1 Timothée 5:5 - Mbeti ti Nzapa - Tënë so amu fini

⁵ Ti taa wali-mua so lo yeke duti gi lo oko, lo zia be ti lo ti ku Nzapa; lo sambela lakue bi na lâ titene Nzapa amu maboko na lo.

1 Timothée 5:5 ပူးပေါင်းရင်းမြစ်များ

Abia (Psaumes) 91:4

Lo yeke bata mo na gbe ti maboko ti lo, mo yeke honde tere ti mo na gbe ti maboko ti lo tongana ti so molenge ti ndeke ayeke honde tere ti lo na gbe ti maboko ti mama ti lo. Batango tënë ti yanga ti lo so lo yeke bata ayeke tongana vala na kazaka ti wen so ayeke bata mo.

Ésaïe 12:2

Baa, Nzapa, wasongo mbi laa; mbi zia be ti mbi na ndö ti lo, mbeto ayeke kiri ti sara mbi pepe. Biani, KOTA GBIA laa ayeke ngangu ti mbi, lo laa mbi yeke he bia na lo, lo laa lo soo mbi.”

Ésaïe 3:26

Na ya ti gbata ni kue, gi demango tere na totongo akuâ. Gbata ni aga tongana wali so aye ti lo kue agirisa si lo yeke duti na sese.

Ésaïe 49:21

Tongaso, fade mo yeke hunda tere ti mo, mo tene: ‘Amolenge so kue so, zo wa laa adu ala na mbi, zo wa? A gbanzi mbi lani na amolenge, mbi yeke wali ti dungo ni pepe, a gbu mbi lani, a gue na mbi na kodro wande, a zia gi mbi oko. Zo wa laa abata ala so, zo wa? Mbi ngba lani gi mbi oko, amolenge so, ala yeke lani na ndo wa?’ ”

Ésaïe 50:10

Mbeni zo ti kpengo mbeto ti *KOTA GBIA ayeke na popo ti ala? Alingbi lo ma yanga ti zo ti kua ti lo. Tongana mbeni zo ayeke tambula na ya ti vukongo ndo si lumiere oko ayeke daa pepe, alingbi lo zia be ti lo na ndö ti KOTA GBIA wani, lo luti na ndö ti Nzapa ti lo.

Ésaïe 54:1

Jérusalem, mo wali ti dungo ni pepe, dekongo na ngia! Mo so mo hinga lani songo ti dungo ni pepe, he bia na ngia, mo duti na ngia. Biani *KOTA GBIA atene na mo: “Mo wali so koli ado mo azia, fadeso, mo yeke na amolenge gbani ahon wali so angba na da ti koli.

Abia ti demango tere 1:13

Kâ na nduzu, KOTA GBIA atokua mbeni wâ; wâ ni ali na ya ti abio ti mbi. KOTA GBIA aleke mbeni gbanda ti gbu na gere ti mbi; gbanda ni agbu mbi, agboto mbi na peko. Mbi ga tongana wali so ye ahunzi na lo awe; lakue, tere ti mbi ayeke so gi songo.

Nzoni Tënë so Luc asu na mbeti 18:1

Jésus atene na ala mbeni toli ti fa na ala atene, ayeke nzoni ala sambela lakue, be ti ala awoko pepe.

Nzoni Tënë so Luc asu na mbeti 18:7

Azo so Nzapa asoro ala si ala yeke toto na lo bi na lâ so, fade lo yeke fâ ya ti ngbanga ti ala pepe? Fade lo yeke ku ngbii si lo mu maboko na ala?

Nzoni Tënë so Luc asu na mbeti 2:37

Na pekoni, lo ga wali-mua; lo yeke na ngu balemiombe na osio, lo ngba gi na ya ti kota da ti Nzapa; bi na lâ, lo yeke sara kua ti Nzapa, lo yeke ke kobe si lo yeke sambela.

Awatokua 26:7

Amara baleoko na use ti e azia be ti ala ti ku ti baa ye so Nzapa amu zendo ni, nilaa ala yeke sara kua ti Nzapa bi na lâ, ala woko na kua ni pepe. Mbi nga, gbia, mbi yeke ku ti baa ye ni so. Ye so azuife aga na mbi na gbe ti azo ti fango ngbanga ndali ni laa!

