1 Timothée 5:11 - Mbeti ti Nzapa - Tënë so amu fini

¹¹ Me awali-mua so angba maseka, mo zia iri ti ala na popo ti awali-mua pepe, ngbanga ti so tongana nzara ti be ti ala asara ala, fade ala yeke zia lege ti Christ si ala kiri ti mu koli.

1 Timothée 5:11 ပူးပေါင်းရင်းမြစ်များ

Ésaïe 3:16

*KOTA GBIA atene: “Awali ti *Sion, so fango tere na ala! Ala yeke bi go ti ala si ala yeke tambula, le ti ala ayeke za ti handa na akoli. Ala yeke tambula ze ze si alenge so ala kanga na gere ti ala ayeke toto.”

Osée 13:6

Gi so mo si na ndo ti tengo pere awe, mo te pere ya ti mo asi. So ya ti mo asi awe, baba ahon ndö ti mo; ndani laa be ti mo agirisa na mbi.

Ndia ti fani use ni 32:15

Tongaso Yeshurun ate kobe ti mafuta mingi, lo te kobe, ya ti lo asi, lo te kobe ti mafuta mingi, lo kono pendere, lo yeke na mafuta mingi. Na pekoni, lo zia Nzapa so asara lo, lo baa Kota Têne ti songo lo na kuâ tongana buba ye.

1 Timothée 4:3

Azo ni so ayeke gbanzi azo ti mu wali wala koli, ala yeke gbanzi azo ti te ambeni kobe. Andaa Nzapa asara kobe titene azo ti lo so ahinga taa-tënë nzoni ate ni na mungo na lo singila.

1 Timothée 5:12

Na sarango ye tongaso, tënë ayeke ti na li ti ala ndali ti so ala buba peko ti kozo zendo ti ala awe.

1 Timothée 5:14

Ndani laa, mbi ye si awali-mua so angba maseka akiri amu koli, ala du amolenge, ala fa lege na azo ti da ti ala. Ala sara tongaso si awato ti e awara lege ti tene sioni tënë na tere ti e pepe.

1 Timothée 5:9

Tongana mo ye ti zia iri ti mbeni wali na popo ti awali-mua, alingbi lo yeke zo so ngu ti lo asi baleomene si lo yeke wali so amu koli gi fani oko.

Jacques 5:5

Na sese so, ala duti na ya ti mosoro mingi si ala duti gi na ngia. Ala te ye, ala kono kirikiri tongana abagara so aku lango ti fango ala.

2 Pierre 2:18

Ala yeke diko gba ti tënë, me ayeke gi asenge senge tënë, ala yeke handa azo so asigigi gi fafadeso na popo ti azo so agirisa lege awe. Awafango-ye ti mvene ayeke mu asioni nzara ti sarango ye ti kamene so ayeke na be ti ala ti gbu azo ni na ya ti gbanda ti ala.

Aye so Nzapa afa 18:3

Amara kue anyon vin ti lo, vin ti kota nzara ti aye ti ndumba so lo yeke sara. Agbia ti sese asara aye ti ndumba na lo, azo ti dengo buze ti sese aga azo ti mosoro gi na lege ti kota nzara ti warango ye ti lo.”

Aye so Nzapa afa 18:7

Ala sara pasi na lo, ala bi lo na ya ti aye ti vundu alingbi gi na gondango tere ti lo nga na kota nzara ti warango ye ti lo. Ala sara na lo aye ni so ndali ti so lo yeke tene na be ti lo, lo tene: ‘Mbi yeke gbia-wali, mbi so mbi duti ge so! Mbi yeke wali-mua pepe si mbi yeke sara mua laoko pepe.’

Aye so Nzapa afa 18:9

Agbia ti sese so asara aye ti ndumba na lo si ala na lo asara kota nzara ti warango ye, fade ala yeke dema tere si ala yeke toto ndali ti lo na ndembe so wâ ayeke gbi lo si ala baa guru ni so ayeke sigigi.