1 Timothée 6:18 - Mbeti ti Nzapa - Tënë so amu fini

¹⁸ Ayeke nzoni azo ti mosoro asara nzoni ye, ala ga azo ti mosoro na lege ti sarango anzoni ye, ala mu ye na azo, ala kanga maboko ti ala daa pepe, ala kangbi aye ti ala na amba ti ala.

1 Timothée 6:18 ပူးပေါင်းရင်းမြစ်များ

2 Mbai 24:16

A lu lo na Gbata ti David, na ndo so a yeke lu agbia daa. Biani, lo sara nzoni na azo ti Israel, lo sara nzoni ndali ti Nzapa nga ndali ti kota da ti Nzapa.

Abia (Psaumes) 112:9

Lo mu ye mingi na azo ti mawa; mbirimbiri ti lo angba kpu na kpu. Fade ngangu ti lo na gonda ti lo ayeke gue guengo na nduzu.

Abia (Psaumes) 37:3

Mo zia be ti mo na ndö ti *KOTA GBIA, mo sara nzoni ye si fade mo duti na ya ti kodro ni, fade sioni ye asi na mo pepe.

Zo ti bongbingo azo 11:6

Na ndaperere, mo lu ale ti kobe ti mo; mo ngba gi ti sara kua ngbii asi na lakui. Mo hinga pepe kua wa laa ayeke ga ande nzoni, wala akua ni kue!

Zo ti bongbingo azo 3:12

Mbi hinga, mbi tene, mbeni nzoni ye ndali ti zo ayeke daa pepe, gi ti duti na ngia na ti duti nzoni.

Ésaïe 32:8

Me ne-ne zo ayeke leke na be ti lo ti sara gi nzoni ye, lo yeke sara gi ye so ane.

Ésaïe 58:7

ti kangbi kobe ti mo na zo so nzara ayeke sara lo, ti mu ndo ti lango na azo ti mawa so da ti li ti ala ayeke daa pepe, ti mu bongo na azo so bongo atia ala; ayeke nga titene mo zia peko ti mo pepe na taa ita ti mo.”

Matthieu 5:42

Tongana mbeni zo ahunda ye na mo, mu ni na lo. Tongana mbeni zo ahunda yongo na mo, gbanzi lo na ni pepe.”

Nzoni Tënë so Luc asu na mbeti 12:21

Jésus akiri atene: “Baa, ye so ayeke si ande na zo so ayeke bongbi amosoro gi ndali ti lo wani si lo bongbi aye ndali ti Nzapa pepe so laa!”

Nzoni Tënë so Luc asu na mbeti 3:11

Lo kiri tënë na ala, lo tene: “Zo so ayeke na bongo use, ayeke nzoni lo mu mbeni oko na zo so ayeke na ni pepe. Zo so ayeke na ye ti tengo ni, ayeke nzoni lo mu mbeni na zo so ayeke na ni pepe.”

Awatokua 10:38

Ala hinga tënë ti Jésus, zo ti Nazaret, ala hinga lege so Nzapa asoro lo si lo sara si Yingo-Vuru na ngangu aga na ndö ti lo. Nzapa ayeke na lo, nilaa lo tambula na ndo kue, lo sara aye ti nzoni si lo kai akobela na tere ti azo so kue ayeke na gbe ti Zabolo.

Awatokua 11:29

Tongaso adisiple aleke na be ti ala titene zo oko oko amu ye alingbi na ngangu ti lo ti mu maboko na a-ita, azo ti Christ, so ayeke na Judée.

Awatokua 9:36

Na gbata ti Zope, mbeni wali ayeke daa so ayeke disiple ti Jésus, iri ti lo ayeke Tabita. Iri ti lo na yanga ti greke ayeke Dorkas, nda ni atene “Dengbe”. Lo mu ngoi ti lo kue ti sara anzoni ye na azo, ti mu maboko na azo ti mawa.

