1 Timothée 5:19 - Mbeti ti Nzapa - Tënë so amu fini

¹⁹ Tongana mbeni zo abi tënë na li ti mbeni kangba, mo ke tënë ni; me tongana mo kiri mo ma tënë ni na yanga ti azo use wala ota si mo yeda.

1 Timothée 5:19 ပူးပေါင်းရင်းမြစ်များ

Matthieu 18:16

Me tongana lo ke ti ma mo, mo mu zo oko wala azo use na tere ti mo ti kiri ti baa lo, tongaso si ‘na lege ti tënë ti yanga ti azo use wala ota so ahinga tënë ni, ala leke tënë ni nzoni’, tongana ti so Mbeti ti Nzapa atene.

Jean 18:29

Pilate asigigi, lo gue na mbage ti ala si lo hunda ala, lo tene: “Ala yeke bi tënë na li ti koli so ngbanga ti nyen?”

Jean 8:17

*Ndia ti ala wani atene: ‘Tongana azo use afa peko ti mbeni tënë si yanga ti ala ague oko, tënë ti ala ayeke taa-tënë.’

Awatokua 11:30

Ala bongbi aye ni si ala tokua ni na *akangba ti Judée, na maboko ti Barnabas na Saul.

Awatokua 25:16

Me mbi tene na ala, mbi tene, kozo titene e kanga mbeni zo, na lege ti ndia ti e, azo ti Rome, e yeke mu lege na lo ti fa nda ti tënë ti lo na le ti azo so abi tënë na li ti lo.

2 Korente 13:1

Fani ota titene mbi gue na ndo ti ala kâ laa. Andaa Mbeti ti Nzapa atene: “Na lege ti tënë ti yanga ti azo use wala ota so ahinga tënë ni laa alingbi ti leke tënë ni nzoni.”

Ndia ti fani use ni 17:6

Zo so a fâ ngbanga ti kuâ na li ti lo, fade a yeke fâ lo gi na peko ti tënë ti yanga ti azo use wala ota; me na peko ti tënë ti yanga ti zo oko pepe.

Ndia ti fani use ni 19:15

Moïse atene: Tongana mbeni zo asara sioni wala lo sara mbeni mara ti siokpari wa, tënë ti yanga ti zo oko alingbi pepe titene ala fâ ngbanga na li ti zo ni. Alingbi azo use wala ota abaa zo ni na sarango ye ni si tënë ni aduti taa-tënë.

1 Timothée 4:14

Matabisi so Nzapa amu na mo, mo sara mbana na ni pepe. Mo wara matabisi ni lani na peko ti tënë ti yanga ti Nzapa na ngoi so bongbi ti *akangba azia maboko ti ala na ndö ti mo.

1 Timothée 5:17

*Akangba so ayeke bata *Eglize na legeni, ayeke nzoni azo ane ala si afuta ala na legeni; mbirimbiri ala so amu tere ti ala kue na kua ti fango tënë ti Nzapa nga na fango ye na azo.

Tite 1:6

Alingbi kangba ayeke zo so tënë ayeke na li ti lo pepe, lo yeke gi na wali oko; amolenge ti lo ayeke azo so ama na be, zo ti bingo tënë na li ti ala ndali ti sarango ye ti kirikiri wala ti sarango ngangu li ayeke daa pepe.

Ahebro 10:28

Ando, zo so ake ti sara ye alingbi na *Ndia ti Moïse, tongana azo use wala ota abaa lo si atene tënë ni, azo ayeke mu zo ni ti fâ lo; mbeni zo ti baa mawa ti lo ayeke daa pepe.