1 Timothée 5:6 - Mbeti ti Nzapa - Tënë so amu fini

⁶ Me wali-mua so be ti lo ayeke na ndö ti anzerengo ye ti dunia so, lo kui awe, ataa so lo ngba na fini.

1 Timothée 5:6 ပူးပေါင်းရင်းမြစ်များ

Tongo nda ti aye 2:17

Me le ti keke ti hingango nzoni na sioni so, mo te ni pepe, ngbanga ti so na lango so mo yeke te ni, mo yeke kui biani.”

Amato 29:21

Zo ti kua ti mo so mo sara nzoni na lo ahon ndoni, ti londo na ngoi so lo ngba molenge ngbii si lo ga kota zo, mbeni lâ, lo yeke baa akungba so mo yeke na ni tongana ye so ayeke ga ande ti lo.

Ésaïe 22:13

Andaa ala yeke dodo, ala yeke sara ngia: ala fâ abagara, ala fâ ataba, ala te nyama, ala nyon vin. Ala tene: “E te, e nyon, ngbanga ti so kekereke, e yeke kui.”

Ésaïe 47:1

*KOTA GBIA atene: “Babilone, pendere gbata, mo zu, mo duti na ya ti fuku ti sese; kua ti mo ti gbia-wali ahunzi awe! Gbata ti azo ti Babilone, mo duti taa na sese, ngbanga ti so a yeke kiri ti iri mo pepe: ‘Babilone, wali so maboko ti lo ayeke ndu ye oko pepe’, ‘Babilone, *wali-ndomo’.

Jérémie 6:2

Mo *Sion, mo yeke tongana pendere maseka-wali, mo *wali-ndomo, mbi sara si yanga ti mo akanga awe.

Abia ti demango tere 4:5

Azo so ayeke te lani gi anzoni kobe so, fadeso ala yeke kui kirikiri na ndö ti alege. Azo so a bata ala lani tongana amolenge ti gbia so, fadeso ala si ayeke gi akobe na ya ti azende.

Matthieu 8:22

Jésus akiri tënë na lo: “Mu peko ti mbi; zia akuâ alu akuâ ti ala.”

Nzoni Tënë so Luc asu na mbeti 12:19

Tongaso, fade mbi yeke tene na mbi wani, mbi tene: Baa, mo yeke na aye mingi so alingbi na mo ndali ti ngu mingi; mo wu tere ti mo, mo te, mo nyon, mo sara ngia!’

Nzoni Tënë so Luc asu na mbeti 15:13

Lango kete na pekoni, ngambe ni aka aye ti lo kue si lo mu lege, lo gue na mbeni kodro yongoro. Kâ, lo buba aye ti lo kue na sarango aye ti kirikiri.

Nzoni Tënë so Luc asu na mbeti 15:24

ngbanga ti so molenge ti mbi so ala baa lo so, lo kui si lo zingo na kuâ; lo girisa si mbi wara lo.’ Ala to nda ti sarango matanga ni.

Nzoni Tënë so Luc asu na mbeti 15:32

Me ayeke fade nzoni titene e sara matanga, e sara ngia, ngbanga ti so ita ti mo so akui awe si lo kiri na fini; lo girisa si e kiri e wara lo.’ ”

Nzoni Tënë so Luc asu na mbeti 16:19

“Ando, mbeni zo ti mosoro ayeke daa so lo yeke yu gi apendere bongo ti nginza. Lo yeke duti nzoni si lakue na da ti lo, gi matanga na matanga.

Nzoni Tënë so Luc asu na mbeti 7:25

Nyen laa ala gue ti baa ni kâ? Ala gue ti baa mbeni zo so ayu pendere bongo? Azo so ayu apendere bongo si ala yeke te ti ala nzoni so, ala yeke duti ti ala na ya ti ada ti agbia!

Efeze 2:1

Ando na le ti Nzapa, ala yeke azo so akui awe ndali ti asioni ye na asiokpari so ala sara.

Efeze 2:5

Ataa so na le ti Nzapa e yeke ando azo so akui awe ngbanga ti sioni ti e, lo kiri lo mu na e fini legeoko na Christ. Ndali ti nzoni be ti Nzapa si ala soo kuâ.

Efeze 5:14

ngbanga ti so ye so a fa ni na gigi polele aga ye so ayeke na ya ti lumiere. Ndani laa, a tene: “Mo zingo, mo so mo yeke lango. Mo londo na popo ti akuâ, fade Christ aza lumiere ti lo na ndö ti mo.”

Ndia ti fani use ni 28:54

Koli so na popo ti ala, lo woko mingi si lo yeke sara ngangu kua pepe, fade lo yeke baa ita ti lo na sioni le, legeoko na wali so ayeke lango na kate ti lo nga na tanga ti amolenge ti lo so ayeke ngba na lo.

Ndia ti fani use ni 28:56

Wali so na popo ti ala, maboko ti lo ayeke ndu ye oko pepe si lo yeke *wali-ndomo, wali so gbe ti gere ti lo alingbi ti ndu sese pepe, ngbanga ti so maboko ti lo ayeke ndu ye oko pepe si lo yeke wali-ndomo, fade lo nga, lo yeke baa koli so ayeke lango na kate ti lo na sioni le, legeoko na molenge ti lo ti koli na ti wali;

Kolose 2:13

Ando, ala yeke azo so akui awe ndali ti asioni so ala sara nga ndali ti so ala fâ ganza ti tere pepe. Me fadeso, Nzapa akiri na ala na fini, ala na Christ. Lo zi asiokpari so ayeke na li ti e kue awe.

2 Timothée 3:6

Ambeni zo na popo ti ala ayeke li na ya ti ada, ala yeke wara ngangu ti ala na ndö ti awali so akpengba pepe, awali so siokpari ahon ndö ti ala si nzara ti asioni ye nde nde ayeke na be ti ala;

Jacques 5:5

Na sese so, ala duti na ya ti mosoro mingi si ala duti gi na ngia. Ala te ye, ala kono kirikiri tongana abagara so aku lango ti fango ala.

Aye so Nzapa afa 18:7

Ala sara pasi na lo, ala bi lo na ya ti aye ti vundu alingbi gi na gondango tere ti lo nga na kota nzara ti warango ye ti lo. Ala sara na lo aye ni so ndali ti so lo yeke tene na be ti lo, lo tene: ‘Mbi yeke gbia-wali, mbi so mbi duti ge so! Mbi yeke wali-mua pepe si mbi yeke sara mua laoko pepe.’

Aye so Nzapa afa 3:1

“Su mbeti so, mo tokua na *ange so ayeke na li ti *Eglize ti gbata ti Sarde: “Lo so lo yeke na ayingo ti Nzapa mbarambara na atongoro mbarambara, atene: mbi hinga aye so mo yeke sara. Azo abaa mo atene, mo yeke na fini, andaa mo kui awe.

1 Samuel 15:32

Na pekoni, Samuel atene: “Ala ga na mbi Agag, gbia ti Amalek.” Agag ni ayeke gue na tere ti Samuel, ngia na yanga ti lo. Lo yeke tene na be ti lo, lo tene: “Biani, ngoi ti mbeto ti kuâ ahon awe.”

1 Samuel 25:6

Ala tene na lo: ‘Ayeke nzoni ngu so aduti nzoni ngu na mo! Mo duti nzoni, asewa ti mo nga na aye ti mo kue aduti nzoni!