1 Timothée 6:1 - Mbeti ti Nzapa - Tënë so amu fini

¹ Azo so kue ayeke na gbe ti ngbaa, alingbi ala kpe awa ti ala mingi, tongaso si mbeni zo awara lege ti zonga iri ti Nzapa wala fango ye ti e pepe.

1 Timothée 6:1 ပူးပေါင်းရင်းမြစ်များ

Tongo nda ti aye 16:9

Ange ti KOTA GBIA atene na lo: “Kiri na tere ti wa ti mo, mo sara tere ti mo kete na gbe ti lo.

Tongo nda ti aye 24:12

Lo sambela Nzapa, lo tene: “KOTA GBIA, Nzapa ti wa ti mbi Abraham, sara si laso mbi wara ye so mbi ga ti gi ni so. Sara nzoni na wa ti mbi Abraham!

Tongo nda ti aye 24:2

Abraham atene na zo ti kua ti lo so aninga ahon atanga ni kue si lo yeke baa lege ti aye ti Abraham kue so, atene: “Zia maboko ti mo na gbe ti ngbonda ti mbi

Tongo nda ti aye 24:27

lo tene: “Mbi mu singila na KOTA GBIA, Nzapa ti wa ti mbi Abraham, ndali ti so lo zia wa ti mbi pepe, lo ngba lakue ti sara nzoni, ti bata tënë ti lo na wa ti mbi. KOTA GBIA afa lege na mbi ngbii, mbi si na da ti a-ita ti wa ti mbi.”

2 Samuel 12:14

Me ye oko, mo bi buba na tere ti KOTA GBIA, nilaa molenge so a du lo na mo so ayeke kui.”

2 Agbia 5:13

Azo ti kua ti lo aga nduru na tere ti lo si ala tene na lo: “Kota zo, tongana wayanga-Nzapa ahunda fade na mo ti sara mbeni ye ti ngangu, ka mo sara ni pepe? So lo tene na mo: ‘Mo sukula tere ti mo si fade tere ti mo aga *nzoni so, mo ke ngbanga ti nyen?’ ”

Néhémie 9:5

Na pekoni, azo ti mara ti Lévi Yeshua, Kadmiel, Bani, Hashabeneya, Sherebia, Hodia, Shebania na Petahia atene na azo ni, atene: “Ala londo! Ala mu singila na KOTA GBIA Nzapa ti ala lakue lakue, kpu na kpu!” “*KOTA GBIA, ayeke nzoni zo oko oko amu singila na mo, ngbanga ti so iri ti mo alingbi na gonda! Iri ti mo ayeke kota ahon tënë so kue zo alingbi ti tene ti mu singila na mo nga ti sepela mo!

Ésaïe 47:6

Mbi sara lani ngonzo na tere ti azo ti mbi. Tongaso mbi zia kamene na le ti azo so ayeke ti mbi si mbi zia ala na maboko ti mo. Me mo baa mawa ti ala oko pepe, mo sara si komandema ti mo ane tongana *zuge na ndö ti ambakoro.

Ésaïe 52:5

Fadeso, nyen laa mbi yeke wara na peko ni, nyen? A mu azo ti mbi a gue na ala na ngbaa, a futa mbeni ye pepe. Azo so asara komandema na ndö ti ala adekongo ti songo benda – so tënë ti yanga ti KOTA GBIA laa. Lakue, ala yeke zonga iri ti mbi.

Ésaïe 58:6

Kengo kobe so mbi ye ayeke so: ti zi zingiri na tere ti azo so a kanga ala na mbana, ti zi ala na gbe ti nengo kungba, ti zi azo so amba ti ala asara ngangu na ala, ti fâ ya ti *zuge kue,

Ezekiel 36:20

Andaa, na popo ti amara so ala gue daa, ala buba iri ti mbi so ayeke nde si ayeke nzoni kue. Biani, azo atene tënë ti ala, atene: ‘So azo ti KOTA GBIA laa; kodro ti lo laa ala do azia!’

Ezekiel 36:23

Kota iri ti mbi so ala buba na popo ti amara nde, iri ti mbi so ala buba ni na popo ti ala so, fade mbi yeke fa na amara nde so iri ni ayeke nde si ayeke nzoni kue; mbi yeke fa ni na ala na lege ti ala, azo ti Israel. Tongaso, fade amara nde ni ayeke hinga atene, mbi laa mbi yeke KOTA GBIA. So tënë ti yanga ti Kota Gbia NZAPA laa.”

