2 Agbia 4:3 - Mbeti ti Nzapa - Tënë so amu fini

³ Élisée atene: “Gue na ndo ti azo so ayeke nduru na mo, mo hunda ata so ya ni ayeke senge; mo hunda ni gbani gbani.

2 Agbia 4:3 ပူးပေါင်းရင်းမြစ်များ

2 Agbia 3:16

Élisée atene: “Tënë so KOTA GBIA atene ayeke so: ‘Ala zi gba ti adu na popo-hoto so.’

2 Agbia 4:2

Élisée atene na lo: “Nyen laa mbi lingbi ti sara ndali ti mo, nyen? Tene na mbi: nyen laa mo yeke na ni na da ti mo, nyen?” Wali ni akiri tënë: “Mbi zo ti kua ti mo, mbi yeke na ye oko pepe, me gi kete mafuta titene mbi sara na tere ti mbi.”

2 Agbia 4:4

Na pekoni, mo kiri na da ti mo, mo kanga yanga ti da na li ti mo nga na amolenge ti mo. Fade mo tuku mafuta ni na ya ti ata ni kue. Tongana mbeni ta oko asi awe, mo zia ni na mbage. Mo sara tongaso na ata ni kue.”

Abia (Psaumes) 81:10

Fade mbeni nzapa nde ayeke duti na sese ti mo pepe, fade mo yeke kuku ti voro mbeni nzapa nde pepe.

Abia (Psaumes) 81:11

Mbi laa mbi yeke *KOTA GBIA, Nzapa ti mo, mbi laa mbi sara si mo sigigi na sese ti Ezipte. Mo zi yanga ti mo kota, fade mbi zia aye daa asi.”

Jean 16:24

Ala de ti hunda mbeni ye na iri ti mbi pepe. Ayeke nzoni ala hunda ye, fade ala wara ni si ngia ti ala alingbi kue.”

Jean 2:7

Jésus atene na azo ti kua ni: “Ala tuku ngu na ya ti ata ni, asi.” Ala tuku ngu na ya ti ata ni, asi.