1 Timothée 5:8 - Mbeti ti Nzapa - Tënë so amu fini

⁸ Tongana mbeni zo abata azo ti lo na legeni pepe si lo hinga ti bata taa azo ti sewa ti lo na legeni pepe, lo zia lege ti mabe awe. Sioni ti lo ahon sioni ti azo so ake ti ma na be.

1 Timothée 5:8 ပူးပေါင်းရင်းမြစ်များ

Tongo nda ti aye 30:30

Kozoni si mbi ga, aye ti mo awu mingi pepe. Ngbene ye so mbi si na ndo ti mo, aye ni awu ahon ndoni si KOTA GBIA asara tufa na ndö ti mo. Me lawa laa mbi nga, mbi yeke sara kua ndali ti azo ti da ti mbi?”

Ésaïe 58:7

ti kangbi kobe ti mo na zo so nzara ayeke sara lo, ti mu ndo ti lango na azo ti mawa so da ti li ti ala ayeke daa pepe, ti mu bongo na azo so bongo atia ala; ayeke nga titene mo zia peko ti mo pepe na taa ita ti mo.”

Matthieu 18:17

Tongana lo ke ti ma ala, mo fa peko ti tënë ni na azo ti *Eglize. Tongana lo ke ti ma azo ti Eglize, mo baa lo tongana zo so ahinga Nzapa pepe, wala tongana zo ti rongo nginza ti lapo.

Matthieu 7:11

Ala so ayeke asioni zo, ala hinga ti mu anzoni ye na amolenge ti ala. Babâ ti ala so ayeke na yayu alingbi biani ti mu anzoni ye na azo so ahunda ni na lo!

Jean 15:22

Tongana mbi ga fade pepe si mbi tene tënë na azo ni pepe, ka siokpari ayeke na li ti ala pepe. Me fadeso, ala yeke na mbeni tënë ti kiri na ni pepe ndali ti siokpari ti ala.

1 Korente 6:6

Mbeni zo ti Christ ague na mba ti lo na ngbanga, lo gue na lo na gbe ti azo so ama na be pepe!

2 Korente 12:14

Fadeso, mbi leke tere ti mbi ti gue na ndo ti ala kâ ti fani ota ni. Mbi yeke ga ande tongana kungba na ndö ti ala pepe, ngbanga ti so mbi yeke gi anzoni ye ti ala pepe, me ala wani laa mbi yeke gi ala. Kua ti amolenge ayeke ti gi ye pepe ti bata na babâ na mama ti ala, me babâ na mama laa ayeke gi ye ti bata na amolenge ti ala.

2 Korente 6:15

Christ na Zabolo alingbi ti ma tere? Zo so ama na be na zo so ama na be pepe, nyen laa abongbi ala, nyen?

Galasii 6:10

Tongaso, na ya ti ngoi so angba na e, e sara nzoni na azo kue, mbirimbiri na azo so, e na ala e ga sewa oko na lege ti mabe.

2 Timothée 2:12

tongana e gbu ngangu, fade e na lo kue, e yeke le-gbia; tongana e bere tënë ti lo, fade lo nga, lo yeke bere tënë ti e;

2 Timothée 3:5

ala yeke sara ye, mo baa mo tene, ala yeke azo so agbu tënë ti Nzapa mingi, andaa ala zia lege ti ngangu ti mabe awe. Mara ti azo tongaso, ayeke nzoni mo zia lege ti ala.

Tite 1:16

Ala tene na yanga ti ala atene, ala hinga Nzapa, me ye so ala yeke sara afa so, ala bere tënë ti lo awe. Ala yeke azo so sioni ti ala ahon ndoni, azo ti ngangu li, ala lingbi ti sara nzoni ye oko pepe.

2 Pierre 2:1

Ando, awayanga-Nzapa ti mvene ayeke na popo ti azo ti Israel. Legeoko nga, fade ambeni wafango-ye ti mvene ayeke duti na popo ti ala, a-ita. Na lege ti mayere, azo ni so ayeke ga na ambeni fango ye ti mvene so ayeke gue na zo na kuâ. Azo ni so ayeke gue ngbii ti ke tënë ti Gbia so asoo ala; sarango ye ti ala ayeke bi ala gi hio tongaso na ya ti kpale so ayeke mingo ala.

Jude 1:4

Biani, ambeni zo ti sioni ali na popo ti ala na hondengo ni; azo ni ayeke buba ya ti tënë ti nzoni be ti Nzapa ti e ti mu lege na ala wani ti sara aye ti potopoto ti ala. Ala ke tënë ti Jésus Christ, lo so lo yeke oko Makonzi ti e na *Kota Gbia ti e. Mbeti ti Nzapa atene tënë ti ngbanga so a fâ na li ti azo ni, ngbene ye aninga awe.

Aye so Nzapa afa 2:13

Mbi hinga ndo so mo yeke duti daa: ayeke ndo so Satan azia mbata ti lo ti gbia daa, me mo ngba na tere ti mbi; be ti mo so mo zia na ndö ti mbi, mo zia lege ni pepe, ataa na ndembe so a fâ Antipas, lo so lo fa tënë na ndö ti mbi na legeni, na ndo so Satan azia mbata ti lo ti gbia daa.

Aye so Nzapa afa 3:8

Lo tene: Mbi hinga aye so mo yeke sara. Mbi zi mbeni yanga ti da na dawa ti mo so mbeni zo alingbi ti kanga ni pepe. Mo yeke na ngangu mingi pepe, me mo sara ye alingbi na tënë ti mbi si mo bere tënë ti mbi pepe.