2 Agbia 7:7 - Mbeti ti Nzapa - Tënë so amu fini

⁷ Na lakui, so ndo ato nda ti vuko, azo ti Sirii alondo, ala kpe titene ala soo fini ti ala. Ala do bâbâ ti ala azia ni gi tongaso: ala zia ada ti ala ti bongo, ambarata ti ala nga na alele ti ala.

2 Agbia 7:7 ပူးပေါင်းရင်းမြစ်များ

1 Agbia 10:29

Pusu ti bira oko so a mu na Ezipte si a ga ni, ngere ni ayeke ale ti nginza ngbangbo omene; mbarata oko, ngere ni ayeke ale ti nginza ngbangbo oko na baleoku. Azo ti dengo buze ni ayeke ga nga na ni ti ka na agbia ti mara ti Het kue nga na agbia ti sese ti Sirii.

1 Agbia 20:20

Turugu oko oko kue afâ wato oko. Tongaso azo ti Sirii akpe si azo ti Israel atumba peko ti ala. Ti Ben-Hadad, gbia ti Sirii, lo ko na ndö ti mbeni mbarata si lo kpe, lo na ambeni zo ti kpengo na ambarata.

Mbeti ti Job 18:11

Mbage na mbage kue, kota mbeto agbu lo; mbeto ni ayeke mu peko ti lo na ndo so kue lo yeke gue daa.

Abia (Psaumes) 33:17

Titene zo aso benda, mbarata ayeke ye oko pepe; ngangu ti mbarata ni ayeke soo zo ti kpengo na mbarata ni pepe.

Abia (Psaumes) 68:12

Kota Gbia amu yanga si gba ti awali ahon na nzoni sango so:

Amato 21:1

Tënë ti be ti gbia ayeke na ya ti maboko ti KOTA GBIA tongana kete ngu so ayeke sua. KOTA GBIA ayeke hon na atënë ti be ni na ndo so kue be ti lo wani aye.

Amato 28:1

Zo ti sioni ayeke kpe, ataa zo oko atumba peko ti lo pepe; me zo ti mbirimbiri ayeke tongana bamara so ayeke na mbeto oko pepe.

Amato 6:5

Zi tere ti mo na ya ti kuku ni tongana dengbe; zi tere ti mo na ya ti gbanda ni tongana ndeke.

Ésaïe 2:20

Na lango ni so, azo ayeke mu ayanda ti ala ti wen ti nginza na ti lôro so ala yeke kuku ti voro ni so, ti bi ni na akolofia nga na anyama-ti-ngia.

Ahebro 6:18

Dengo ba so Nzapa ade na zendo so lo mu so ayeke ngba lakue; tënë ti mvene ayeke na ya ti aye use so oko pepe. Aye use so ayeke kpengba e mingi, e so e zia be ti e ti ku ti wara ye so Nzapa aye ti mu na e.

Awafango-ngbanga 7:21

Ala luti angoro tere ti bâbâ ni kue, zo oko oko na ndo so a zia lo daa. Me azo so ayeke na ya ti bâbâ ni alondo ti kpe, ala dekongo si ala kpe kirikiri.

1 Samuel 14:15

Aturugu ti Filistii so angba na ya ti bâbâ nga na azo so ayeke na tere ti bâbâ ni, kota mbeto agbu ala. Ataa aturugu ti batango ndo, na ala ti bubango ndo, kota mbeto ahon ndö ti ala kue. Sese ayingi si kota mbeto ti Nzapa agbu ala.