1 Timothée 6:10 - Mbeti ti Nzapa - Tënë so amu fini

¹⁰ Aye ti sioni kue alondo gi na lege ti sarango nzara ti nginza. Nzara ti nginza asara si ambeni zo azia lege ti mabe yongoro si ala tambula kirikiri, ala wani asara pasi na be ti ala mingi si ala duti na siriri pepe.

1 Timothée 6:10 ပူးပေါင်းရင်းမြစ်များ

Tongo nda ti aye 29:14

Na pekoni, Laban atene na lo: “Taa-tënë, mo yeke zo ti sewa ti mbi, mo yeke taa mene ti mbi.” Jacob asara nze oko na ndo ti Laban.

Tongo nda ti aye 29:26

Laban akiri tënë na lo, atene: “Na ndo ti e, na lege ti sarango ye ti e, a yeke mu ka ngambe molenge na koli kozo ti yaya ti lo pepe.

Tongo nda ti aye 34:27

Tanga ti amolenge ti Jacob atuku na ndö ti akuâ ni si ala anzi aye so kue ayeke na gbata ni, ngbanga ti so a sara ye ti kamene na ita ti ala ti wali.

Tongo nda ti aye 38:16

Juda ahinga ti lo atene so wali ti molenge ti lo pepe, lo gue na mbage ti lo na tere ti lege si lo tene na lo: “Mo ga, mbi ye ti duti na mo.” Wali ni ahunda lo, atene: “Nyen laa mo yeke mu na mbi titene mo duti na mbi?”

1 Agbia 2:40

Tongaso lo londo, lo leke lele ti lo si lo gue na Gat, na ndo ti Akish ti gi angbaa ti lo. Lo mu ala si lo kiri na ala na Jérusalem.

2 Agbia 5:27

Biani, fade buruma ti Naaman ayeke ga ti ngba na tere ti mo nga na tere ti *ahale ti mo kpu na kpu!” So Gehazi azia Élisée ti gue, buruma amu tere ti lo si poro ti tere ti lo avuru vurungo tongana tukia.

Abia (Psaumes) 32:10

Pasi ti sioni zo ayeke mingi, me zo so azia be ti lo na ndö ti KOTA GBIA, nzoni be ti KOTA GBIA ayeke ngoro lo kue.

Abia (Psaumes) 62:10

Biani, akete zo ayeke gi pupu senge; akota zo ayeke tene gi mvene senge. Tongana a zia ala kue na ndö ti kilo, fade nengo ti pupu ayeke hon nengo ti ala.

Amato 1:19

Biani, azo so ayeke wara ye na lege ti nzi, baa ye so ayeke ku ala laa: a yeke zi fini ti ala.

Amato 1:31

Fade ala yeke ko lengo ti sarango ye ti ala; apialo ti ala ayeke fun sen na hon ti ala.

Amato 15:27

Zo so ayeke wara mosoro na legeni pepe, lo yeke ga na kpale na ya ti sewa ti lo. Me zo so ake tënë ti petengo goro, lo yeke ngba na fini.

Zo ti bongbingo azo 2:19

Zo ni so ayeke ande zo ti ndara wala zo ti buba; e hinga? Me akua so kue mbi baa pasi na sarango ni, akua so mbi sara na ndara na ndö ti sese so, fade ayeke ga ye ti lo. Ye so nga ayeke gi senge senge.

Ésaïe 1:23

Amakonzi ti mo ayeke azo ti ngangu li, ala yeke sara songo na azo ti nzi. Ala kue aye tënë ti goro, ala yeke kpe na peko ti aye so azo ayeke mu na ala na hondengo ni; ala yeke fâ ngbanga ti nyindu na legeni pepe, tënë ti wali-mua ayeke gbu be ti ala pepe.

Ésaïe 56:11

Ala yeke nga ambo so ayeke gbongo ti kobe, ya ti ala ayeke si ka laoko pepe. Andaa ala laa ayeke azo ti batango azo ti mbi, me ala hinga nda ti ye oko pepe; ala kue ayeke sara gi ye so anzere na be ti ala, zo oko oko ayeke gi gi nzoni ti lo wani.

Ezekiel 13:19

Ala bi buba na tere ti mbi na le ti azo ti mbi ndali ti kete le ti *orze nga ndali ti nduru mapa. Ala yeke tene mvene na azo ti mbi so ayeda ti ma atënë ti mvene ti ala, awali ni. Tongaso ala yeke fâ azo so alingbi na kuâ pepe si ala yeke bata azo so alingbi na kuâ.

Ezekiel 16:33

Awali-ndumba kue ayeke wara futa; me ti mo, mo laa mo mu kadoo na andeko ti mo kue. Mo futa ala titene ala londo na ando nde nde aga ti lango na mo.

Ezekiel 22:12

Na ndo ti mo, azo ayeke mu goro titene ala tuku mene. Ala sara boon ti nginza na amba ti ala si na pekoni, ala yeke hunda gba ti nginza na ndö ni; ala yeke te aye ti amba ti ala na ngangu. Ti mbi, be ti ala agirisa na mbi biani biani; so tënë ti yanga ti Kota Gbia NZAPA laa.

Mishe 3:11

Amakonzi ti agbata ni ayeke fâ ngbanga gi ndali ti warango goro; awayango-sandaga ti ala ayeke fa ye gi ti wara ye na pekoni; awayanga-Nzapa ti ala ayeke fa ye so ayeke si gi ndali ti warango nginza. Na ndö ni kue, ala yeke luti na ndö ti *KOTA GBIA si ala tene: “KOTA GBIA ayeke na popo ti e pepe? Fade ye ti sioni alingbi ti si na e pepe.”

