1 Timothée 5:10 - Mbeti ti Nzapa - Tënë so amu fini

¹⁰ Alingbi azo ahinga lo ndali ti nzoni sarango ye ti lo: lo bata amolenge ti lo nzoni, lo yamba azo so aga na da ti lo nzoni, lo sukula gere ti azo ti Nzapa, lo mu maboko na azo so ayeke na ya ti pasi si lo mu ngangu ti lo ti sara anzoni ye nde nde.

1 Timothée 5:10 ပူးပေါင်းရင်းမြစ်များ

Tongo nda ti aye 18:4

Fade a ga na kete ngu titene ala sukula na gere ti ala; ala wu tere ti ala na gbe ti keke so.

Tongo nda ti aye 19:2

Lo tene: “Mbi gbu gere ti ala, akota zo! Ayeke nzoni ala ga na da ti mbi, ala sukula gere ti ala, ala lango. Kekereke na ndaperere, ala mu lege ahon senge.” Ala kiri tënë na lo, atene: “Ên-en! E yeke lango gi na be ti kodro na ndo so.”

Tongo nda ti aye 24:32

Koli ni ali na ya ti da ti Laban. A zi akungba na ndö ti azambala si a mu pere na kobe ti tengo ni na azambala ni. A mu nga ngu na koli ni nga na azo so amu peko ti lo titene ala sukula na gere ti ala.

Tongo nda ti aye 43:24

Lo mu ala, lo gue na ala na da ti Joseph. Lo mu ngu na ala si ala sukula na gere ti ala; lo mu pere na alele ti ala titene ala te.

Abia (Psaumes) 119:4

KOTA GBIA, mo laa mo mu andia ti mo na azo titene ala bata ni nzoni.

Ésaïe 1:17

Ala manda ti sara nzoni ye; ala gi lege ti fâ ngbanga ti mbirimbiri. Ala kanga lege na zo so asara ngangu na azo; ala fâ ngbanga ti nyindu na legeni; ala gbu koko ti wali-mua.”

Awayango-sandaga 25:35

“Tongana mba ti ala aga wayere si lo wara lege ti kiri na yongo ti ala pepe, alingbi ala mu maboko na lo, tongaso si lo ngba ti duti na tere ti ala. Ala sara nga gi mara ti ye so na wande so aduti na popo ti ala, wala na wande so aga ndali ti mbeni kete ngoi.

Matthieu 25:17

Lo so lo wara ale ti lôro ngbangbo use so asara nga legeoko tongaso si lo wara ambeni le ti lôro ngbangbo use na ndö ni.

Matthieu 5:16

Legeoko nga, alingbi lumiere ti ala aza na dawa ti azo kue. Tongaso, fade azo ni ayeke baa anzoni sarango ye ti ala si ala yeke gonda Babâ ti ala, azo ti mbi, so ayeke na yayu.

Nzoni Tënë so Luc asu na mbeti 7:38

Lo luti na peko ti Jésus, nduru na tere ti lo. Lo yeke toto, ngu ti le ti lo ayeke yuru na ndö ti gere ti Jésus si lo yeke mbo ni na kua ti li ti lo; lo gbu gere ti Jésus si lo yeke tuku yombo ni na ndö ni.

Nzoni Tënë so Luc asu na mbeti 7:44

Na pekoni, Jésus abaa ndo na mbage ti wali ni si atene na Simon: “Mo baa wali so? So mbi li na da ti mo, mo mu na mbi ngu pepe ti sukula na gere ti mbi; me lo, lo sukula gere ti mbi na ngu ti le ti lo si lo mbo ni na kua ti li ti lo.

Awatokua 10:22

Azo ni akiri tënë, atene: “Kapita Corneille laa atokua e. Lo yeke zo ti mbirimbiri, lo yeke kpe mbeto ti Nzapa si azuife kue ayeke tene nzoni tënë ti lo. Mbeni ange ti Nzapa ahunda na lo ti iri mo ti ga na da ti lo titene lo ma tënë so mo yeke tene na lo.”

Awatokua 22:12

“Kâ, mbeni koli ayeke daa, iri ti lo Ananias. Lo ye tënë ti Nzapa mingi si lo yeke bata *Ndia ti Moïse nzoni. Azuife so kue ayeke na Damas atene nzoni tënë ti lo mingi.

Awatokua 6:3

A-ita, ayeke nzoni ala soro azo mbarambara na popo ti ala, azo so Yingo-Vuru asi ala, so azo ayeke tene nzoni tënë ti ala, azo ti ndara, fade e yeke zia kua so na maboko ti ala.

Awatokua 9:36

Na gbata ti Zope, mbeni wali ayeke daa so ayeke disiple ti Jésus, iri ti lo ayeke Tabita. Iri ti lo na yanga ti greke ayeke Dorkas, nda ni atene “Dengbe”. Lo mu ngoi ti lo kue ti sara anzoni ye na azo, ti mu maboko na azo ti mawa.

Awatokua 9:39

Tongaso Pierre alondo hio si lo na ala ague. So lo si kâ, ala gue na lo na ya ti kubu ti nduzu. Awali-mua abongbi na tere ti Pierre si ala yeke toto; ala yeke fa na lo anduzu-bongo na ayongoro bongo so Dorkas afu ni na ngoi so lo ngba na fini.

Rome 12:13

Ala mu maboko na azo ti Nzapa so ye atia ala, ala yamba agene nzoni.

Efeze 2:10

Taa-tënë, Nzapa laa asara e; na gango so e ga oko na Jésus Christ, Nzapa aleke e titene e mu tere ti e kue ti sara anzoni ye so lo leke kozoni titene e sara.

