1 Timothée 4:3 - Mbeti ti Nzapa - Tënë so amu fini

³ Azo ni so ayeke gbanzi azo ti mu wali wala koli, ala yeke gbanzi azo ti te ambeni kobe. Andaa Nzapa asara kobe titene azo ti lo so ahinga taa-tënë nzoni ate ni na mungo na lo singila.

1 Timothée 4:3 ပူးပေါင်းရင်းမြစ်များ

Tongo nda ti aye 9:3

Aye so kue ayeke tambula na sese si ayeke na fini, ayeke ga kobe ti ala gi tongana ti so mbi mu ando na ala akugbe ti kasa so. Mbi mu aye so kue na ala.

Zo ti bongbingo azo 5:18

Tongana Nzapa amu mosoro nga na aye mingi na zo si lo zia zo ni na ndö ni titene lo te, lo mu ti lo na ya ni, lo wara ngia ndali ti kua so lo baa pasi na sarango ni, so matabisi ti Nzapa laa.

Daniel 11:37

Gbia ni ayeke baa anzapa ti akotara ti lo tongana senge ye. Ataa nzapa so awali aye mingi, wala mbeni nzapa nde, lo yeke baa ala tongana senge ye. Biani, lo yeke baa tere ti lo kota ahon anzapa kue.

Matthieu 14:19

Na pekoni, lo mu yanga na azo ni titene ala kue aduti na ndö ti pere. Lo mu mapa oku na susu use so, lo yo le ti lo na nduzu, lo mu singila na Nzapa. Lo fâ ya ti mapa ni, lo mu na adisiple ti lo si ala kangbi ni na gba ti azo ni.

Matthieu 15:11

ye so ali na yanga ti zo laa ayeke sara titene zo ni aga *sioni pepe; me ye so alondo na yanga ti lo asigigi laa ayeke sara titene lo ga *sioni.”

Matthieu 15:36

Lo mu mapa mbarambara na asusu so, lo mu singila na Nzapa, lo fâ ya ni, lo mu na adisiple ti lo si ala kangbi ni na gba ti azo ni kue.

Nzoni Tënë so Luc asu na mbeti 24:30

So lo na ala aduti ti te kobe, lo mu mapa, lo mu singila na Nzapa; na pekoni, lo fâ ya ni si lo mu na ala.

Jean 6:23

Me ambeni ngo nde alondo na gbata ti Tiberiade asi na ndo so *Kota Gbia amu mapa, lo mu singila na Nzapa si azo ate so.

Awatokua 27:35

Na peko ti tënë so, Paul amu mapa, lo mu singila na Nzapa na dawa ti ala kue, lo fâ ya ni si lo to nda ti te.

Rome 14:17

Biani, *Kodro-gbia ti Nzapa abaa tënë ti tengo kobe wala tënë ti nyongo ye pepe, me abaa tënë ti sarango ye ti mbirimbiri, ti siriri na ti ngia so Yingo-Vuru ayeke mu na zo.

Rome 14:3

Zo so ayeke te ye kue, alingbi lo baa tongana zo ti buba pepe zo so ayeke te gi ambeni ye; na mbage, zo so ayeke te ye kue, alingbi zo so ayeke te gi ambeni ye akasa lo pepe. Biani, Nzapa ayamba nga zo so ayeke te ye kue tongana zo ti lo.

Rome 14:6

Zo so abaa mbeni lango tongana kota lango ahon atanga ni, lo yeke sara tongaso ndali ti Kota Gbia; zo so ayeke te ye kue, lo yeke te ni ndali ti Kota Gbia, ngbanga ti so lo yeke mu singila na Nzapa. Zo so ayeke te ye kue pepe, lo yeke sara tongaso ndali ti Kota Gbia, ngbanga ti so lo nga, lo yeke mu singila na Nzapa.

1 Korente 6:13

Ambeni zo ayeke tene nga: “Kobe ayeke ndali ti ya si ya ayeke ndali ti kobe.” Taa-tënë, me Nzapa ayeke buba ande ya na kobe kue. Andaa tere ti zo ayeke titene lo sara na aye ti kirikiri pepe: tere ti zo ayeke ndali ti *Kota Gbia si Kota Gbia ayeke ndali ti tere ti zo.

1 Korente 7:28

Me tongana mo mu wali, so ayeke siokpari pepe. Tongana mbeni maseka-wali amu koli, so ayeke siokpari pepe. Me azo so amu koli wala wali, ala yeke na nengo kungba na ndö ti go ti ala; mbi ye si ala yo kungba ni pepe.

1 Korente 8:8

Kobe laa ayeke sara titene e ga nduru na Nzapa pepe. Ataa e te ni pepe, e yeke girisa ye oko daa pepe, ataa e te ni, e yeke wara ye oko daa pepe.

Kolose 2:16

Tongaso, alingbi mbeni zo afâ ngbanga na li ti ala pepe ndali ti tënë ti kobe, wala ye ti nyongo ni, wala ndali ti alango ti Nzapa, wala amatanga ti fini nze wala *alango ti wungo tere.

Kolose 3:17

Atënë so kue ala yeke tene, wala aye so kue ala yeke sara, ala sara ni na iri ti *Kota Gbia Jésus, ala mu singila na Nzapa Babâ na lege ti lo.

1 Timothée 2:4

Lo ye titene azo kue asoo kuâ si ala hinga taa-tënë.

1 Timothée 4:4

Ye so kue Nzapa asara ayeke nzoni, mbeni ye oko ti kengo ni ayeke daa pepe, me alingbi zo amu singila na Nzapa ndali ti ye ni.

1 Timothée 5:14

Ndani laa, mbi ye si awali-mua so angba maseka akiri amu koli, ala du amolenge, ala fa lege na azo ti da ti ala. Ala sara tongaso si awato ti e awara lege ti tene sioni tënë na tere ti e pepe.

Ahebro 13:4

Alingbi azo kue ane tënë ti mungo tere ti koli na wali. Alingbi koli abata tere ti lo gi ndali ti wali ti lo si wali abata nga tere ti lo gi ndali ti koli ti lo, ngbanga ti so fade Nzapa ayeke fâ ngbanga na li ti azo ti sarango aye ti ndumba nga na azo so ayeke gi akoli wala awali ti amba ti ala.

Ahebro 13:9

Ala zia lege na ambeni zo pepe ti handa ala na lege ti afango ye ti kirikiri nde nde. Titene be ti zo awara ngangu na lege ti nzoni ye so Nzapa asara, so laa ayeke nzoni, me na lege ti kobe pepe; azo so ayeke bata andia ti kobe, ala wara nzoni ye na peko ni pepe.

1 Samuel 9:13

Gi so ala yeke li na ya ti gbata ni, ala yeke wara lo kozoni si lo gue na ndö ti hoto ti te kobe. Zo oko alingbi ti te kobe pepe kozoni si lo ga, ngbanga ti so lo laa lo yeke sara tufa na ndö ti sandaga ni. Azo so a tisa ala so ayeke te ande ti ala kobe ni na peko. Ala gue hio fafadeso si ala wara lo.”