1 Timothée 4:4 - Mbeti ti Nzapa - Tënë so amu fini

⁴ Ye so kue Nzapa asara ayeke nzoni, mbeni ye oko ti kengo ni ayeke daa pepe, me alingbi zo amu singila na Nzapa ndali ti ye ni.

1 Timothée 4:4 ပူးပေါင်းရင်းမြစ်များ

Tongo nda ti aye 1:31

Nzapa abaa aye so kue lo sara: aye ni ayeke nzoni mingi. Lakui ahon, ndaperere asi. Omene lango laa.

Awatokua 10:15

Go ni akiri atene na lo: “Ye so Nzapa asara si aga *nzoni awe, mo baa ni tongana *sioni ye pepe.”

Awatokua 15:29

nyama so azo aya na *sandaga na anzapa nde, ala te ni pepe; ala te mene pepe, anyama so azo apete go ti ala petengo si ala kui so, ala te nga ni pepe; ala gi wali wala koli kirikiri pepe. Tongana ala zia lege ti sarango aye so kue, so ayeke nzoni! E bara ala.”

Awatokua 21:25

Ti azo so ayeke azo ti amara nde si ala ma na be so, e tokua mbeti na ala awe. E fa na ala tënë so e leke: nyama so a ya na *sandaga na anzapa nde, ala te ni pepe, ala te mene pepe; anyama so a pete go ti ala petengo si ala kui so, ala te ni pepe, ala gi wali wala koli kirikiri pepe.”

Rome 14:14

Ti mbi, na lege ti gango so mbi ga oko na *Kota Gbia Jésus, mbi hinga biani so mbeni ye oko so ayeke *sioni ayeke daa pepe. Me tongana mbeni zo abaa mbeni ye tongana *sioni, ye ni ayeke *sioni gi na le ti zo ni.

Rome 14:20

Ndali ti tënë ti kobe, mo buba lege ti kua ti Nzapa pepe! Biani, kobe kue ayeke *nzoni, me tongana aga mbeni ye so zo ayeke pika gere ti lo daa ti ti na ya ti siokpari, andaa tengo kobe ti mo ni aga ye ti sioni awe.

Rome 14:6

Zo so abaa mbeni lango tongana kota lango ahon atanga ni, lo yeke sara tongaso ndali ti Kota Gbia; zo so ayeke te ye kue, lo yeke te ni ndali ti Kota Gbia, ngbanga ti so lo yeke mu singila na Nzapa. Zo so ayeke te ye kue pepe, lo yeke sara tongaso ndali ti Kota Gbia, ngbanga ti so lo nga, lo yeke mu singila na Nzapa.

1 Korente 10:23

Ambeni zo ayeke tene: “A mu na zo lege ti sara ye kue”. Taa-tënë, me ye kue laa ayeke sara nzoni na zo pepe. “A mu na zo lege ti sara ye kue”, me ye kue laa asara si Eglize amai pepe.

1 Korente 10:25

Ala lingbi ti te aye so kue a yeke ka na gara, me ala hunda nda ni pepe, ataa so ala yeke gi be ti ala.

1 Korente 10:26

Biani, sese na aye so kue ayeke na ndö ni ayeke ti *Kota Gbia.

1 Korente 10:30

Tongana mbi mu singila na Nzapa ndali ti kobe so mbi yeke te, ngbanga ti nyen azo ayeke kasa mbi ndali ti kobe so mbi mu singila ndali ni?

Ndia ti fani use ni 32:4

Nzapa ayeke Kota Têne ti batango e. Aye so kue lo sara ayeke nzoni kue, lege ti sarango aye ti lo kue ayeke mbirimbiri. Lo yeke Nzapa so ayeke sara ye alingbi na tënë ti yanga ti lo, lo yeke sara ye ti kirikiri pepe, lo yeke lakue mbirimbiri, lo yeke fâ ngbanga na legeni.

1 Timothée 4:3

Azo ni so ayeke gbanzi azo ti mu wali wala koli, ala yeke gbanzi azo ti te ambeni kobe. Andaa Nzapa asara kobe titene azo ti lo so ahinga taa-tënë nzoni ate ni na mungo na lo singila.