1 Timothée 6:11 - Mbeti ti Nzapa - Tënë so amu fini

¹¹ Ti mo zo ti Nzapa, mo kpe lege ti aye so kue. Mo gi lege ti ga mbirimbiri na le ti Nzapa, ti gbu tënë ti lo ngangu, ti duti na mabe, ti duti na ndoye, ti kanga be ti mo na ya ti aye so ayeke si na mo, ti duti nga na wokongo be.

1 Timothée 6:11 ပူးပေါင်းရင်းမြစ်များ

1 Agbia 13:1

Andaa mbeni zo ti Nzapa alondo na sese ti Juda aga na Betel alingbi na yanga so *KOTA GBIA amu. Na ndembe ni so, Yeroboam angba ti gbi sandaga na ndö ti gbalaka.

1 Agbia 13:26

Wayanga-Nzapa so lani amu zo ti Nzapa na Juda si akiri na lo na Betel, so lo ma tënë ni, lo tene: “Zo ti Nzapa so laa! Lo ke ti ma yanga ti KOTA GBIA, nilaa KOTA GBIA azia lo na maboko ti bamara; bamara ni agbu lo si afâ lo, alingbi na tënë so KOTA GBIA atene na lo.”

1 Agbia 17:18

Mama ti molenge ni atene na Élie: “Zo ti Nzapa, ti mo na mbi nyen? Mo ga na da ti mbi ti kiri ti fa na Nzapa peko ti asioni ye so mbi sara? Mo ga nga ti sara titene molenge ti mbi akui?”

1 Agbia 17:24

Wali ni atene na Élie: “Biani, fadeso mbi hinga, mbi tene, mo yeke zo ti Nzapa; tënë ti KOTA GBIA so ayeke na yanga ti mo ayeke taa-tënë.”

1 Agbia 20:28

Wayanga-Nzapa akiri aga abaa Akab, gbia ti Israel, lo tene: “Tënë so KOTA GBIA atene ayeke so: ‘Ndali ti so azo ti Sirii atene mbi KOTA GBIA, mbi yeke Nzapa ti ahoto, me Nzapa ti kpangbara sese pepe, fade mbi yeke zia gba ti azo so na maboko ti mo. Tongaso si ala azo ti Israel, ala hinga atene, mbi yeke KOTA GBIA.’ ”

2 Agbia 1:13

Ti fani ota ni, Ahazia akiri atokua mbeni makonzi so ayeke na li ti aturugu baleoku na aturugu ti lo baleoku ti gbu Élie. Makonzi ni na aturugu ti lo ague na li ti hoto ni. So lo si na tere ti Élie, lo kuku na sese na gbe ti Élie, lo voro lo, lo tene: “Zo ti Nzapa, mbi gbu gere ti mo, bata fini ti mbi na ti aturugu baleoku so ayeke azo ti kua ti mo!

2 Agbia 1:9

Gbia atokua mbeni makonzi ti aturugu so lo yeke na li ti aturugu baleoku na aturugu ti lo baleoku ti gbu Élie. Ala gue na li ti hoto si ala wara Élie so ayeke duti kâ. Makonzi ti aturugu ni atene na lo: “Zo ti Nzapa, gbia amu yanga, atene: Mo zu!”

2 Agbia 23:17

Yosias ahunda, atene: “Sende ti kuâ wa laa mbi yeke baa so?” Azo ti gbata ni akiri tënë na lo, atene: “Du ti kuâ ti wayanga-Nzapa so alondo na Juda aga so laa. Lo laa lo tene tënë ti aye so kue mo sara na gbalaka ti Betel so.”

2 Agbia 5:20

Gehazi, zo ti kua ti Élisée, zo ti Nzapa atene na be ti lo: “Wa ti mbi ake ti mu akadoo so Naaman, zo ti Sirii aga na ni na lo. KOTA GBIA ayeke na fini! Mbi yeke mu loro na peko ti lo titene mbi wara mbeni ye na maboko ti lo!”