Awatokua 6:1

Na ya ti alango ni so, wungo ti adisiple ayeke gue na nduzu. Azuife so ayeke tene yanga ti greke ayeke pa ala so ayeke tene yanga ti hebro, ngbanga ti so azuife so ayeke tene yanga ti hebro ayeke girisa awali-mua ti azuife so atene yanga ti greke na ndembe ti kangbingo ye ti lango oko oko.

Awatokua 9:39

Tongaso Pierre alondo hio si lo na ala ague. So lo si kâ, ala gue na lo na ya ti kubu ti nduzu. Awali-mua abongbi na tere ti Pierre si ala yeke toto; ala yeke fa na lo anduzu-bongo na ayongoro bongo so Dorkas afu ni na ngoi so lo ngba na fini.

Awatokua 9:41

Pierre ayoro maboko, agbu lo si ayo lo na nduzu. Na pekoni, lo iri azo ti Nzapa na awali-mua si lo fa na ala Tabita so ayeke na fini.

Rome 1:12

Mbi ye ti tene mbirimbiri mbi tene, mbi ye ti si na ala si mbi na ala kue, e wara ngangu: ala wara ngangu ndali ti mabe ti mbi si mbi nga, mbi wara ngangu ndali ti mabe ti ala.

Rome 1:5

Na lege ti lo, Nzapa asara nzoni be na mbi si mbi ga watokua ndali ti iri ti Christ, ti sara si azo ti dunia kue ama na be na Jésus Christ si ala sara ye alingbi na tënë ti lo.

1 Korente 7:32

Mbi ye titene ala gi be ti ala pepe. Koli so amu wali pepe, be ti lo ayeke gi na ndö ti aye ti Kota Gbia, lo yeke gi titene be ti Kota Gbia anzere na lo.

1 Korente 7:34

tongaso be ti lo ayeke na ndö ti aye use. Wali so amu koli pepe, na maseka-wali nga, be ti ala ayeke gi na ndö ti aye ti Kota Gbia titene ala bata tere ti ala na yingo ti ala nde ndali ti Nzapa. Me wali so amu koli awe, be ti lo ayeke gi na ndö ti aye ti dunia so, lo yeke gi titene be ti koli ti lo anzere na lo.

Efeze 6:18

Na ya ti aye so kue, ala sambela Nzapa titene lo mu na ala maboko; ala sambela na ngoi kue na lege ti Yingo. Ndani laa, le ti ala akpengba, ala sambela ndali ti azo ti Nzapa kue, ala ngba daa lakue.

Filipe 4:6

Ala gi be ti ala ndali ti mbeni ye oko pepe, me na ya ti ye kue, ala fa na Nzapa ye so ala ye, na lege ti sambela, na vorongo tere nga na mungo singila na lo.

1 Timothée 2:1

Kozo ye so mbi ye ti mu wango daa ayeke so: ala hunda ye na Nzapa, ala sambela lo, ala voro tere ti ala na lo, ala mu singila na lo ndali ti azo kue.

1 Timothée 5:16

Tongana mbeni wali ama na be si na ya ti sewa ti lo ambeni wali-mua ayeke daa, alingbi lo bata ala, lo zia kungba ti batango ala na ndö ti *Eglize pepe. Tongaso si Eglize alingbi ti mu maboko na awali-mua so ayeke taa awali-mua.

1 Timothée 5:3

Mo ne awali-mua, ala so ayeke taa awali-mua.

2 Timothée 1:3

Mbi mu singila mingi na Nzapa so mbi yeke sara na lo na vuru be tongana ti so akotara ti mbi asara ando. Bi na lâ, mbi yeke zia mo lakue na ya ti asambela ti mbi.

1 Pierre 3:5

Na lege so laa awali so ando ayeke nde si ayeke nzoni kue, ala so azia be ti ala na Nzapa, asara ti ga pendere; ala yeke ma yanga ti akoli ti ala.

Ruth 2:12

Mbi sambela titene anzoni ye so mo sara so, KOTA GBIA akiri peko ni na mo. Ayeke nzoni KOTA GBIA, Nzapa ti Israel, so mo ga ti duti na gbe ti lo akiri peko ni kue na mo.”