1 Timothée 4:7 - Mbeti ti Nzapa - Tënë so amu fini

⁷ Mo ke ambai ti mvene so azo ayeke tene kirikiri si alingbi na tënë ti mabe pepe so. Me mo gbu tënë ti Nzapa ngangu.

1 Timothée 4:7 ပူးပေါင်းရင်းမြစ်များ

Awatokua 24:16

Ndani laa, mbi nga, mbi yeke sara ngangu lakue titene mbeni sioni ye aduti na be ti mbi na le ti Nzapa pepe nga na le ti azo pepe.

1 Timothée 1:4

Mo ke nga na ala titene ala zia be ti ala na ndö ti ambai ti mvene wala na dikongo a-iri ti akotara gbani gbani. Aye so ayeke ga na *bingbingo tënë na popo ti azo, me nzoni lege so Nzapa aleke ndali ti zo, ala lingbi ti hinga ni na lege ti aye so pepe. Zo ayeke hinga nzoni lege ni gi na lege ti mabe.

1 Timothée 1:9

Alingbi e hinga ye so: azo so ayeke sara ye mbirimbiri, ndia ayeke ndali ti ala pepe; me ndia ayeke ndali ti azo so ake ti ma yanga, azo ti ngangu li, azo so ake tënë ti Nzapa, azo ti sarango siokpari, azo so akpe ye ti Nzapa wala ye ti yingo pepe, azo so ayeke fâ ababâ na amama ti ala, azo ti fango zo,

1 Timothée 2:10

Me alingbi ala fa so ala yeke pendere na lege ti sarango anzoni ye; ye so awali so akpe mbeto ti Nzapa alingbi ti sara laa.

1 Timothée 3:16

Biani, tënë ti mabe so a sigigi na nda ni awe ayeke kota tënë mingi, tënë ni ayeke so: Christ amu tere ti zo si lo fa tere ti lo na azo, Yingo-Vuru afa atene, lo yeke zo ti mbirimbiri, *a-ange abaa lo. A fa tënë ti lo na azo ti amara nde, azo ti dunia ama na be na lo si lo gue na yayu na ya ti gonda.

1 Timothée 4:8

Tarango tere na lege ti angia ti wanguru ayeke sara nzoni na zo gi kete; me gbungo tënë ti Nzapa ngangu ayeke sara nzoni na zo na ya ti aye kue. Biani, ndali ti zo so, zendo ti duti na fini laso nga na ngoi so ayeke ga gbanda ayeke daa.

1 Timothée 6:11

Ti mo zo ti Nzapa, mo kpe lege ti aye so kue. Mo gi lege ti ga mbirimbiri na le ti Nzapa, ti gbu tënë ti lo ngangu, ti duti na mabe, ti duti na ndoye, ti kanga be ti mo na ya ti aye so ayeke si na mo, ti duti nga na wokongo be.

1 Timothée 6:20

Timothée, mo bata ye so Nzapa azia na maboko ti mo so nzoni. Mo kpe lege ti asenge senge tënë so asongo na mabe pepe, mo kpe nga lege ti atënë ti mvene ti azo so abaa ti ala atene, ala hinga aye ti nda ti gigi so.

1 Timothée 6:3

Zo so ayeke fa mbeni ye nde, tënë ti lo ague nde na ti *Kota Gbia ti e Jésus Christ si alingbi na nzoni lege ti vorongo Nzapa pepe,

1 Timothée 6:5

na bingbingo tënë so ayeke kai hio pepe; aye ni so ayeke londo lakue na popo ti azo so gbungo-li ti ala aga sioni awe, ala hinga taa-tënë oko pepe. Ala baa ti ala atene, gbungo tënë ti Nzapa ngangu ayeke mbeni lege ti warango mosoro.

2 Timothée 2:16

Mo kpe lege ti asenge senge tënë so asongo na mabe pepe. Biani, azo so amu tere ti ala na tenengo amara ti tënë so, fade ala yeke hon gi hongo yongoro na tere ti Nzapa.

2 Timothée 2:23

Me mo ke abuba tënë na atënë ti kirikiri: hinga so, amara ti atënë tongaso ayeke ga gi na papa na popo ti azo.

2 Timothée 3:12

Biani, azo so kue aga oko na Jésus Christ si ala gbu tënë ti Nzapa mingi, fade a yeke sara ngangu na ala.

2 Timothée 3:5

ala yeke sara ye, mo baa mo tene, ala yeke azo so agbu tënë ti Nzapa mingi, andaa ala zia lege ti ngangu ti mabe awe. Mara ti azo tongaso, ayeke nzoni mo zia lege ti ala.

2 Timothée 4:4

Fade ala yeke kanga mê ti ala ti ma taa-tënë si ala yeke zi mê ti ala kue ti ma gi ambai ti mvene.

Tite 1:14

alingbi ala zia be ti ala pepe na ndö ti atoli ti azuife nga na ndö ti fango tënë ti azo so azia lege ti taa-tënë.

Tite 2:12

Nzoni be ti lo afa na e titene e zia lege ti kengo Nzapa, e zia nzara ti aye ti gigi so. Tongaso, na lege ti dutingo ti e, e sara ye ahon ndoni pepe, me na legeni, e sara ye ti mbirimbiri, e ngba ti gbu tënë ti Nzapa ngangu

Tite 3:9

Me mo kpe lege ti gingo nda ti asenge senge tënë: tënë ti nda ti mara ti azo, apapa na *abingbingo tënë na ndö ti atënë ti *Ndia. Aye so kue ayeke senge senge, zo alingbi ti wara ye daa pepe.

Ahebro 5:14

Kpengbango kobe ayeke ndali ti akangba, ngbanga ti so na lege ti sarango ye so ala yeke sara lakue, le ti ala azi awe ti hinga ye ti nzoni na ye ti sioni.