1 Timothée 6:3 - Mbeti ti Nzapa - Tënë so amu fini

³ Zo so ayeke fa mbeni ye nde, tënë ti lo ague nde na ti *Kota Gbia ti e Jésus Christ si alingbi na nzoni lege ti vorongo Nzapa pepe,

1 Timothée 6:3 ပူးပေါင်းရင်းမြစ်များ

Amato 15:4

Tënë so ayeke mu ngangu na be ti zo ayeke tongana keke so ayeke mu fini na zo; tënë ti handa asara si be ti zo afun.

Matthieu 22:21

Ala kiri tënë na lo: “Ti kota gbia ti Rome.” Tongaso Jésus atene na ala: “Ala futa na kota gbia ti Rome ye so ayeke ti lo, ala futa na Nzapa ye so ayeke ti Nzapa.”

Matthieu 28:20

ala fa na ala ti bata lege ti aye so kue mbi mu yanga na ala. Baa, mbi yeke na ala lakue ngbii asi na ngoi ti ndani.”

Rome 16:17

A-ita, ye so mbi hunda na ala mingi ayeke so: ala sara hange na azo so ayeke ga na tënë ti kangbi nga na tënë so asara si azo ati na ya ti siokpari; azo ni azia lege ti tënë so e fa na ala so awe. Ala zia lege ti azo ni so,

1 Tesalonike 4:8

Ndani laa, zo so ake ti sara ye alingbi na atënë so, zo laa lo ke lo pepe, me lo ke Nzapa so ayeke mu Yingo-Vuru ti lo na ala.

1 Timothée 1:10

azo ti gingo wali wala gingo koli kirikiri, akoli so ayeke lango na amba ti ala akoli, azo so ayeke ka amba ti ala na ngbaa, azo ti mvene, azo so ayeke deba na tënë ti mvene, ala na azo so ayeke sara ye so ayeke nde na fango ye so ayeke mbirimbiri.

1 Timothée 1:3

Tongana ti so mbi mu lani yanga na mo na guengo ti mbi na sese ti Masedoane, ayeke nzoni mo ngba na gbata ti Efeze. Kâ, ambeni zo ayeke fa ye so alingbi na tënë ti Nzapa pepe. Alingbi mo ke na ala na kuru go ti fa aye ni so.

1 Timothée 1:6

Ambeni zo azia nzoni lege so awe, ala girisa lege na dikongo abuba tënë.

2 Timothée 1:13

Sara ye alingbi gi na tapande ti atënë so ayeke na legeni so mo ma na yanga ti mbi. Sara ye ni na lege ti mabe, na lege ti ndoye, na lege ti gango so e ga oko na Jésus Christ.

2 Timothée 4:3

Biani, mbeni ngoi ayeke ga so fade azo ayeke ye pepe ti ma fango ye so ayeke mbirimbiri, ala yeke sara ande gi aye ti be ti ala wani si ala yeke iri gba ti awafango-ye ti ga ti fa na ala tënë so anzere na mê ti ala.

Tite 1:1

Mbi Paul, mbi yeke zo ti kua ti Nzapa si mbi yeke nga *watokua ti Jésus Christ. Nzapa atokua mbi ti sara si azo so lo soro ala ama na be si ala hinga taa-tënë so alingbi gi na lege ti vorongo Nzapa,

Tite 1:9

Alingbi lo ngba gi na ndö ti tënë ti Nzapa so ayeke taa-tënë si alingbi gi na ti so azo ti Nzapa afa kozoni. Tongaso si lo lingbi ti mu wango na azo na lege ti fango ye so ayeke mbirimbiri, lo lingbi nga ti fa na azo ti kengo tënë so, ala girisa lege awe.

Tite 3:8

Tënë so ayeke taa-tënë. Mbi ye mo tene tënë na ndö ni ngangu si azo so ama na be na Nzapa azia be ti ala na sarango anzoni ye. So laa ayeke nzoni si azo alingbi ti wara ye daa.