1 Timothée 5:20 - Mbeti ti Nzapa - Tënë so amu fini

²⁰ Azo so asara siokpari, mo suku na ala na le ti azo kue, tongaso si mbeto agbu atanga ni.

1 Timothée 5:20 ပူးပေါင်းရင်းမြစ်များ

Awayango-sandaga 19:17

“Be ti ala ake ita ti ala pepe, me ala suku na zo ti kodro ti ala, tongaso si sioni ti lo ati na li ti ala pepe.

Awatokua 19:17

Azo ti gbata ti Efeze, azuife na azo ti amara nde ama tënë ti ye so; mbeto agbu ala kue si ala sepela iri ti *Kota Gbia Jésus.

Awatokua 5:11

Azo ti *Eglize ni kue na azo so kue ama tënë ti ye so, mbeto agbu ala mingi.

Awatokua 5:5

So Ananias ama tënë so, lo ti si lo kui. Azo so kue ama tënë ti ye so, mbeto agbu ala mingi.

2 Korente 7:11

Ala baa aye so vundu so Nzapa ayeda na ni asara na popo ti ala laa: ala baa lege ti akua hio! Ala fa peko ti tënë so ayeke na li ti ala! Ngonzo agbu ala na bango ye ti sioni! Mbeto ayeke na be ti ala! Ala yeke na nzara mingi ti baa mbi! Ala yeke na nzara ti sara kua! Ala fâ ngbanga na li ti azo so asara sioni! Na lege ti aye so kue, ala fa atene, tënë ayeke na li ti ala pepe.

Efeze 5:11

Aye so azo ayeke sara na ya ti vukongo ndo ayeke sara nzoni na zo oko pepe. Ala azo ti Nzapa, ala yoro tere ti ala na ya ni pepe, me ala sigigi na nda ti aye ni.

Ndia ti fani use ni 13:11

Fade mo yeke bo zo ni na têne si lo yeke kui, ngbanga ti so lo gi lege ti handa mo titene mo ke KOTA GBIA Nzapa ti mo so asara si mo sigigi na Ezipte, ndo so lani mo yeke ngbaa daa.

Ndia ti fani use ni 17:13

Azo kue ayeke ma tënë ni si fade mbeto ayeke gbu ala; tongaso, mbeni zo ayeke kiri ti sara ye ti baba tongaso pepe.

Ndia ti fani use ni 19:20

Fade tanga ti azo ayeke ma tënë ti ye so si mbeto ayeke gbu ala. Tongaso, fade ala yeke kiri ti sara sioni ye tongaso pepe na popo ti ala.

Ndia ti fani use ni 21:21

Fade azo kue ti gbata ni ayeke bo lo na têne si lo kui. Lege so ala, azo ti Israel, ala yeke zi sioni ye na popo ti ala laa. Azo ti Israel kue ayeke ma tënë ni si mbeto agbu ala.

1 Timothée 1:20

Himene na Alexandre ayeke na popo ti azo ni so. Mbi zia ala na maboko ti Satan titene ala manda ti kiri ti zonga Nzapa pepe.

2 Timothée 4:2

mo fa tënë ti Nzapa na azo, wala ndembe ni laa wala ndembe ni laa pepe, mo ngba gi daa. Mo fa sioni ti azo na le ti ala, mo suku na ala, mo mu wango na ala; be ti mo awoko na lege ni pepe, mo ngba na nzara ti fango ye na ala.

Tite 1:13

Tënë so lo tene so ayeke taa-tënë. Ndani laa, alingbi mo suku na ala ngangu si mabe ti ala aduti na legeni;

Tite 2:15

Lege so mo lingbi ti tene tënë na azo, ti mu wango na ala, ti suku na ala laa; mo sara ni na ngangu so Nzapa amu na mo. Mo sara si mbeni zo oko abaa mo tongana buba zo pepe.