo.”

Jean 14:6

Jésus akiri tënë na lo: “Mbi yeke lege ni, taa-tënë na fini. Zo oko alingbi ti gue na Babâ na mbeni lege nde pepe, gi na lege ti mbi.

Jean 15:6

Zo so aduti oko na mbi pepe, fade a yeke bi lo na gigi tongana ti so a yeke bi maboko ti keke si ahole. A yeke bongbi amaboko ti keke ni, a tuku na le ti wâ si agbi.

Jean 5:23

si azo kue alingbi ti ne Molenge ni tongana ti so ala yeke ne Babâ. Zo so ane Molenge ni pepe, andaa lo so Babâ atokua lo, lo ne lo pepe.

Jean 8:31

Jésus atene na azuife so ama na be na lo, atene: “Tongana ala bata tënë ti mbi, andaa ala yeke adisiple ti mbi biani.

Awatokua 2:42

Ala yeke bongbi lakue na tere ti *awatokua ti manda ye, ti duti na beoko, ti te kobe ti beoko, ti sambela Nzapa.

Kolose 3:16

Ayeke nzoni tënë ti Christ so anzoni ye asi singo daa aduti na ya ti fini ti ala. Ala fa ye si ala mu wango na amba ti ala na popo ti ala na lege ti ndara kue. Ala he abia na Nzapa na be ti ala kue ti mu singila na lo, ala he abia ti Mbeti ti Nzapa, abia ti vorongo Nzapa na abia so Yingo ayeke mu na ala.

Tite 2:10

ala nzi nga ye ti awa ti ala ni pepe. Lakue ala sara ye titene awa ti ala alingbi ti zia be ti ala na ndö ti ala. So laa ayeke sara titene azo ane tënë so e yeke fa si alondo na Nzapa, Wasongo e.

Ahebro 3:14

Fadeso, e na Christ e yeke sara kua legeoko gi tongana kozo ye so e zia be ti e daa, e gbu ni ngangu ngbii asi na ndani.

Ahebro 6:1

Tongaso, alingbi e zia lege ti akozo tënë so e manda ando na ndö ti Christ, e hon fadeso ti manda akpengba tënë so alingbi na akangba, e kiri na ndö ti akozo kota tënë ni pepe. Akozo tënë ni ayeke so: tënë ti ziango ngbene lege ti sarango abuba ye, tënë ti mango na be na Nzapa,

1 Jean 1:3

Ye so e baa si e ma tënë ni, e yeke tene tënë ni na ala titene ala nga, ala yeke na beoko na e. Beoko so e yeke na ni na Babâ nga na Molenge ti lo Jésus Christ laa.

3 Jean 1:9

Mbi su fade mbeni nduru mbeti si mbi tokua ni na *Eglize; me Diotrefe so aye lakue gi ti duti na komandema na ndö ti amba ti lo, lo ke ti ma yanga ti e.