1 Mbai 23:14

Ti Moïse, lo yeke zo ti Nzapa; me a diko amolenge ti lo tongana asenge zo na popo ti azo ti mara ti Lévi.

2 Mbai 8:14

Salomon asara ye alingbi na ye so babâ ti lo David amu yanga na lo ti sara: lo zia awayango-sandaga na yanga ti kua ti ala; lo zia nga azo ti mara ti Lévi na yanga ti kua ti ala titene ala yeke he bia ti sepela KOTA GBIA nga ti sara kua na ya ti lango oko oko na tere ti awayango-sandaga. Lo zia azo ti batango ayanga ti gbagba na lege ti bongbi ti ala oko oko titene ala bata ayanga ti gbagba oko oko kue. Yanga so David, zo ti Nzapa amu laa.

Néhémie 12:24

Amakonzi ti azo ti mara ti Lévi Hashabia, Sherebia na Yeshua, molenge ti Kadmiel aluti abaa le na ambeni zo ti mara ti Lévi, ala yeke sepela Nzapa si ala yeke gonda lo, tongana ayeke ngoi ti ala ti sarango kua na ya ti kota da ti Nzapa. Amakonzi ni asara ye alingbi na yanga so David, zo ti Nzapa amu.

Néhémie 12:36

Zakarii na a-ita ti lo Shemaya, Azarel, Milalai, Gilalai, Maai, Nataneel, Yehuda na Hanani ayeke tambula na peko ti ala. Ala yo agbakuru ti mozoko so David, zo ti Nzapa aleke ni. Esdras, wafango-ndia ayeke na li ti kozo bongbi ti azo ti hengo bia ni.

Abia (Psaumes) 34:14

Alingbi mo bata yanga ti mo na sioni tënë, mo bata yanga ti mo na atënë ti mvene.

Abia (Psaumes) 38:20

Awato ti mbi angba na fini, ala yeke na ngangu; azo so ake mbi senge senge, ala yeke mingi.

Amato 15:9

Be ti KOTA GBIA ake mingi lege ti sarango ye ti azo ti sioni; me lo ye azo so ayeke gi lege ti sara ye ti mbirimbiri.

Ésaïe 51:1

*KOTA GBIA atene: “Ala so ayeke gi titene a soo ala, ala so ayeke gi mbi, ala ma mbi si! Ala baa kota têne so a de tere ni si a sara na ala; ala gbu li ti ala na ndö ti du ti têne so a gboto ala na ya ni si a sigigi na ala.

Jérémie 35:4

Mbi ga na ala na ya ti kota da ti KOTA GBIA, na ya ti kota kubu ni so adisiple ti Hanan ayeke duti daa; Hanan ayeke taa zo ti Nzapa, lo yeke molenge ti Igdalia. Kota kubu ni ayeke nduru na tere ti kota ya ti da ti amakonzi si ayeke na nduzu, na ndo so kota kubu ti Maaseya ayeke daa; Maaseya ayeke molenge ti Shalum, wayango-sandaga so ayeke bata yanga ti kota da ti Nzapa.

Rome 14:19

Tongaso, alingbi e gi ye so ayeke ga na siriri si e oko oko kue, e kpengba na lege ti mabe.

1 Korente 10:14

Ndani laa, a-ita ti mbi so mbi ye ala mingi, ala kpe lege ti vorongo anzapa nde!

1 Korente 14:1

Ala gi lege ngangu ti ye amba ti ala. Ala sara nga nzara ti wara amatabisi ti Yingo, me matabisi so ala lingbi ti gi lege ni mingi ayeke tenengo peko ti tënë ti yanga ti Nzapa.

1 Korente 6:18

Ala kpe lege ti gingo wali wala gingo koli kirikiri! Atanga ti siokpari so kue zo ayeke sara ayeke ndu tere ti lo wani pepe; me zo so agi wali wala koli kirikiri, andaa lo sara sioni na tere ti lo wani.