Malashii 1:10

Tongana mbeni zo na popo ti ala alondo fade akanga ayanga ti kota da ti mbi titene ala ngba ti tingo wâ na ndö ti gbalaka ti mbi senge senge pepe, ka ayeke nzoni mingi! Biani, be ti mbi anzere na ala pepe. Tënë so KOTA GBIA so ayeke na ndö ti dunia kue atene laa. Aye ti ala so ala yeke ga na ni na mbi na sandaga so, anzere na be ti mbi pepe.

Matthieu 13:22

Ambeni zo ayeke tongana sese so aki ayeke daa si ale ti kobe atuku daa: ala ma tënë ni, me gingo be ti ala na ndö ti aye ti sese so na nzara ti mosoro akanga ndö ti tënë ni si ale pepe.

Matthieu 23:13

“Mawa na ala, awafango-ndia, ala na *afarizien! Tënë ti yanga ti ala ayeke nde na sarango ye ti ala! Ala kanga lege ti *Kodro-gbia ti yayu na azo. Ala wani aye ti li na ya ti Kodro-gbia ti yayu ni pepe, me ala yeke kanga lege ni na azo so aye ti li daa. [

Matthieu 6:19

“Ala bongbi mosoro na ndö ti dunia so pepe! Na ndö ti dunia so, akangi na *soko ayeke buba ni, azo ti nzi ayeke kungbi yanga ti da ti nzi ni.

Marc 4:19

me be ti ala agi ala mingi na ndö ti aye ti dunia so; amosoro ahanda ala, nzara ti aye kue asara ala. Aye so kue akanga ndö ti tënë ni si ale pepe.

Ndia ti fani use ni 16:19

Ala buba ya ti ngbanga pepe! Tongana ala yeke fâ ngbanga, alingbi ala mu mbage ti mbeni zo pepe; ala yeda titene azo apete na ala goro pepe, ngbanga ti so goro ayeke vuko le ti zo ti ndara si ayeke buba ya ti tënë ti zo ti mbirimbiri.

Ndia ti fani use ni 23:18

Moïse atene: Alingbi mbeni wali wala mbeni koli ti Israel asara ye ti ndumba ndali ti anzapa nde pepe.

Kolose 3:5

Tongaso, ala zi anzara ti sarango asioni ye ti dunia so na be ti ala: sarango ye ti ndumba, sarango ye ti kamene, nzara ti tere, nzara ti sarango asioni ye nga na kota nzara ti warango ye; so ayeke mbeni lege ti vorongo anzapa nde.

1 Timothée 3:3

lo yeke ngbaa ti samba pepe, lo yeke zo ti tiri pepe, me lo yeke zo ti nzoni be, lo yeke sara ngangu na amba ti lo pepe; nzara ti nginza ahon ndö ti lo pepe;

1 Timothée 6:21

Ambeni zo ayeda na atënë ni so si ala zia lege ti mabe. Ayeke nzoni Nzapa asara nzoni be na ala!

1 Timothée 6:9

Me ti azo so aye ti wara mosoro mingi, mosoro ni ahanda ala si ala ti. Nzara ti abuba ye nde nde ti sioni agbu ala tongana gbanda. Aye ni so ayeke buba azo si ayeke gue na ala na kuâ.

2 Timothée 3:2

Azo ayeke ga azo ti kion, nzara ti nginza ayeke hon ndö ti ala, ala yeke pika kate ti ala si ala yeke gonda tere ti ala; ala yeke zonga Nzapa si ala yeke sara ngangu li na ababâ na amama ti ala. Ala yeke hinga anzoni ye so a sara na ala pepe si ala yeke kpe ye ti Nzapa oko pepe.

2 Timothée 4:10

Demas azia mbi, ahon awe, ngbanga ti so nzara ti aye ti gigi so agbu lo; lo gue na Tesalonike. Kresan ague na Galasii, Tite ague na Dalmasii.

Tite 1:11

Alingbi mo kanga yanga ti ala, ngbanga ti so ala sara si mabe ti azo kue na ya ti ambeni sewa ati. Ala ye ti gi nginza na lege ti sioni, nilaa ala yeke fa tënë so zo alingbi fade ti fa pepe.

Jacques 5:19

A-ita ti mbi, tongana mbeni zo na popo ti ala agirisa lege ti taa-tënë, mbeni mba ti lo alingbi ti kiri na lo daa.

Josué 7:21

Na ya ti aye so e gbu na peko ti bira ni, mbi baa mbeni kota bongo ti zo ti kodro ti Shinear, so ayeke pendere ahon ndoni, na ale ti nginza ngbangbo use, na mbeni ngbongboro lôro so nengo ni ayeke ndambo ti kilo oko. Mbi sara nzara ni si mbi mu ni. Mbi honde ni na gbe ti sese, na ya ti da ti mbi ti bongo si mbi zia wen ti nginza ni na gbe ni.”

Jude 1:11

Mawa na azo ni so! Ala mu peko ti Kain. Ndali ti nginza, ala girisa lege tongana Balaam; ala kui, ngbanga ti so ala sara ngangu li tongana azo ti Kore.

Aye so Nzapa afa 18:13

anzoni ye nde nde ti tongo na kobe, amara ti yombo nde nde, *mire, dukani, vin, mafuta, farini, *ble, abagara, ataba, ambarata, apusu ti mbarata, angbaa na azo so a gbu ala na ya ti bira.