1 Timothée 5:21 - Mbeti ti Nzapa - Tënë so amu fini

²¹ Na le ti Nzapa, na le ti Jésus Christ, na le ti *a-ange so lo soro ala, mbi hunda na mo na ngangu ti sara aye so kue: mo mu mbage ti mbeni zo pepe, mo ye ambeni zo ahon ambeni pepe.

1 Timothée 5:21 ပူးပေါင်းရင်းမြစ်များ

Abia (Psaumes) 107:43

Zo so ayeke na ndara, fade lo yeke gbu li ti lo na ndö ti aye ni si lo yeke hinga lo tene, KOTA GBIA ayeke sara nzoni be.

Abia (Psaumes) 119:34

Sara si mbi hinga ndo si mbi sara ye alingbi na ndia ti mo; mbi mu be ti mbi kue ti sara ye alingbi na ni.

Amato 18:5

Tongana zo ake ti fâ ya ti ngbanga ti zo ti mbirimbiri si lo mu gi mbage ti zo ti sioni, so ayeke nzoni pepe.

Awayango-sandaga 14:42

Na pekoni, a yeke mu ambeni têne nde ti zia na ndo so lani akozo têne ni ayeke daa; a yeke mu mbeni sese nde, a sara na potopoto ti bo na tere ti da ni.

Awayango-sandaga 19:15

“Na le ti ngbanga, ala fâ ngbanga na legeni: ala mu mbage ti zo ti mawa pepe, ala mu nga mbage ti kota zo pepe; me ala fâ ngbanga ti amba ti ala mbirimbiri.

Malashii 2:9

Mbi nga, mbi yeke sara titene azo abaa ala tongana ambumbuse zo si azo ni abi buba na tere ti ala. Biani, lege so mbi fa na ala, awayango-sandaga, ala yeke mu ni pepe; ala yeke baa azo bango si ala yeke fâ ya ti tënë ti ala na lege ti ndia.”

Matthieu 16:27

Biani, *Molenge ti Zo ayeke ga ande na *a-ange ti lo na ya ti gonda ti Babâ ti lo. Fade lo yeke futa zo oko oko alingbi na sarango ye ti lo.

Matthieu 25:41

“Na pekoni, fade Gbia ni ayeke tene na azo so ayeke na mbage ti maboko ti lo ti wali: ‘Ala hon yongoro na tere ti mbi, ala so Nzapa adeba ala awe so! Ala gue na ya ti kota wâ so ayeke gbi lakue lakue, so a leke ni ndali ti Zabolo na *a-ange ti lo.

Matthieu 28:20

ala fa na ala ti bata lege ti aye so kue mbi mu yanga na ala. Baa, mbi yeke na ala lakue ngbii asi na ngoi ti ndani.”

Nzoni Tënë so Luc asu na mbeti 20:21

Ala hunda lo, atene: “Wafango-ye, e hinga so mo yeke tene tënë si mo yeke fa ye gi na legeni mbirimbiri; mo yeke mu mbage ti zo oko pepe, me mo yeke fa mbirimbiri lege ti sarango ye so Nzapa aye.

Nzoni Tënë so Luc asu na mbeti 9:26

Tongana mbeni zo asara kamene ti mbi na ti atënë ti mbi, fade Molenge ti Zo ayeke sara nga kamene ti lo na lango so lo yeke ga na ya ti gonda ti lo, gonda ti Babâ ti lo nga na ti *a-ange so ayeke nde si ayeke nzoni kue.

2 Korente 5:16

Ndani laa, ti fadeso, e yeke kiri ti baa zo oko na le ti e na bango ndo ti zo pepe. Ataa so e baa Christ ando na le ti e na bango ndo ti zo, ti fadeso e yeke kiri ti baa lo tongaso pepe.

Ndia ti fani use ni 1:7

Fadeso, ala londo, ala gue na sese ti ahoto so azo ti mara ti Amori ayeke daa nga na asese so ayeke na tere ni, so azo ti Kanaan ayeke lango daa, so ti tene na lando ti Jourdain, na sese ti ahoto, na *Kodro-ti-gbeni, na sese ti Negev nga na sese so ayeke na tere ti kota ngu-ingo ti Mediterane. Ala gue nga ngbii, ala si na ahoto ti Liban nga na *bale ti Efrate.

Ndia ti fani use ni 33:9

Ala baa babâ na mama ti ala tongana azo pepe, ala baa amolenge ti ala na a-ita ti ala tongana azo pepe; me ala bata tënë ti yanga ti mo, ala sara ye alingbi na *mbuki ti mo.

1 Tesalonike 5:27

Mbi hunda na ala na ngangu na iri ti Kota Gbia titene ala diko mbeti so na a-ita, azo ti Christ kue.

1 Timothée 6:13

Mbi mu yanga na mo na le ti Nzapa so ayeke mu fini na aye kue nga na le ti Jésus Christ so atene pendere tënë ti mabe na le ti Ponse Pilate.

2 Timothée 2:14

Mo dabe ti azo na atënë so kue. Na le ti Nzapa, mo tene na ala ti kai apapa ndali ti lege so azo ayeke di iri ti aye. Apapa so ayeke sara nzoni ye oko na zo pepe, ayeke sara gi sioni na azo so ayeke ma ni.

2 Timothée 4:1

Na le ti Nzapa nga na le ti Jésus Christ so ayeke ga ande ti fâ ngbanga ti azo so ade na fini na azo so akui awe, ndali ti kiringo ti lo ti ga ti duti *Kota Gbia, mbi hunda na mo titene

Jacques 3:17

Me ndara so alondo na yayu, kozoni asara si zo aduti na vurungo be, na pekoni, asara si zo aduti na siriri, zo asara ye na ngangu pepe, zo ama tere na mba ti lo, zo asara nzoni be mingi na mba ti lo si lo sara nga anzoni ye. Ndara ti yayu ayeke mu mbage ti mbeni zo pepe si zo so ayeke na ni, tënë ti yanga ti lo ayeke nde pepe na sarango ye ti lo.

2 Pierre 2:4

Biani, *a-ange so asara siokpari ando so, Nzapa azia ala senge tongaso pepe, me lo bi ala na ya ti kota wâ, lo kanga ala na zingiri na ya ti vukongo ndo ti bata ala, ti ku na lango ti fango ngbanga.

Jude 1:6

Ala dabe ti ala na ambeni *a-ange: kota ndo so Nzapa amu na ala, be ti ala anzere na ni pepe; ndo so lo mu na ala titene aga ti ala wani, ala do azia. Tongaso, lo kanga ala na zingiri, lo bata ala kpu na kpu na ya ti vukongo ndo ti ku na kota lango ti fango ngbanga.

Aye so Nzapa afa 14:10

fade lo nga, lo yeke nyon vin ti kota ngonzo ti Nzapa. A yeke tuku vin ni na ya ti kopo ti ngonzo ti Nzapa, a yeke tuku ngu daa pepe. Lo yeke baa ande pasi na le ti wâ na *sufre, na le ti a-ange ti Nzapa nga na le ti Molenge ti Taba.