1 Timothée 4:14 - Mbeti ti Nzapa - Tënë so amu fini

¹⁴ Matabisi so Nzapa amu na mo, mo sara mbana na ni pepe. Mo wara matabisi ni lani na peko ti tënë ti yanga ti Nzapa na ngoi so bongbi ti *akangba azia maboko ti ala na ndö ti mo.

1 Timothée 4:14 ပူးပေါင်းရင်းမြစ်များ

Awatokua 11:30

Ala bongbi aye ni si ala tokua ni na *akangba ti Judée, na maboko ti Barnabas na Saul.

Awatokua 13:3

Na peko ti so ala ke kobe si ala sambela awe, ala zia maboko na ndö ti azo use so si ala mu na ala lege ti gue.

Awatokua 19:6

Paul azia maboko na ndö ti ala si Yingo-Vuru aga na ndö ti ala; ala to nda ti tene tënë na ayanga nde nde si ala tene peko ti tënë ti yanga ti Nzapa.

Awatokua 22:5

Kota wayango-sandaga na bongbi ti *akangba kue alingbi ti fa so, tënë so mbi yeke tene ayeke taa-tënë. Ala laa amu na mbi lani ambeti so ala tokua na a-ita, azuife ti Damas. Nilaa mbi gue kâ ti gbu azo ni ti kanga ala na zingiri ti kiri na ala na Jérusalem titene a sara pasi na ala.”

Awatokua 6:6

Azo ni afa ala na awatokua. Awatokua asambela Nzapa si azia maboko na ndö ti ala.

Awatokua 8:17

Tongaso Pierre na Jean azia maboko na ndö ti ala si ala wara Yingo-Vuru.

1 Tesalonike 5:19

Ala kanga lege na Yingo-Vuru pepe ti sara kua ti lo,

1 Timothée 1:18

Timothée, molenge ti mbi, aye so mbi fa, mbi zia na maboko ti mo, alingbi na atënë ti peko ti yanga ti Nzapa so azo atene na ndö ti mo. Ayeke nzoni mo luti na ndö ti atënë ni ti tiri nzoni bira na legeni;

1 Timothée 4:15

Ye so mo lingbi ti zia be ti mo kue daa ti sara ni laa. Mu tere ti mo kue na kua ni si azo kue abaa so, kua ti mo ayeke gue na nduzu.

1 Timothée 5:17

*Akangba so ayeke bata *Eglize na legeni, ayeke nzoni azo ane ala si afuta ala na legeni; mbirimbiri ala so amu tere ti ala kue na kua ti fango tënë ti Nzapa nga na fango ye na azo.

1 Timothée 5:19

Tongana mbeni zo abi tënë na li ti mbeni kangba, mo ke tënë ni; me tongana mo kiri mo ma tënë ni na yanga ti azo use wala ota si mo yeda.

1 Timothée 5:22

Mo zia maboko ti mo hio na li ti mbeni zo pepe, mo sara beoko na siokpari ti mbeni zo pepe; me mo bata be ti mo na vurungo ni.

1 Timothée 6:12

Tiri nzoni bira ti mabe na legeni titene mo gbu fini so angba lakue lakue. Biani, Nzapa airi mo ando ti wara fini ni so si mo tene tënë ti mabe ni pendere na le ti azo mingi so.

2 Timothée 1:6

Ndani laa, mbi dabe ti mo: mo sara si matabisi so Nzapa amu na mo angba lakue ti mai, matabisi so mo wara ando na ndembe so mbi zia maboko na ndö ti mo.