2 Jean 1:6 - Mbeti ti Nzapa - Tënë so amu fini

⁶ Ndoye ayeke so: sarango ye alingbi na atënë ti ndia ti Nzapa. Ala baa, gi oko tënë ti ndia so laa ala ma ni, ngbene ye na tongo nda ni. Tënë ti ndia ni ayeke titene ala duti na lege ti ndoye.

2 Jean 1:6 ပူးပေါင်းရင်းမြစ်များ

Jean 14:15

“Tongana ala ye mbi, fade ala yeke sara ye alingbi na andia ti mbi.

Jean 14:21

“Zo so ahinga andia ti mbi si lo sara ye alingbi na ni, lo laa lo ye mbi. Babâ ti mbi ayeke ye lo; mbi nga, mbi yeke ye lo si mbi yeke sara titene lo hinga mbi.”

Jean 14:23

Jésus akiri tënë na lo, atene: “Zo so aye mbi, fade lo yeke sara ye so mbi tene na lo. Babâ ti mbi ayeke ye lo si mbi na Babâ, e yeke ga ti duti na lo.

Jean 15:10

Tongana ala sara ye alingbi na andia ti mbi, fade ala yeke ngba na ya ti ndoye ti mbi, tongana ti so mbi sara ye alingbi na andia ti Babâ si mbi ngba na ya ti ndoye ti lo.

Jean 15:14

Tongana ala sara ye alingbi na yanga so mbi mu na ala, ala yeke amba ti mbi so mbi na ala e ye tere.

Ndia ti fani use ni 13:4

alingbi ala ma tënë ti wayanga-Nzapa ni pepe, wala ti zo ti bango aye na ya ti bango-li ni pepe. Biani, *KOTA GBIA Nzapa ti ala laa ayeke tara be ti ala na lege ti ye tongaso ti baa, wala ala ye lo na be ti ala kue, na yingo ti ala kue.

1 Jean 2:24

Ndani laa, a-ita, ayeke nzoni ala bata na be ti ala tënë so ala ma ngbene ye na tongo nda ni. Tongana ala bata na be ti ala tënë so ala ma ngbene ye na tongo nda ni, fade ala yeke ngba ti duti oko na Molenge ni nga na Babâ ni.

1 Jean 2:5

Me zo so ayeke sara ye alingbi na tënë ti Nzapa, andaa ndoye so ayeke na be ti lo ndali ti Nzapa alingbi kue biani. Na lege so laa e lingbi ti hinga, e tene, e ga oko na Nzapa.

1 Jean 2:7

A-ita ti mbi so mbi ye ala mingi, mbeni fini ndia laa mbi yeke su na mbeti na ala so pepe, me ayeke ngbene ndia so ala yeke na ni, ngbene ye na tongo nda ni; ngbene ndia so ayeke tënë so ala ma ni awe.

1 Jean 5:15

So e hinga, e tene, lo yeke ma e, e hinga biani e tene, ye so e hunda na lo so, e wara ni awe.

1 Jean 5:3

Lege ti yengo Nzapa ayeke titene e sara ye alingbi na andia ti lo. Andia ti lo ayeke ngangu pepe.

2 Jean 1:5

Fadeso, mbi hunda na mo, kota Wali, titene e kue, e ye tere na popo ti e. Ye so mbi su na mo na mbeti ayeke mbeni fini tënë ti ndia pepe, me tënë ti ndia so e yeke na ni, ngbene ye na tongo nda ni.