1 Timothée 5:4 - Mbeti ti Nzapa - Tënë so amu fini

⁴ Tongana mbeni wali-mua ayeke na amolenge wala atara, alingbi ala hinga ti bata azo ti sewa ti ala kozoni, ti kiri na peko ti nzoni ye so ababâ na amama ti ala asara ando na ala. Ye so anzere na le ti Nzapa laa.

1 Timothée 5:4 ပူးပေါင်းရင်းမြစ်များ

Tongo nda ti aye 47:12

Joseph amu na babâ ti lo, na a-ita ti lo, na asewa ti babâ ti lo, kobe ti tengo ni alingbi na wungo ti amolenge so ala yeke na ni.

Tongo nda ti aye 47:28

Jacob asara ngu baleoko na mbarambara na Ezipte. Tongaso Jacob asara ngu ngbangbo oko na baleosio na mbarambara na ndö ti gigi.

Mbeti ti Job 18:19

Fade mbeni molenge wala ata ti lo ti mu plase ti lo na ya ti kodro ayeke daa pepe. Na ya ti da ti lo, mbeni zo oko ayeke ngba na fini pepe.

Amato 31:28

Amolenge ti lo ayeke ga ti bi kongo na li ti lo; koli ti lo ayeke gonda lo.

Ésaïe 14:22

So tënë ti yanga ti KOTA GBIA so ayeke na ndö ti dunia kue laa: “Fade mbi yeke londo na tere ti azo ti Babilone, mbi yeke zi iri ti Babilone, na tanga ti azo ti gbata ni so angba na fini, amolenge ti ala nga na *ahale ti ala. So tënë ti yanga ti KOTA GBIA laa.

Nzoni Tënë so Luc asu na mbeti 2:51

Na pekoni, Jésus na ala akiri na Nazaret. Lo yeke ma yanga ti ala. Mama ti lo angba ti dabe ti lo na aye so.

1 Timothée 2:3

Baa, ye so ayeke nzoni si anzere na le ti Nzapa, Wasongo e laa.

1 Timothée 5:16

Tongana mbeni wali ama na be si na ya ti sewa ti lo ambeni wali-mua ayeke daa, alingbi lo bata ala, lo zia kungba ti batango ala na ndö ti *Eglize pepe. Tongaso si Eglize alingbi ti mu maboko na awali-mua so ayeke taa awali-mua.

Tite 1:11

Alingbi mo kanga yanga ti ala, ngbanga ti so ala sara si mabe ti azo kue na ya ti ambeni sewa ati. Ala ye ti gi nginza na lege ti sioni, nilaa ala yeke fa tënë so zo alingbi fade ti fa pepe.

Awafango-ngbanga 12:14

Abdon ayeke na amolenge-koli baleosio nga na atara baleota; ala yeke ko na ndö ti alele balembarambara. Abdon aduti wafango-ngbanga ngu miombe na Israel.

Ruth 2:18

Lo mu ale ti kobe ni si lo kiri na kodro; lo fa ni na mama ti koli ti lo. Tanga ti kobe so lo te si angba so, lo sigigi nga na ni si lo mu ni na kogara ti lo.

Ruth 2:2

Ruth, zo ti mara ti Moab, atene na Noemi: “Mbi ye ti gue na yaka. Tongana mbeni zo asara nzoni be na mbi, fade mbi yeke ro ale ti kobe so atuku na sese na peko ti lo.” Noemi akiri tënë, atene: “Mo gue ma, molenge ti mbi!”