Ndia ti fani use ni 16:20

Fade ala yeke sara ngangu kue ti fâ ngbanga mbirimbiri; tongaso si ala lingbi ti ngba na fini si ala mu sese so KOTA GBIA Nzapa ti ala amu na ala titene aga ti ala.

Ndia ti fani use ni 33:1

So ayeke tufa so Moïse, zo ti Nzapa, asara na ndö ti azo ti Israel kozo titene lo kui laa.

1 Timothée 1:14

Kota Gbia ti e Christ Jésus asara nzoni be na mbi ahon ndoni: lo mu na mbi mabe na ndoye so aga na lege so mbi ga oko na Jésus Christ.

1 Timothée 4:12

Mo zia mbeni zo abaa mo tongana molenge pepe; me mo ga tapande ti azo so ama na be na lege ti tenengo tënë ti mo, sarango ye ti mo, ndoye ti mo, mabe ti mo na vurungo be ti mo.

1 Timothée 5:10

Alingbi azo ahinga lo ndali ti nzoni sarango ye ti lo: lo bata amolenge ti lo nzoni, lo yamba azo so aga na da ti lo nzoni, lo sukula gere ti azo ti Nzapa, lo mu maboko na azo so ayeke na ya ti pasi si lo mu ngangu ti lo ti sara anzoni ye nde nde.

1 Timothée 6:20

Timothée, mo bata ye so Nzapa azia na maboko ti mo so nzoni. Mo kpe lege ti asenge senge tënë so asongo na mabe pepe, mo kpe nga lege ti atënë ti mvene ti azo so abaa ti ala atene, ala hinga aye ti nda ti gigi so.

2 Timothée 2:21

Zo so azia lege ti sarango aye ti sioni so mbi yeke tene tënë ni so, fade lo yeke ga tongana sembe so a bata ni ndali ti alango ti matanga, lo yeke ga tongana sembe so a zia ni nde titene wa ni asara na kua na ndembe so lo ye ti sara nzoni ye kue.

2 Timothée 2:22

Mo kpe aye nde nde so nzara ni ayeke gbu ka amaseka. Mo sara kue ti ga mbirimbiri na le ti Nzapa, ti duti na mabe, na ndoye nga na siriri na azo so ayeke sambela Kota Gbia na vurungo be.

2 Timothée 3:10

Me ti mo, mo mu lani peko ti mbi na lege ti aye so: fango ye ti mbi, dutingo ti mbi, aye so mbi leke na be ti mbi ti sarango ni, mabe ti mbi, kangango be ti mbi ti ku ye, ndoye ti mbi, kangango be ti mbi

2 Timothée 3:17

si zo ti Nzapa akpengba, lo wara anzoni ye so kue alingbi titene lo sara na nzoni kua.

Ahebro 12:14

Ala gi lege ngangu ti duti na siriri na azo kue, ala gi nga lege ngangu titene fini ti ala aduti nde si aduti nzoni kue. Tongaso pepe, fade zo oko alingbi ti baa *Kota Gbia pepe.

1 Pierre 3:11

lo zia ti sara sioni ye si lo sara nzoni ye; lo gi lege ti siriri, lo ngba daa.

1 Samuel 2:27

Mbeni zo ti kua ti Nzapa aga awara Heli si atene na lo: “Tënë so *KOTA GBIA atene ayeke so: Na ngoi so akotara ti mo ayeke ando angbaa ti gbia Faraon na Ezipte, mbi sara si ala hinga mbi mbirimbiri.

1 Samuel 9:6

Zo ti kua ni atene na lo: “Mbeni zo ti Nzapa ayeke na ya ti gbata so. Azo ane lo mingi; tënë so kue lo yeke tene, ye ni ayeke si biani. E gue, e baa lo si. E hinga pepe, fade lo yeke fa na e lege so e lingbi ti mu ni.”