Kolose 1:10

Tongaso, fade dutingo ti ala ayeke lingbi na ti so be ti *Kota Gbia aye si ala sara ye so anzere na be ti lo. Ye ti peko ni ayeke so ala yeke sara mara ti anzoni ye nde nde si hingango so ala hinga na Nzapa ayeke gue lakue na nduzu.

1 Timothée 2:10

Me alingbi ala fa so ala yeke pendere na lege ti sarango anzoni ye; ye so awali so akpe mbeto ti Nzapa alingbi ti sara laa.

1 Timothée 3:2

Alingbi zo ti li ti Eglize ayeke zo so tënë ayeke na li ti lo pepe, lo yeke gi na wali oko, lo yeke sara ye ahon ndoni pepe, me na legeni, lo yeke tene tënë na legeni, lo yeke sara ye na lege ti nengo tere, lo yeke yamba azo nzoni na da ti lo, lo hinga lege ti fango ye na azo;

1 Timothée 3:7

Alingbi lo duti zo so azo so ama na be pepe atene nga nzoni tënë ti lo. Tongaso, fade azo ayeke tene sioni tënë na tere ti lo pepe si lo ti na ya ti gbanda ti Zabolo pepe.

1 Timothée 5:16

Tongana mbeni wali ama na be si na ya ti sewa ti lo ambeni wali-mua ayeke daa, alingbi lo bata ala, lo zia kungba ti batango ala na ndö ti *Eglize pepe. Tongaso si Eglize alingbi ti mu maboko na awali-mua so ayeke taa awali-mua.

1 Timothée 5:25

Anzoni ye so zo asara, azo ayeke baa ni na le ti ala. Ataa anzoni ye so zo abaa ni hio pepe, alingbi ti ngba na hondengo ni pepe.

1 Timothée 6:18

Ayeke nzoni azo ti mosoro asara nzoni ye, ala ga azo ti mosoro na lege ti sarango anzoni ye, ala mu ye na azo, ala kanga maboko ti ala daa pepe, ala kangbi aye ti ala na amba ti ala.

2 Timothée 1:5

Mbi dabe ti mbi na taa mabe so mo yeke na ni. Gi mabe so Lois, ata ti mo ti wali, lo na Enis, mama ti mo ayeke na ni kozoni laa. Mbi hinga so gi mabe ni so laa mo yeke na ni.

2 Timothée 2:21

Zo so azia lege ti sarango aye ti sioni so mbi yeke tene tënë ni so, fade lo yeke ga tongana sembe so a bata ni ndali ti alango ti matanga, lo yeke ga tongana sembe so a zia ni nde titene wa ni asara na kua na ndembe so lo ye ti sara nzoni ye kue.

2 Timothée 3:15

Ti londo na ndembe so mo de kete molenge ngbii asi fadeso, mo hinga Mbeti ti Nzapa; mbeti ni alingbi ti mu na mo ndara. Ndara ni ayeke fa na mo lege titene mo soo kuâ na lege so mo ma na be na Jésus Christ.

2 Timothée 3:17

si zo ti Nzapa akpengba, lo wara anzoni ye so kue alingbi titene lo sara na nzoni kua.

Tite 2:14

Lo ka ando tere ti lo na kuâ ndali ti e, ti zi e na ya ti aye ti sioni kue, ti sukula e si e ga azo ti lo wani, titene e mu ngangu ti e kue ti sara anzoni ye.

Tite 2:7

ala sara tongaso na ya ti aye kue. Mo nga, mo duti tapande na lege ti sarango anzoni ye: mo fa ye na azo na legeni mbirimbiri, mo ne tere ti mo.

Tite 3:1

Mo kiri mo tene na azo kue: alingbi ala ma yanga ti azo ti komandema na ti azo so ayeke na li ti kodro; alingbi ala sara ye so azo ni ahunda na ala, ala duti nduru ti sara nzoni ye lakue.

Tite 3:14

Alingbi azo ti e nga amanda lege ti mu tere ti ala kue ti sara anzoni ye. Tongaso, tongana mbeni ye atia, ala lingbi ti mu maboko ndali ni, ala duti gi senge pepe.

Tite 3:8

Tënë so ayeke taa-tënë. Mbi ye mo tene tënë na ndö ni ngangu si azo so ama na be na Nzapa azia be ti ala na sarango anzoni ye. So laa ayeke nzoni si azo alingbi ti wara ye daa.

Ahebro 10:24

E baa ndo na ndö ti amba ti e na popo ti e ti pusu e titene e ye azo si e sara anzoni ye.

Ahebro 13:2

Ala girisa pepe ti yamba agene nzoni. Na lege ti yambango azo, ambeni ayamba *a-ange, me ala hinga pepe atene, so ayeke a-ange.

Ahebro 13:21

Ayeke nzoni Nzapa asara si ala ga azo so alingbi ti sara ye so kue ayeke nzoni nga na ye so be ti lo aye! Ayeke nzoni, na lege ti Jésus Christ, Nzapa asara si e sara ye so anzere na be ti lo! Gonda ayeke ti lo kpu na kpu! Amen.

1 Pierre 2:12

Alingbi dutingo ti ala na popo ti azo ti amara nde ayeke nzoni. Tongaso, ataa so azo ni ayeke bi tënë na li ti ala atene, ala yeke azo ti sarango sioni, azo ni abaa nzoni sarango ye ti ala si ala gonda Nzapa na ndembe so lo yeke ga.

1 Pierre 4:9

Ala yamba amba ti ala nzoni na ndo ti ala, me na dikongo tënë na gbe ti go ti ala pepe.

3 Jean 1:12

Azo kue ayeke tene nzoni tënë ti Demetrius, ndali ti so lo yeke sara ye gi na lege ti taa-tënë. E nga, e yeke tene nzoni tënë ti lo; mo hinga so tënë so e yeke tene na ndö ti lo ayeke taa-tënë.