Rome 12:13

Ala mu maboko na azo ti Nzapa so ye atia ala, ala yamba agene nzoni.

Rome 12:8

Zo so ayeke na matabisi ti mungo wango, alingbi lo mu wango. Zo so ayeke mu ye na azo, alingbi lo mu ni na vurungo be. Zo so ayeke na li ti bongbi, alingbi lo mu be ti lo kue na kua ni. Zo so ayeke mu maboko na azo ti mawa, alingbi lo sara ni na nzerengo be.

1 Korente 16:2

Na layenga, fade zo oko oko ayeke mu mbeni nginza, lo zia ni nde na da ti lo alingbi na ye so lo wara. Tongaso, ala to nda ti bongbi nginza ni kozoni si mbi si.

2 Korente 8:12

Biani, tongana zo ayeke na nzara ti mu ye si lo mu ni alingbi na ye so lo yeke na ni, Nzapa ayeke yamba ye ni; me ye so zo ayeke na ni pepe, Nzapa ayeke hunda ni pepe.

2 Korente 8:9

Biani, ala hinga nzoni be ti Kota Gbia ti e Jésus Christ: lo yeke lani zo ti mosoro, me lo yeda ti ga zo ti mawa ndali ti ala titene na lege ti mawa ti lo, ala ga azo ti mosoro.

Galasii 6:10

Tongaso, na ya ti ngoi so angba na e, e sara nzoni na azo kue, mbirimbiri na azo so, e na ala e ga sewa oko na lege ti mabe.

Efeze 4:28

Zo so lani ayeke zo ti nzi, lo kiri lo nzi pepe; me ayeke nzoni lo mu tere ti lo ti sara kua na maboko ti lo wani na legeni si lo wara ye ti mu maboko na azo ti mawa.

1 Timothée 5:10

Alingbi azo ahinga lo ndali ti nzoni sarango ye ti lo: lo bata amolenge ti lo nzoni, lo yamba azo so aga na da ti lo nzoni, lo sukula gere ti azo ti Nzapa, lo mu maboko na azo so ayeke na ya ti pasi si lo mu ngangu ti lo ti sara anzoni ye nde nde.

Tite 2:14

Lo ka ando tere ti lo na kuâ ndali ti e, ti zi e na ya ti aye ti sioni kue, ti sukula e si e ga azo ti lo wani, titene e mu ngangu ti e kue ti sara anzoni ye.

Tite 3:8

Tënë so ayeke taa-tënë. Mbi ye mo tene tënë na ndö ni ngangu si azo so ama na be na Nzapa azia be ti ala na sarango anzoni ye. So laa ayeke nzoni si azo alingbi ti wara ye daa.

Ahebro 13:16

Ala girisa ti sara nzoni be na azo pepe, ala girisa ti mu maboko na amba ti ala na popo ti ala pepe; amara ti asandaga tongaso laa anzere na be ti Nzapa.

Jacques 2:5

A-ita ti mbi so mbi ye ala mingi, ala ma mbi si: Nzapa asoro azo so azo ti dunia so abaa ala tongana awayere titene ala ga azo ti mosoro na lege ti mabe si *Kodro-gbia so Nzapa amu zendo ni aga ti ala. Biani, lo mu zendo ni na azo so aye lo!

1 Pierre 3:11

lo zia ti sara sioni ye si lo sara nzoni ye; lo gi lege ti siriri, lo ngba daa.

1 Jean 3:17

Tongana mbeni zo ayeke na amosoro ti dunia so, lo baa mbeni ita ti lo so ye atia lo si lo ke ti sara nzoni na ita ti lo ni, fade lo yeke tene, ni ye Nzapa biani laa?

3 Jean 1:11

Ita ti mbi so mbi ye mo mingi, mo mu peko ti sioni ye pepe, me mo mu peko ti nzoni ye. Zo so asara nzoni ye, andaa lo yeke zo ti Nzapa; zo so asara sioni ye, andaa lo hinga Nzapa pepe.