Malashii 1:6

Tënë so KOTA GBIA so ayeke na ndö ti dunia kue atene na ala, awayango-sandaga ayeke so: “Molenge-koli ayeke ne babâ ti lo, zo ti kua ayeke ne makonzi ti lo. Tongana mbi yeke Babâ ti ala, nengo mbi ni ayeke na ndo wa? Tongana mbi yeke Makonzi ti ala, kpengo mbeto ti mbi ni ayeke na ndo wa? Ti ala awayango-sandaga, ala yeke baa mbi tongana mbumbuse zo. Ala hunda mbi, atene: ‘E baa mo tongana mbumbuse zo tongana nyen?’

Matthieu 11:30

Biani, zuge ti mbi ayapu ti yongo ni, kungba ti mbi ane pepe.”

Matthieu 11:9

Nyen laa ala gue ti bango ni kâ? Mbeni wayanga-Nzapa? Mbi tene na ala taa-tënë: zo so ala gue ti baa lo so ayeke kota ahon wayanga-Nzapa!

Nzoni Tënë so Luc asu na mbeti 17:1

Jésus atene na adisiple ti lo: “Aye so ayeke gboto azo ti sara siokpari ayeke duti daa lakue. Me mawa na zo so ahanda amba ti lo ti sara siokpari ni!

Awatokua 10:22

Azo ni akiri tënë, atene: “Kapita Corneille laa atokua e. Lo yeke zo ti mbirimbiri, lo yeke kpe mbeto ti Nzapa si azuife kue ayeke tene nzoni tënë ti lo. Mbeni ange ti Nzapa ahunda na lo ti iri mo ti ga na da ti lo titene lo ma tënë so mo yeke tene na lo.”

Awatokua 10:7

Na pekoni, ange so atene tënë ni so ahon ti lo. Corneille airi azo ti kua ti lo use na mbeni turugu oko so agbu tënë ti Nzapa mingi si lo yeke na gbe ti lo aninga.

Awatokua 15:10

Fadeso, ngbanga ti nyen laa ala ye ti gi yanga ti Nzapa na ziango mbeni kungba na li ti adisiple, kungba so akotara ti e na e wani, e yo ni gbaa so?

Rome 2:24

Biani, Mbeti ti Nzapa atene: “Ndali ti ala azuife, azo ti amara nde ayeke zonga iri ti Nzapa.”

1 Korente 10:32

Na lege ti sarango ye ti ala, ala sara si mbeni zuife, wala mbeni zo ti mbeni mara nde, wala mbeni zo ti *Eglize ti Nzapa ati pepe.

Galasii 5:1

Christ azi e awe titene e sigigi na gbe ti ngbaa biani. Tongaso, ala luti ngangu! Ala yeda titene a kiri na ala na gbe ti ngbaa pepe!

Ndia ti fani use ni 28:48

fade ala yeke ga angbaa ti awato so KOTA GBIA ayeke tokua ala na tere ti ala. Nzara ti kobe na nzara ti ngu ayeke sara ala; bongo ayeke na ala pepe, ye kue ayeke tia ala. KOTA GBIA ayeke zia na go ti ala *zuge ti wen, ngbii ala hunzi kue.

1 Timothée 5:14

Ndani laa, mbi ye si awali-mua so angba maseka akiri amu koli, ala du amolenge, ala fa lege na azo ti da ti ala. Ala sara tongaso si awato ti e awara lege ti tene sioni tënë na tere ti e pepe.

Tite 2:5

ti sara ye ahon ndoni pepe, me na legeni, ti bata li ti ala nzoni, ti duti anzoni wali ti da, ti duti na nzerengo be, ti ma yanga ti akoli ti ala. Tongaso, fade mbeni zo ayeke zonga tënë ti Nzapa pepe.

1 Pierre 2:12

Alingbi dutingo ti ala na popo ti azo ti amara nde ayeke nzoni. Tongaso, ataa so azo ni ayeke bi tënë na li ti ala atene, ala yeke azo ti sarango sioni, azo ni abaa nzoni sarango ye ti ala si ala gonda Nzapa na ndembe so lo yeke ga.

1 Pierre 3:16

Ala kiri tënë na azo ni na ngangu pepe, ala ne azo ni. Alingbi mbeni sioni ye oko aduti na be ti ala pepe. Tongaso, taa ye so azo ayeke bi tënë na li ti ala senge senge ndali ni, kamene ayeke gbu azo so atene sioni tënë na tere ti ala ndali ti nzoni dutingo ti ala oko na Christ.